ଡେହରାଡୁନ ୧୮|୨: ଜମ୍ମୁକାଶ୍ମୀର ପୁଲଓ୍ବାମାରେ ହୋଇଥିବା ଆତଙ୍କବାଦୀ ଆକ୍ରମଣ ଘଟଣା ପରେ ସମଗ୍ର ଦେଶରେ ଲୋକଙ୍କ ମଧ୍ୟରେ ଆକ୍ରୋଶ ଦେଖିବାକୁ ମିଳୁଛି । କେବଳ ଏତିକି ନୁହେଁ ସରକାରଙ୍କ ନିକଟରେ ପ୍ରତିଶୋଧ ନେବା ପାଇଁ ଦାବି ମଧ୍ୟ କରାଯାଉଛି । ବର୍ତ୍ତମାନ ସମାଜସେବୀ ଅନ୍ନା ହଜାରେ ମଧ୍ୟ ଏଥିରୁ ବାଦ୍ ପଡିନାହାନ୍ତି । ସେ ମଧ୍ୟ ଏବେ ପ୍ରତିକ୍ରିୟା ଦେବାକୁ ଲାଗିଲେଣି । ସେ ସରକାରଙ୍କ ଉପରେ କ୍ରୋଧାନ୍ବିତ ହୋଇ ଦୃଢ କାର୍ଯ୍ୟାନୁଷ୍ଠାନ ନେବାପାଇଁ ଦାବି କରିଛନ୍ତି ।
ସେ କହିଛନ୍ତି ଯେ, ତାଙ୍କୁ ଯଦି ସେନାର ଟ୍ରକ୍ ଚାଳକ କରି ପଠାଯାଏ ତେବେ ସେ ତାଙ୍କର ଭୂମିକା ୱିର୍ବାହ କରିବା ପାଇଁ ପ୍ରସ୍ତୁତ ଅଛନ୍ତି । ବୟସ ହୋଇଯିବା ହେତୁ ସେ ବନ୍ଧୁକ ଉଠାଇପାରିବେ ନାହିଁ ସିନା କିନ୍ତୁ ସେନାର ଟ୍ରକ୍ ତ ଚଳାଇପାରିବେ ବୋଲି ସେ କହିଛନ୍ତି ।
ସୂଚନାଯୋଗ୍ୟ ଯେ, ଆନ୍ନା ହଜାରେ ୧୯୬୦ ସେନାବାହିନୀରେ ଯୋଗଦେଇଥିଲେ । ସେ ସେହି ସମୟରେ ଜଣେ ଟ୍ରକ୍ ଚାଳକ ଭାବେ କାମ କରୁଥିଲେ । କେବଳ ସେତିକି ନୁହେଁ ୧୯୬୫ ମସିହାରେ ହୋଇଥିବା ଭାରତ-ପାକିସ୍ତାନ ଯୁଦ୍ଧରେ ତାଙ୍କୁ ଖେମକରନ ସେକ୍ଟରରେ ନିୟୋଜିତ କରାଯାଇଥିଲା ।
