Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||
  • ଭୁବନେଶ୍ବର : ହୋଟେଲ୍ ଓ ରେଷ୍ଟୁରାଣ୍ଟକୁ BMCର କଡା ନିର୍ଦ୍ଦେଶ, ୭ ଦିନ ଭିତରେ ଦୋକାନ ସମ୍ମୁଖରେ ଲଗାଅ ଫୁଡ୍ ସେଫ୍ଟି ସାର୍ଟିଫିକେଟ୍
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୩ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୪୩ କୋଭିଡ୍ ସଂକ୍ରମିତ, ୩୩୩୮୬୬ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ହାଇଦ୍ରାବାଦ ଗଣଦୁଷ୍କର୍ମ ଘଟଣାର ଅଭିଯୁକ୍ତଙ୍କ ସମ୍ପର୍କରେ ନୂଆ ଖୁଲାସା : ପୂର୍ବରୁ ୯ମହିଳାଙ୍କୁ ମାରିଥିଲେ ସମାନ ଢ଼ଙ୍ଗରେ

19/12/2019 at 9:10 AM

ହାଇଦ୍ରାବାଦ,୧୮/୧୨): ହାଇଦ୍ରାବାଦରେ ଜଣେ ମହିଳା  ପ୍ରାଣୀ ଚିକିତ୍ସକଙ୍କୁ ଗଣବଳାତ୍କାର ପରେ ମାରି ପୋଡି ଦେବା ଘଟଣାରେ ସଂପୃକ୍ତ ଅଭିଯୁକ୍ତଙ୍କ ସମ୍ପର୍କରେ ସ୍ଥାନୀୟ ପୁଲିସ ନୂଆ ଖୁଲାସା କରିଛି । ପୁଲିସ ଦାବି କରିଛି ଯେ ଉକ୍ତ ଘଟଣାର ୪ ଅଭିଯୁକ୍ତଙ୍କ ମଧ୍ୟରୁ୨ ଜଣ ପୂର୍ବରୁ ସମାନ ଢଙ୍ଗରେ ୯ ଜଣ ମହିଳାଙ୍କୁ ହତ୍ୟା କରିଥିଲେ । ପ୍ରତ୍ୟେକଟି ଘଟଣାରେ ପୀଡ଼ିତା ମହିଳାଙ୍କୁ ଗଣବଳାତ୍କାର ପରେ ମାରି ପୋଡି ଦିଆଯାଇଥିଲା ।

କିନ୍ତୁ ସାଇବରାବାଦ ପୁଲିସ ଏଭଳି ୧୫ଟି ବଳାତ୍କାର ଓ ହତ୍ୟା ଘଟଣାର ଯାଞ୍ଚ କରୁଛି  ବୋଲି ପ୍ରକାଶ କରିଛି ।  ସେଥିରେ ଉକ୍ତ ଅଭିଯୁକ୍ତଙ୍କ ଭୂମିକା କ’ଣ ଥିଲା ତାହା ଜାଣିବା ପାଇଁ ପୁଲିସ ଜୋରଦାର ଉଦ୍ୟମ କରୁଛି । ମୋବାଇଲ ଲୋକେସନ ଆଧାରରେ ପୁଲିସ ଏହି ଘଟଣାଗୁଡିକରେ ଉକ୍ତ ଅଭିଯୁକ୍ତମାନଙ୍କର ସଂପୃକ୍ତି ନେଇ ଯାଞ୍ଚ କରୁଛି । ଏଥିପାଇଁ ପୁଲିସର ଏକ ଦଳ ଏବେ କର୍ଣ୍ଣାଟକରେ ରହି ତଦନ୍ତ ଚଳାଇଛି । କାରଣ ଅଧିକାଂଶ ଘଟଣା କର୍ଣ୍ଣାଟକ ଓ ତେଲଙ୍ଗାନା ସୀମାରେ ଘଟିଥିଲା ।

ଡାକ୍ତରାଣୀ ବଳାତ୍କାର ଓ ହତ୍ୟା ମାମଲାରେ ପୁଲିସ ଚାରି ଜଣଙ୍କୁ ଗିରଫ କରିଥିଲା । ସେମାନେ ହେଲେ-ମହମ୍ମଦ ଆରିଫ, ଜେ ନବୀନ, ଜେ ଶିବା ଏବଂ ଛେନକେଶବଲୁ । ସେମାନଙ୍କୁ ପରେ ପୁଲିସ ଏନକାଉଣ୍ଟରରେ ହତ୍ୟା କରିଥିଲା । ଏମାନଙ୍କ ମଧ୍ୟରୁ ଦୁଇ ଜଣ ଆରିଫ ଏବଂ ଛେନକେଶବଲୁ ପୂର୍ବରୁ ଏଭଳି ୯ଟି ଘଟଣାରେ ସାମିଲ ଥିବାର ଜେରା ବେଳେ ପ୍ରକାଶ କରିଥିଲେ ବୋଲି ପୁଲିସ ସୂଚନା ଦେଇଛି ।

ଅନ୍ୟପଟରେ, ହାଇଦ୍ରାବାଦ ବଳାତ୍କାର ଓ ହତ୍ୟା ଘଟଣାର ଅଭିଯୁକ୍ତଙ୍କୁ ଏନକାଉଣ୍ଟରରେ ମରାଯିବା ଘଟଣାର ବିଚାର ବିଭାଗୀୟ ତଦନ୍ତ ଆରମ୍ଭ ହୋଇଛି । ସୁପ୍ରିମକୋର୍ଟଙ୍କ ନିର୍ଦ୍ଦେଶରେ ଏକ ତିନି ଜଣିଆ ଟିମ୍‌ ଘଟଣାର ଯାଞ୍ଚ କରୁଛନ୍ତି । ଉକ୍ତ ଏନକାଉଣ୍ଟର ନକଲି ଥିଲା ଏବଂ ପୁଲିସ ଯୋଜନାବଦ୍ଧ ଭାବେ ସେମାନଙ୍କୁ ହତ୍ୟା କରିଥିବାର ସୁପ୍ରିମକୋର୍ଟରେ ଅଭିଯୋଗ କରାଯାଇଥିଲା ।

   Related Posts