Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

୧୦୦କୁ ଡାଏଲ୍ କଲେ, ପୋଲିସ ବାବୁଙ୍କଠୁ ଚାପୁଡା ଖାଇଲେ

24/12/2019 at 3:04 PM

ହାଇଦ୍ରାବାଦ ୨୪।୧୨:  ପୋଲିସ ସହାୟତା ପାଇଁ  ୧୦୦ ଡାଏଲ ସେବା ରହିଛି । ଆଇନ ଶୃଙ୍ଖଳା ଜନିତ ସମସ୍ୟାରେ ପୋଲିସର ସହାୟତା ଲାଗି ଏହି ସେବା ପ୍ରଚଳନ । କିନ୍ତୁ ତେଲେଙ୍ଗାନାରେ ଏହାର ଏକ ବ୍ୟତିକ୍ରମ ଘଟିଛି, ଯାହାକି ଏବେ ଚର୍ଚ୍ଚାର ବିଷୟ । ଏକ ଗଣ୍ଡଗୋଳ ଘଟଣାରେ ପୋଲିସକୁ ୧୦୦ ନମ୍ବରରେ ଫୋନ୍ କରି ଜବରଦସ୍ତ ଚାପୁଡା ଖାଇଛନ୍ତି ଜଣେ ଯୁବକ ହାଇଦ୍ରାବାଦର ଜିଡିମେଟଲା ପୋଲିସ ଥାନା ଅଞ୍ଚଳରେ  ଏହି ଘଟଣା । ଆଉ  ସୂଚନାଦାତା ଯୁବକଙ୍କୁ ଚାପୁଡା ମାରିଛନ୍ତି  ସେହି ଥାନାର ହେଡ୍ କନଷ୍ଟେବଲ । ତେବେ ଚର୍ଚ୍ଚାର କାରଣଟି ହେଲା , ୧୦୦ ରେ ଡାଏଲ କରି ପୋଲିସ ସହାୟତା ନେବା ଲାଗି ତେଲେଙ୍ଗାନା ପୋଲିସର କ୍ୟାମ୍ପେନ ଆରମ୍ଭର କିଛି ଦିନ ପରେ ଘଟିଛି ଏପରି ଘଟଣା ।

ଦୁଇ ଦିନ ତଳର ଘଟଣା । ପୋଲିସକୁ ଫୋନ୍ କରିଥିବା ବ୍ୟକ୍ତି ଜଣକ ହେଲେ ଶିବା କ୍ରିଷ୍ଣା  । ତାଙ୍କ ଘର ପାଖରେ ଏକ ଉତ୍ସବ ଚାଲୁଥିବା ବେଳେ ରାତି ପ୍ରାୟ ୨ ଟା ୧୦ ମନିଟ୍ ସମୟରେ ଗଣ୍ଡଗୋଳ ଘଟିଥିଲା । ଏ ନେଇ ଶିବା  ୧୦୦ରେ ଡାଏଲ କରି ପୋଲିସକୁ ଘଟଣାସ୍ଥଳକୁ ଆସିବାକୁ ଖବର ଦେଇଥିଲେ ।  ପୋଲିସ ହେଡ୍ କନଷ୍ଟେବଲ କୋଟେଶ୍ବର ରାଓଙ୍କ ଟିମ୍ ସେଠାକୁ ଯିବାକୁ ଥାନା ପକ୍ଷରୁ କୁହାଯାଇଥିଲା । କିନ୍ତୁ ୨ ଟା ୧୫ ମିନିଟ୍ ରେ ଶିବା ଫୋନ୍ କରି ଜଣାଇଥିଲେ ଯେ, ଗଣ୍ଡଗୋଳ  ଥମିଗଲାପରି ଲାଗୁଛି । ପୋଲିସ ଆଉ ଆସିବା ଦରକାର ନାହିଁ ବୋଲି ସେ ଜଣାଇଲେ । କିନ୍ତୁ ୫ ମିନିଟ୍ ପରେ ପୁଣି ଫୋନ୍ କରି ଗଣ୍ଡଗୋଳ ପୁଣି ଆରମ୍ଭ ହୋଇଥିବା ଜଣାଇଲେ ଏବଂ ତାପରେ  ଫୋନ୍ କରି ପୋଲିସର ବିଳମ୍ବ ନେଇ ମଧ୍ୟ ବ୍ୟସ୍ତତା ପ୍ରକାଶ କଲେ । ଏହାପରେ ହିଁ ଘଟଣା ହେଲା ବିବାଦୀୟ । ପୋଲିସ ଟିମ୍ ଘଟଣା ସ୍ଥଳରେ ପହଞ୍ଚିବା ବେଳକୁ ଗଣ୍ଡଗୋଳ ଥମିଯାଇଥିଲା ଏବଂ  ଗଣ୍ଡଗୋଳ କଥାକୁ ଉପସ୍ଥିତ ଲୋକେ ମାନି ନଥିଲେ ।ଏଥିରେ ଉତକ୍ଷିପ୍ତ ହୋଇ ହେଡ୍ କନଷ୍ଟେବଲ କୋଟେଶ୍ବର ରାଓ ପୋଲିସକୁ ଫୋନ୍ କରିଥିବା ଶିବା କ୍ରିଷ୍ଣାକୁ ଡାକି ଗାଳି ଦେବା ସହ ତାଙ୍କୁ ପୋଲିସ ଜିପ୍ ରେ ବସାଇ ଥାନାକୁ ନେଇଗଲେ । ଥାନାରେ ଶିବାକୁ  କୋଟେଶ୍ବର ଚାପୁଡା ମାରିଥିବା ଅଭିଯୋଗ ହୋଇଛି । ପରେ ଶିବାକୁ ପୋଲିସ  ଘରେ ଛାଡିଥିଲା । କିନ୍ତୁ ଶିବାର ପରିବାର କୋଟେଶ୍ବରଙ୍କ ବିରୋଧରେ  ଏଫଆଇଆର୍ ଦେଇଥିଲେ । ଥାନା ଇନ୍ସପେକ୍ଟର ଘଟଣାର ତଦନ୍ତ କରି ଅଭିଯୋଗ ସତ ବୋଲି ରିପୋର୍ଟ ଦେବା ପରେ ହେଡ୍ କନଷ୍ଟେବଲ କୋଟେଶ୍ବରଙ୍କୁ ବଦଳି କରାଯାଇଛି ।

   Related Posts