Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

କିଏ ସେ ପ୍ରେମିକା- କିଏ ପ୍ରେମୀ ବ୍ୟାଚଲର୍ ବିଧାୟକ ? ସୋସିଆଲ ମିଡିଆରେ ଫଟୋ ଭାଇରାଲ, ବହୁତ ଧୂଆଁ ନିଆଁ ନାହିଁ

11/01/2021 at 12:09 PM

ଭୁବନେଶ୍ୱର,୧୧/ ୦୧: ବିଧାୟକଙ୍କ ପ୍ରେମିକା !  ସୋସିଆଲ୍‌ ମିଡିଆରେ ଏବେ ଘୂରି ବୁଲୁଛି ଜଣେ ଯୁବ ବିଧାୟକ ଓ  ଯୁବତୀଙ୍କ ଫଟୋ । ଉଭୟ ଅବିବାହିତ ହୋଇଥିବାରୁ ଏଭଳି ଫଟୋକୁ ନେଇ ଏବେ ଚାରିଆଡ଼େ ଚର୍ଚ୍ଚା ଜୋର୍ ଧରିଛି । ଏଫରିକି ଯୁବତୀ ନିଜ ଆଡ଼ୁ ବିଧାୟକଙ୍କ ନାଁ ନେଇ ତାଙ୍କ ସହ ରିଲେସନ୍‌ସିପ୍‌ ବା ସଂପର୍କର ଡୋରିରେ ବାନ୍ଧି ହୋଇଥିବା କଥା ନିଜ ଫେସବୁକ୍‌ ଆକାଉଣ୍ଟ୍‌ରେ ପୋଷ୍ଟ କରିଛନ୍ତି । ଫଳରେ ଏଭଳି ପୋଷ୍ଟ୍‌କୁ ନେଇ ଲାଇକ୍‌, କମେଣ୍ଟ୍‌ର ପର୍ବ ଆରମ୍ଭ ହୋଇଯାଇଛି । ୟୁଜରମାନେ ପୋଷ୍ଟରେ ଲାଇକ୍ ଓ କମେଣ୍ଚ କରିବା ଆରମ୍ଭ କରିଦେଲେଣି ।  କିନ୍ତୁ ବିଧାୟକଙ୍କ ସୋସିଆଲ୍‌ ମିଡିଆ ଆକାଉଣ୍ଟ୍‌ରେ ଏହାର ସାମାନ୍ୟତମ ବାସ୍ନା ବାରି ହୋଇନାହିଁ । ତେଣୁ ଏହା ଏକତରଫା ପ୍ରେମ ନା, ଏହା ପଛରେ ଅଧିକ କିଛି ରହସ୍ୟ ଲୁଚି ରହିଛି ତାହା ଏଯାଏଁ ସ୍ପଷ୍ଟ ହୋଇନାହିଁ ।

ପୂର୍ବରୁ ମଧ୍ୟ ୨୦୧୮ ମସିହାରେ ପ୍ରଥମେ ଏଭଳି ପୋଷ୍ଟ୍‌ କରିଥିଲେ ଜଗତସିଂହପୁର ଜିଲ୍ଲାର ଏହି ଯୁବତୀ । ହେଲେ ସେତେବେଳେ ଏହାକୁ ନେଇ ଅଧିକ ହଲ୍‌ଚଲ୍‌ ପ୍ରକାଶ ପାଇନଥିଲା । କିନ୍ତୁ ଏବେ ଏହି ପୋଷ୍ଟ୍‌ର ଫଟୋ କପିଟି ଭାଇରାଲ୍‌ ହେବାରେ ଲାଗିଛି । ଅପରପକ୍ଷେ ଯୁବତୀଙ୍କ ସୋସିଆଲ୍‌ ଆକାଉଣ୍ଟ୍‌ ସହ ଯୋଡ଼ି ହୋଇ ରହୁଥିବା ବନ୍ଧୁମାନେ ହିଁ କେବଳ ଏହି ପୋଷ୍ଟ୍‌କୁ ଦେଖିପାରିବେ ଏବଂ ନିଜ ନିଜର ମନ୍ତବ୍ୟ ଦେଇପାରିବେ, ସେଭଳି ବ୍ୟବସ୍ଥା ରହିଛି । କାରଣ ସଂପୃକ୍ତ ଯୁବତୀ ନିଜ ସୋସିଆଲ୍‌ ଆକାଉଣ୍ଟ୍‌କୁ ସଂପୂର୍ଣ୍ଣ ମାତ୍ରାରେ ଉନ୍ମୁକ୍ତ ରଖି ନାହାନ୍ତି । ସେଥିଯୋଗୁଁ ଏହି ଧରଣର ଅଧିକ ଫଟୋ କିଛି ପୋଷ୍ଟ୍‌ ହୋଇଛି କି ନାହିଁ ତାହା ସ୍ପଷ୍ଟ ଭାବେ ଜାଣିବା କଷ୍ଟକର ହୋଇପଡିଛି। କିନ୍ତୁ ଯୁବତୀ ନିଜ ଆଡ଼ୁ ରିଲେସନ୍‌ସିପ୍‌ରେ ରହିଥିବା କଥା ଉଠାଇ ଏବେ ରାଜ୍ୟର ଏହି ଅବିବାହିତ ଯୁବ ବିଧାୟକଙ୍କୁ ଚର୍ଚ୍ଚାକୁ ଟାଣିଛନ୍ତି ।

ଅତି ବିଶ୍ୱସ୍ତ ତଥା ନିର୍ଭରଯୋଗ୍ୟ ସୂତ୍ରରୁ ମିଳିଥିବା ଖବର ଅନୁସାରେ, ଦୀର୍ଘ ଦୁଇ ବର୍ଷରୁ ଅଧିକ ହେବ  ସଂପୃକ୍ତ ବିଧାୟକ ଏହି ଯୁବତୀଙ୍କ ସଂସ୍ପର୍ଶରେ ରହି ଆସିଛନ୍ତି । ସେତେବେଳେ ଯେହେତୁ ସେ ବିଧାୟକ ହୋଇନଥିଲେ, ତେଣୁ ଦୁହିଙ୍କ ମିଳାମିଶାକୁ କେହି ଗୁରୁତ୍ୱ ଦେଉ ନଥିଲେ । ହେଲେ ଏବେ ଶାସକ ଦଳର ବିଧାୟକ ରହିଥିବାରୁ ସୋସିଆଲ୍‌ ମିଡିଆରେ ଯୁବତୀଙ୍କ ଏପ୍ରକାର ପୋଷ୍ଟ୍‌ ହଠାତ ଭାଇରାଲ୍‌ ହେବାରେ ଲାଗିଛି । ଏହ ପଛରେ ଅନେକ ରହସ୍ୟ, କାରଣ ରହୁଥିବା ଅନୁମାନ କରାଯାଉଛି । ଏଣେ ବିଧାୟକଙ୍କ କିଛି ନିକଟତମ ସମର୍ଥକ ଉଭୟଙ୍କ ସଂପର୍କକୁ ଅସ୍ୱୀକାର କରୁନଥିଲେ ସୁଦ୍ଧା, ଏହି ଘଟଣାରେ ସେଭଳି କିଛି ଖରାପ ଦିଗ ନଥିବା କହି ବୁଲୁଛନ୍ତି ।

ଏପଟେ କିନ୍ତୁ ସୋସିଆଲ୍‌ ମିଡିଆରେ ପୃଥକ୍‌ ଭାବେ ଦୁହିଁଙ୍କ ଫଟୋକୁ ରଖାଯାଇଥିବା ବେଳେ ଯୁବତୀ ନିଜ ମୁହଁକୁ ଦୁଇ ହାତରେ ଢାଙ୍କି ରଖିବା ଚର୍ଚ୍ଚିତ ପ୍ରସଙ୍ଗ ପାଲଟିଛି । ତେଣୁ ଏହା ଉଭୟଙ୍କ ସଚ୍ଚା ପ୍ରେମ କାହାଣୀ ନା ବିଧାୟକଙ୍କୁ ବ୍ଲାକ୍‌ମେଲିଂ ନା ଏକତରଫା ପ୍ରେମ ତାହା ବୁଝାପଡ଼ୁନି । ଏମିତିକି ଏହା ଏକ ପୁରୁଣା କାହାଣୀ ଏବଂ ବିଧାୟକଙ୍କୁ ଅକଳ ପରିସ୍ଥିତିରେ ପକାଇବା ପାଇଁ ଏବେ ଏହାକୁ ଅସ୍ତ୍ର ଭାବେ ବ୍ୟବହାର କରାଯାଇଥିବା ମଧ୍ୟ କୁହାଯାଉଛି ।

   Related Posts