Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓମିକ୍ରନ୍ ନେଇ AIIMS ମୁଖ୍ୟ ଗୁଲେରିଆ ଦେଲେ ଚେତାବନୀ, କହିଲେ ନୂଆ ଭାରିଆଣ୍ଟ ଭାକସିନକୁ ଦେଇପାରେ ଚକମା
  • ||
  • ଡ୍ୟାମରେ ଭାସୁଛି ଯୁବକଙ୍କ ମୃତଦେହ, ଗାଧୋଇଲା ବେଳେ ବୁଡି ଯାଇଥିଲେ
  • ||
  • ଦକ୍ଷିଣ ଆଫ୍ରିକାରୁ ମହାରାଷ୍ଟ୍ର ଫେରିଥିବା ବ୍ୟକ୍ତି କୋଭିଡ ପଜିଟିଭ୍: ଆଇସୋଲେସନରେ ସଂକ୍ରମିତ, ଓମିକ୍ରନ୍ ନେଇ ଆଲର୍ଟ
  • ||
  • ଦାନା ବାନ୍ଧୁଛି ବାତ୍ୟା : ୫ରେ ଓଡିଶା-ଆନ୍ଧ୍ର ଉପକୂଳରେ ଲ୍ୟାଣ୍ଡଫଲ୍ !
  • ||
  • ସୋମବାରଠୁ ଶୀତ ଅଧିବେଶନ, ପ୍ରଥମ ଦିନରେ କୃଷି ବିଲ୍ ରବ୍ଦ ନେଇ ଆସିବ ପ୍ରସ୍ତାବ
  • ||

ସଂସଦର ଉଭୟ ଗୃହରେ ଉଠିଲା ହାଇଦ୍ରାବାଦ ଦୁଷ୍କର୍ମ ଓ ହତ୍ୟା ମାମଲା

2/12/2019 at 2:05 PM

ନୂଆଦିଲ୍ଲୀ ୦୨।୧୨: ହାଇଦ୍ରାବାଦରେ ଭେଟେରନାରୀ ଡାକ୍ତରାଣୀଙ୍କ ଗଣଦୁଷ୍କର୍ମ ଓ ପୋଡି ହତ୍ୟା ମାମଲା ନେଇ ସାରା ଦେଶରେ ଆଲୋଡନ । ହ୍ରାଇଦ୍ରାବାଦରୁ – ଦିଲ୍ଲୀ ଜନ୍ତରମନ୍ତର ଏବଂ ସଂସଦ ପର୍ଯ୍ୟନ୍ତ ଏହି ମାମଲାକୁ ନେଇ ତୀବ୍ର ପ୍ରତିକ୍ରିୟା ଦେଖିବାକୁ ମିଳିଛି । ସଂସଦର ଉଭୟ ଗୃହରେ ଏହି ମାମଲାକୁ ନେଇ ଉଦବେଗ ପ୍ରକାଶ ପାଇଛି । ଲୋକସଭା ବାଚସ୍ପତି ଓମ୍ ବିରଲା ଏବଂ ରାଜ୍ୟସଭା ସଭାପତି ଭେଙ୍କିୟା ନାଇଡୁ ସାରା ଦେଶରେ ଘଟୁଥିବା ଏଭଳି ବୀଭତ୍ସ ଘଟଣା ନେଇ ଚିନ୍ତା ପ୍ରକାଶ କରିଛନ୍ତି । ଏସବୁ ମାମଲାରେ ଫାଷ୍ଟ ଟ୍ରାକ କୋର୍ଟରେ ବିଚାର ସହ ଅପରାଧୀଙ୍କୁ ଫାଶୀ ଦେବା ନେଇ ଦାବି ଉଠିଛି ।

ରାଜ୍ୟସଭାରେ କଂଗ୍ରେସ ନେତା ଗୁଲାମନବୀ ଆଜାଦ କହିଛନ୍ତି ବିନା ପକ୍ଷପାତରେ ଅପରାଧୀଙ୍କୁ କଠୋର ଦଣ୍ଡ ଦେବା ଜରୁରୀ । ଲଗାତର ଏପରି ଘଟଣା ଘଟୁଥିବା ବେଳେ ସରକାର ଏହାର ଉଚିତ ଜବାବ ଦେବା ଆବଶ୍ୟକ ବୋଲି ରାଜ୍ୟସଭାରେ କହିଛନ୍ତି ଜୟା ବଚ୍ଚନ । ଏପରିକି ଅଭିଯୁକ୍ତଙ୍କୁ ପିଟି ପିଟି ମାରିଦେବା ଆବଶ୍ୟକ ବୋଲି ଜୟା ବଚ୍ଚନ କହିଛନ୍ତି । ଏସବୁ ମାମଲାରେ ନୂଆ ବିଲ୍ ନୁହେଁ ବରଂ ପଲିଟିକାଲ ୱିଲ୍ ବା ଇଚ୍ଛାଶକ୍ତି ଆବଶ୍ୟକ ବୋଲି କହିଛନ୍ତି ଭେଙ୍କିୟା ନାଇଡୁ । ଏହି ଘଟଣାରେ ସାରା ଦେଶ ଲଜ୍ଜିତ ହୋଇଛି । ଏପରି ଘଟଣାରେ ଚର୍ଚ୍ଚା ଲାଗି ସରକାର ପ୍ରସ୍ତୁତ ବୋଲି ରକ୍ଷାମନ୍ତ୍ରୀ ରାଜନାଥ ସିଂ କହିଛନ୍ତି । ଏହି ଘଟଣାରେ ଚର୍ଚ୍ଚା ଲାଗି ଗୃହ ସହମତ ବୋଲି ଲୋକସଭା ସ୍ପିକର କହିଛନ୍ତି ।

   Related Posts