Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ‘ଇତିହାସରେ ହୋଇଥିବା ଭୁଲଗୁଡିକୁ ଏବେ ସୁଧାରୁଛି ଭାରତ’, କଂଗ୍ରେସକୁ ଟାର୍ଗେଟ୍ କରି ବର୍ଷିଲେ ପ୍ରଧାନମନ୍ତ୍ରୀ ମୋଦି
  • ||
  • ରବିବାର ରାଜ୍ୟରେ ସୁସ୍ଥହେଲେ ଆଉ ୧୦,୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୫୩୨ ଜଣ ଡିସଚାର୍ଜ
  • ||
  • ଅଭିଯୁକ୍ତକୁ ଉଠାଇ ଆଣିବାରୁ ଥାନା ପରିସରରେ ତୁମୁଳକାଣ୍ଡ, ଗ୍ରାମବାସୀ ଓ ପୋଲିସ ମାରପିଟ
  • ||
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||

‘ମୁଁ ସୈନିକ ଅଟେ, ମୋତେ ଦିଲ୍ଲୀ-ମୁମ୍ବାଇ ନୁହେଁ, ବର୍ଡରରେ ରହିବା ଉଚିତ୍’- କର୍ମରୁ ନୁହେଁ ମନରୁ ମଧ୍ୟ ଫୌଜୀ ଥିଲେ ଜେନେରାଲ ବିପିନ ରାଓ୍ଵତ

8/12/2021 at 11:10 PM

ଭୋପାଳ ୦୮।୧୨: ବୁଧବାର ତାମିଲନାଡୁର କୁନ୍ନୁରରେ ହେଲିକପ୍ଟର ଦୁର୍ଘଟଣାରେ ଦେଶର ପ୍ରଥମ ସିଡିଏସ ବିପିନ ରାଓ୍ଵତଙ୍କ ମୃତ୍ୟୁ ଘଟିଛି। ରାଓ୍ଵତ କେବଳ କର୍ମରୁ ନୁହେଁ, ମନରୁ ମଧ୍ୟ ସଂପୂର୍ଣ୍ଣ ଫୌଜୀ ଥିଲେ। ସେ କେବେ ବି ନିଶ୍ଚିତ ହୋଇ ଗୋଟିଏ ଜାଗାରେ ବସିବାକୁ ଚାହୁଁନଥିଲେ। ସେ ଦିଲ୍ଲୀ-ମୁମ୍ବାଇ ପରି ସହରରେ ପୋଷ୍ଟିଂ ହୋଇ ଆରାମ ଦାୟକ ଜୀବନ ଚାହୁଁନଥିଲେ। ପ୍ରତି ସମୟରେ ତାଙ୍କର ଇଚ୍ଛା ରହୁଥିଲା, ଦେଶର ସୈନିକଙ୍କ ସହିତ ବିତାଇବା ଏବଂ ସେମାନଙ୍କ ଗହଣରେ ରହିବା। ଏହି ସୂଚନା ଜେନେରାଲ ବିପିନ ରାଓ୍ଵତଙ୍କ ଶଳା ଯଶବର୍ଦ୍ଧନ ସିଂହ ଦେଇଛନ୍ତି।

ଯଶବର୍ଦ୍ଧନ ସିଂହ କହିଛନ୍ତି, ଜେନେରାଲ ରାଓ୍ଵତ ସର୍ବଦା କହୁଥିଲେ, ସେ ମହାନଗରରେ ପୋଷ୍ଟିଂ ହେବାକୁ ଚାହୁଁନଥିଲେ। ସେ ଫୌଜୀ ଥିଲେ ଏବଂ ସର୍ବଦା ଦେଶର ସୀମାରେ ସୈନିକଙ୍କ ସହିତ ରହିବାକୁ ଚାହୁଁଥିଲେ।

ଏଥିପାଇଁ ପରିବାରଠୁ ଦୂରରେ ଥିଲେ

ଜେନେରାଲ ରାଓ୍ଵତଙ୍କ ୧୯୮୬ ମସିହାରେ ବିବାହ ହୋଇଥିଲା। ସେହି ସମୟରେ ସେ ସେନାର କ୍ୟାପଟେନ୍ ପଦରେ ଥିଲେ। ବିବାହ ପରଠୁ ତାଙ୍କର ପୋଷ୍ଟିଂ ସୀମାରେ ରହୁଥିଲା। ତେଣୁ ସେ ନିଜ ସହ ପରିବାରକୁ ରଖୁନଥିଲେ। ସେହି ସମୟରେ ତାଙ୍କର ଦୁଇ ଝିଅ ଛୋଟ ଥିଲେ। ଜେନେରାଲ ରାଓ୍ଵତଙ୍କୁ ଲାଗୁଥିଲା ଯେ, ପରିବାରକୁ ସାଙ୍ଗରେ ରଖିଲେ ଜଣେ ସୈନିକ ହିସାବରେ ଦାୟିତ୍ଵ ନିଭାଇବା ମୁସ୍କିଲ ହୋଇଯିବ। ଏଥିପାଇଁ ଆରମ୍ଭରୁ ଦୁଇ ଝିଅକୁ ସମ୍ଭାଳିବାର ଦାୟିତ୍ଵ ତାଙ୍କ ପତ୍ନୀ ମଧୁଳିକା ପୁରା କରିଥିଲେ।

ଜେନେରାଲ ରାଓ୍ଵତଙ୍କ ଜନ୍ମ ୧୯୫୮ ସମିହା ମାର୍ଚ୍ଚ ୧୬ରେ ହୋଇଥିଲା। ୧୯୭୮ ଡିସେମ୍ବରରେ ସେ ସେନାର ୧୧ତମ ଗୋରଖା ରାଇଫଲ୍ସର ପଞ୍ଚମ ବାଟାଲିୟନରେ କମିଶନ ଅଫିସର ପଦରେ ନିଯୁକ୍ତ ହୋଇଥିଲେ। ୨୦୧୬ ଡିସେମ୍ବର ୩୧ରେ ସ୍ଥଳସେନା ପ୍ରମୁଖ ପଦଭାର ଗ୍ରହଣ କରିଥିଲେ। ତାଙ୍କର ପୂର୍ବ ସେକ୍ଟରରେ  ବାସ୍ତବିକ ନିୟନ୍ତ୍ରଣ ରେଖା, କାଶ୍ମୀର ଘାଟି ଏବଂ ପୂର୍ବୋତରରେ କାମ କରିବାର ଖୁବ୍ ଅନୁଭବ ଥିଲା। ସିଡିଏସ ହେବା ପୂର୍ବରୁ ବିପିନ ରାଓ୍ଵତ ୨୭ତମ ସ୍ଥଳ ସେନାଧ୍ୟକ୍ଷ ଥିଲେ। ଆର୍ମି ଚିଫ ହେବା ପୂର୍ବରୁ ୨୦୧୬ ସେପ୍ଟେମ୍ବର ୧ରେ ଭାରତୀୟ ସ୍ଥଳସେନାର ଉପ ସେନା ପ୍ରମୁଖ ଭାବେ ନିଯୁକ୍ତ ଥିଲେ।

ପିତାଙ୍କ ୟୁନିଟ୍‌ରେ ମିଳିଲା କମିଶନ

ଜେନେରାଲ ବିପିନ ରାଓ୍ଵତଙ୍କ ପରିବାରରେ ସର୍ବଦା ଦେଶ ସେବା କରିବାର ପରମ୍ପରା ରହି ଆସିଛି। ତାଙ୍କ ପିତା ମଧ୍ୟ ଆର୍ମି ଅଫିସର ଥିଲେ ଏବଂ ଲେଫ୍ଟନାଣ୍ଟ ଜେନେରାଲ  ଭାବେ ଅବସର ନେଇଥିଲେ। ୧୯୭୮ରେ ବିପିନ ରାଓ୍ଵତ ସେହି ଗୋରଖା ରାଇଫଲ୍ସରେ ଲେଫ୍ଟନାଣ୍ଟ କମିଶନ ପଦରେ ନିଯୁକ୍ତ ହୋଇଥିଲେ, ଯେଉଁଠି ପୂର୍ବେ ତାଙ୍କ ପିତା କାମ କରୁଥିଲେ। ଜଣେ ଲେଫ୍ଟନାଣ୍ଟ  ଭାବେ ତାଙ୍କର ଯାତ୍ରା ଆରମ୍ଭ  ହୋଇଥିଲା ଏବଂ ପରବର୍ତ୍ତୀ ସମୟରେ ସ୍ଥଳସେନା ମୁଖ୍ୟ ରହିବା ସହ ଏବେ ସିଡିଏସ ଦାୟିତ୍ଵରେ ଥିଲେ।

   Related Posts