Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚମକିଲେ ଆୟର-ତ୍ରିପାଠୀ, ଏମଆଇକୁ ୭ ଓ୍ବିକେଟ୍‌ରେ ମାତ୍‌ ଦେଲା କେକେଆର
  • ||
  • ଭୁବନେଶ୍ବର : ଜଳଦ କୁମାର ତ୍ରିପାଠୀ ହେଲେ ମୁଖ୍ୟ ସୂଚନା କମିଶନର, ନିଯୁକ୍ତିକୁ ଅନୁମୋଦନ କଲେ ରାଜ୍ୟପାଳ
  • ||
  • ମୋରଡା : ବନ୍ୟା ପ୍ରଭାବିତ ଗାଁ ବୁଲିଲେ ବିଧାୟକ ପ୍ରଣବ ପ୍ରକାଶ ଦାସ, ମୃତକଙ୍କ ପରିବାରକୁ ପ୍ରଦାନ କଲେ ଆର୍ଥିକ ସହାୟତା
  • ||
  • ଝାରସୁଗୁଡା : ନକଲି ମାଓବାଦୀ ଗିରଫ, କମ୍ପାନୀର ସାଇଟ୍ ଇନଚାର୍ଜଙ୍କୁ ମାଗୁଥିଲା ଟଙ୍କା
  • ||
  • ଖଲ୍ଲିକୋଟ : ବିଦ୍ୟୁତ ଆଘାତ ଲାଗି ଚାଲିଗଲା ବୃଦ୍ଧଙ୍କ ଜୀବନ
  • ||
  • ଭୁବନେଶ୍ବର : ମୋଟୁ ଥାନା IICଙ୍କୁ ଗିରଫ କଲା ଭିଜିଲାନ୍ସ, କାର୍‌ରୁ ଜବତ ହୋଇଥିଲା ୨ ଲକ୍ଷ ୮୦ ହଜାର ଟଙ୍କା
  • ||
  • ପୁରୀ : ସରକାରୀ ଗାଡିରୁ ଧଳା ଜହର ଜବତ, ୪୦ଗ୍ରାମ୍ ବ୍ରାଉନସୁଗାର ସହ ୩ ଅଭିଯୁକ୍ତ ଗିରଫ
  • ||
  • କଳାହାଣ୍ଡି : କର୍ଲାପାଟ ବକ୍ସାଇଟ୍ ଖଣିର ନିଲାମ ଉପରେ ହାଇକୋର୍ଟଙ୍କ ରହିତାଦେଶ
  • ||
  • ସମ୍ବଲପୁର : ବେଆଇନ ଭାବେ ବନ୍ଧୁକ ତିଆରି ଓ ବିକ୍ରି : ଦମ୍ପତ୍ତିଙ୍କ ସମେତ ୫ ଗିରଫ, ୪ଟି ଦେଶୀ ବନ୍ଧୁକ ଜବତ
  • ||
  • ବୌଦ୍ଧ : ରାସ୍ତାରେ ପଡିଛି ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||

ଶତ୍ରୁ ମୁହଁରୁ ଫେରିଲା ସିଂହ : ସ୍ବଦେଶରେ ୱିଙ୍ଗ କମାଣ୍ଡର ଅଭିନନ୍ଦନ ବର୍ତ୍ତମାନ, ସାରା ଦେଶରେ ଉତ୍ସାହ ଓ ଉତ୍ସବ

2/03/2019 at 8:44 AM

ନୂଆଦିଲ୍ଲୀ ୨|୩ : ଶତ୍ରୁ ମୁହଁରୁ ସିଂହ ଫେରିଛି । ପାଖାପାଖି ୬୦ ଘଣ୍ଟା ପରେ ୱାଘା-ଅଟାରି ସୀମା ଦେଇ ଭାରତରେ ପହଞ୍ଚିଛନ୍ତି ବାୟୁବୀର ୱିଙ୍ଗ କମାଣ୍ଡର ଅଭିନନ୍ଦନ ବର୍ତ୍ତମାନ। ରାତି  ୯ଟା ୨୧ରେ ସେ ଭାରତରେ ଏଣ୍ଟ୍ରି କରିଥିବା ବେଳେ ଦିଲ୍ଲୀ ଅଣାଯାଇ ସ୍ବାସ୍ଥ୍ୟ ପରୀକ୍ଷା କରାଯାଇଛି ।

ଡେରିରେ ହେଉ ପଛେ ସେ ଫେରିଛନ୍ତି । ଅଟାରିରେ ଦେଶଭକ୍ତିର ଏହି ଅସମ୍ଭବ ଭିଡ଼ ଭିତରେ  ସେ ଭାରତ ମାଟିରେ ପାଦ ଥାପିଛନ୍ତି। ଦେଶ ବି ତାର ବୀର ସନ୍ତାନକୁ ଜୋରଦାର ସ୍ବାଗତ କରିଛି।  କିଏ ଭାରତ ମାତା କି ଜୟ କହୁଛି ଆଉ କିଏ ସେଠାରେ ଲହରାଉଛି ତ୍ରିରଙ୍ଗା । ଆଉ କିଏ ବାଣ ବି ଫୁଟାଉଛନ୍ତି । କିଏ ବାଜା ବଜେଇ ନାଚୁଛି। ଏ ଉତ୍ସାହ ପଛରେ ରହିଛି ବାୟୁପୁତ୍ରଙ୍କୁ ଅଭିନନ୍ଦନ ଜଣାଇବା, ସାବାସି ଜଣାଇବା।  ୱିଙ୍ଗ କମାଣ୍ଡର ଅଭିନନ୍ଦନ ବର୍ତ୍ତମାନ  ସଗୌରବେ ଭାରତ ସୀମାରେ ପହଞ୍ଚିବା ପରର ଏହି ଦୃଶ୍ୟ । ଅଭିନନ୍ଦନ ପହଞ୍ଚିବା ପରେ ବାୟୁ ସେନା ବି କରିଥିଲା ସାମ୍ବାଦିକ ସମ୍ମିଳନୀ।

କୂଟନୀତିର ଚକ୍ରବ୍ୟୁହରେ ଫସିଥିବା ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନା ଖାନ ଗତାକାଲି ଘୋଷଣା କରିଥିଲେ ଯେ ପାକିସ୍ତାନ ସେନା କବଜା କରିରଖିଥିବା ଭାରତର ୱିଙ୍ଗ କମାଣ୍ଡରଙ୍କୁ ଆଜି ଛଡ଼ାଯିବ । କିନ୍ତୁ ଏହା ପୂର୍ବରୁ ସକାଳେ ଲାହୋର ହାଇକୋର୍ଟରେ ଏକ ମାମଲା ରୁଜୁ ହୋଇଥିଲା। ପାକିସ୍ତାନ ସରକାରଙ୍କ ଘୋଷଣାକୁ ଚ୍ୟାଲେଞ୍ଜ କରାଯାଇଥିଲା। କିନ୍ତୁ ପାକ୍ କୋର୍ଟ ତାକୁ ଖାରଜ କରିଦେଇଥିଲେ। ତେଣୁ ପୂର୍ବ ଘୋଷଣା ମୁତାବକ ୱାଘା ନିକଟରେ ପହଞ୍ଚିଥିଲା ପାକିସ୍ତାନୀ ସେନାର କନଭୟ । ସାଙ୍ଗରେ ଆସିଥିଲେ ଅଭିନନ୍ଦନ। ସେଠାରୁ ଅଟାରି ଗେଟ୍। ଅଭିନନ୍ଦନଙ୍କୁ ଆସିବାକୁ ନେଇ ଆଜି ୱାଘାରେ ଭାରତର ବିଟିଂ ଦ ରିଟ୍ରିଟକୁ ବନ୍ଦ କରାଯାଇଥିଲା।

ଯେତେବେଳେ ଆକାଶରେ ପାକିସ୍ତାନ ଓ ଭାରତର ବିମାନ ମୁହାଁମୁହିଁ ହୋଇଥିଲେ। ସେତେବେଳେ ଅଭିନନ୍ଦନ ଦେଖାଇଥିଲେ ଅପୂର୍ବ ସାହସିକତା। ମିଗ୍ ବିମାନରେ ପାକିସ୍ତାନର ଏଫ ସିକ୍ସଟିନ ବିମାନକୁ ଚ୍ୟାଲେଞ୍ଜ ଦେବା କିଛି ଛୋଟିଆ କଥା ନଥିଲା। ଆଉ ପାକିସ୍ତାନର ଏଫ ୧୬ ମଧ୍ୟ ଖସାଇଦେଇଥିଲେ। ତେବେ ନିଜ ବିମାନ କ୍ରାସ ହୋଇଯିବାରୁ ପାକିସ୍ତାନରେ ଖସିଯାଇଥିଲେ ସେ । ସେଠାରେ ମଧ୍ୟ ଅପୂର୍ବ ସାହସିକତା ଦେଖାଇଥିଲେ। ନିଜ ପାଖରେ ଥିବା ସବୁ ପ୍ରମାଣକୁ ନଷ୍ଟ କରିଦେଇଥିଲେ। ଆଉ ମନରୁ ବିଶ୍ବାସ ତୁଟିନଥିଲା ସେ ନିଶ୍ଚୟ ଫେରିବେ। ଆଉ ସମାନ ବିଶ୍ବାସ ରଖିଥିଲେ ଅଭିନନ୍ଦନଙ୍କ ବାପା ମା। ଯିଏ ତାଙ୍କୁ ସ୍ବାଗତ କରିବା ଲାଗି ଦିଲ୍ଲୀରେ ପହଞ୍ଚିଥିଲେ।

ଏପଟେ ଅଭିନନ୍ଦନଙ୍କୁ ସାରା ଦେଶ ଅଭିନନ୍ଦନ ଜଣାଇଛି। ସାରା ଦେଶ ତାଙ୍କୁ ସାବାସି ଜଣାଇଛି ଆଉ ତାମିଲନାଡୁରେ ଏକ ସଭାରେ ସମ୍ବୋଧନ ଅବସରରେ ପ୍ରଧାନମନ୍ତ୍ରୀଙ୍କ ମଧ୍ୟ ତାଙ୍କୁ ଅଭିନନ୍ଦନ ଜଣାଇଛନ୍ତି।

   Related Posts