Saturday, March 23, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

କାଶ୍ମୀର ଆଇଏଏସ୍ ଅଧିକାରୀ ଶାହ ଫୈଜଲଙ୍କ ଇସ୍ତଫା ; ଲଢିପାରନ୍ତି ଆସନ୍ତା ଲୋକସଭା ନିର୍ବାଚନ

ଶ୍ରୀନଗର ୧୦|୧: ଇସ୍ତଫା ଦେଲେ ଆଇଏଏସ୍ ଅଧିକାରୀ ଶାହ ଫୈଜଲ । ୨୦୧୦ ମସିହାରେ ଭାରତୀୟ ପ୍ରଶାସନିକ ସେବା(ଆଇଏଏସ୍) ପରୀକ୍ଷାରେ ଟପ୍ କରିଥିବା ଶାହ ଫୈଜଲ ନିଜର ଆଇଏଏସ୍ ଚାକିରିରୁ ଇସ୍ତଫା ଦେଇଛନ୍ତି । ଇସ୍ତଫା ବାବଦରେ ଟ୍ବିଟର୍ ମାଧ୍ୟମରେ ସ୍ପଷ୍ଟୀକରଣ ଦେଇ କହିଛନ୍ତି କଶ୍ମୀରରେ ଘଟୁଥିବା ଲଗାତାର ହତ୍ୟାକାଣ୍ଡ ଏବଂ କେନ୍ଦ୍ର ସରକାରଙ୍କ ପକ୍ଷରୁ ଏନେଇ କୌଣସି ଗୁରୁତ୍ବପୂର୍ଣ୍ଣ ପଦକ୍ଷେପ ନିଆଯାଉନଥିବାରୁ ଏହାକୁ ବିରୋଧ କରି ସେ ତାଙ୍କ ପଦରୁ ଇସ୍ତଫା ଦେଉଛନ୍ତି । ସେ ଚଳିତବର୍ଷ ହେବାକୁ ଥିବା ଲୋକସଭା ନିର୍ବାଚନ ଲଢ଼ିବାକୁ ଯାଉଛନ୍ତି । ଶାହ ଫୈଜଲ ନ୍ୟାସନାଲ୍ କନଫରେନ୍ସରେ ଯୋଗ ଦେଇ ଲୋକସଭା ନିର୍ବାଚନ ଲଢ଼ିବେ ବୋଲି ଜଣାପଡ଼ିଛି । ଶାହ ଫୈଜଲ ଆଇଏସ୍ ଚାକିରି ପାଇବା ପରେ କଶ୍ମୀର ଉପତ୍ୟାକାରେ ଶିକ୍ଷା ବିଭାଗର ନିର୍ଦ୍ଦେଶକ ଭାବେ ନିଯୁକ୍ତି ପାଇଥିଲେ। ତେବେ, ସେ ଆସନ୍ତା ଲୋକସଭା ନିର୍ବାଚନରେ ବାରମୁଲା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିବେ ବୋଲି ସୂଚନା ମିଳିଛି ।

120 Views

   ସମ୍ବନ୍ଧିତ ଖବର