ହାଇଦ୍ରାବାଦ ୩/୭ : ପ୍ରଦୂଷିତ ପରିବେଶକୁ ବଞ୍ଚାଇବା ପାଇଁ ସାରା ବିଶ୍ୱରେ ଜାରି ରହିଛି ଅଭିଯାନ । ବର୍ତ୍ତମାନ ହାଇଦ୍ରାବାଦ ଷ୍ଟାର୍ଟ ଅପ୍ ପରିବେଶର ସୁରକ୍ଷା ପାଇଁ ନେଇଛି ନିଆରା ପଦକ୍ଷେପ । ଏହି ଅଧୀନରେ ପ୍ଲାଷ୍ଟିକ ବର୍ଜ୍ୟବସ୍ତୁ ବୃଦ୍ଧି ଏବଂ ପରିବେଶ ନିରାପତ୍ତାକୁ ଦୃଷ୍ଟିରେ ରଖି ପ୍ଲାଷ୍ଟିକ ବୋତଲ ବଦଳରେ ପରିବେଶ ପାଇଁ ଇକୋ ଫ୍ରେଣ୍ଡଲି ବୋତଲ ପ୍ରସ୍ତୁତ କରାଯାଇଛି । ଅର୍ଥାତ୍ ପ୍ଲାଷ୍ଟିକ୍ ବଦଳରେ କାଗଜ ବ୍ୟାଗରେ ଦିଆଯିବ ପାଣି ।
ଆଇଟି ବିଶେଷଜ୍ଞ ସୁନୀତ ଟାଟିନେନି ଏବଂ ଚୈତନ୍ୟ ଆୟିନପୁଡି ପ୍ଲାଷ୍ଟିକ ବର୍ଜ୍ୟବସ୍ତୁ ହ୍ରାସ କରିବାକୁ ଲକ୍ଷ୍ୟ ରଖିଥିବା 'କେରୋ ୱାଟର' ଆରମ୍ଭ କରିଥିଲେ । ଉଭୟ 'କେରୋ ୱାଟର' ପାଇଁ କର୍ପୋରେଟ୍ ସେକ୍ଟର ଚାକିରି ଛାଡିଥିଲେ । ଷ୍ଟାଟ ଅପ୍ କେରୋ ୱାଟର ସହ-ପ୍ରତିଷ୍ଠାତା ସୁନୀତ ଟାଟିନେନି କହିଛନ୍ତି ଯେ ଦୀର୍ଘ ଦିନ ଧରି ଯାତ୍ରା କରୁଥିବା ବ୍ୟକ୍ତି ଅତି କମରେ ୧ ଲିଟରିଆ ବୋତଲର ପାଞ୍ଚଟି ବୋତଳ କିଣିବେ ।
wp:html/wp:htmlTo reduce plastic consumption, Hyderabad-based Suneeth Tatineni & Chaitanya Ayinapudi have developed eco-friendly water boxes under label 'Caro Water'. "With cardboard packaging, water is nutrient-enriched & aims to eliminate plastic usage by 85%. It's 100% recyclable," they say pic.twitter.com/wiVSty7XI1
— ANI (@ANI) July 3, 2021
ଏହି ପ୍ଲାଷ୍ଟିକ୍ ବୋତଲଗୁଡିକର ୧୦ ପ୍ରତିଶତରୁ କମ୍ ରିସାଇକ୍ଲିଂ କରାଯାଉଛି । ଏହା ଏକ ଗମ୍ଭୀର ପ୍ରସଙ୍ଗ । ସେ କହିଛନ୍ତି ଯେ ଏହି ସମସ୍ୟାର ସମାଧାନ ଖୋଜିବା ପାଇଁ ଆମେ କାର୍ଡବୋର୍ଡ ବାକ୍ସ ବ୍ୟବହାର କରି ପାଣି ପ୍ୟାକ୍ କରିବା ଆରମ୍ଭ କରିଛୁ, ଯେଉଁଥିରେ ବହୁ ଜଳ ପୁନଃ ବ୍ୟବହାର ଯୋଗ୍ୟ 'ବ୍ୟାଗ୍-ଇନ୍-ବକ୍ସ' ଯାହାକି ବ୍ୟାଗରେ ଭର୍ତ୍ତି କରାଯାଇଥାଏ ।
ସୁନୀତ ସୂଚନା ଦେଇଛନ୍ତି ଯେ ବର୍ତ୍ତମାନ କାଗଜ ବ୍ୟାଗ ପାଣି ପାତ୍ରଗୁଡିକ ୫ ଲିଟର ଏବଂ ୨୦ ଲିଟର ଦୁଇଟି ପ୍ରକାରରେ ଉପଲବ୍ଧ । ଏହାର ମୂଲ୍ୟ ୫ ଲିଟର ବାକ୍ସ ୭୫ ଟଙ୍କାରେ ଉପଲବ୍ଧ ଥିବାବେଳେ ୨୦ ଲିଟର ପାଣି ବାକ୍ସର ମୂଲ୍ୟ ୧୨୦ ଟଙ୍କା ରହିଛି ।
ସେହିଭଳି ଚୈତନ୍ୟ ଉଲ୍ଲେଖ କରିଛନ୍ତି ଯେ ତୃଣମୂଳ ସ୍ତରରେ ପରିବର୍ତ୍ତନ ଆଣିବା ପାଇଁ ସେ ଡାକ୍ତରଖାନା, ହୋଟେଲ ଏବଂ ଛୋଟ-ଛୋଟ ପାର୍ଟୀ ଉପରେ ଅଧିକ ଧ୍ୟାନ ଦେଇଛନ୍ତି । ହାଇଦ୍ରାବାଦ ଏବଂ ଏହାର ଆଖପାଖରେ ଥିବା କିଛି ହୋଟେଲ ଏବଂ ଡାକ୍ତରଖାନା ଏହି ପରିବେଶ ଅନୁକୂଳ ବୋତଲରୁ ପ୍ଲାଷ୍ଟିକ୍ ପାଣି ବୋତଲ ଆମଦାନୀ କରିବା ପ୍ରକ୍ରିୟା ଆରମ୍ଭ ହୋଇଛି ।