Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||
  • ମାଲକାନଗିରି : କମ୍ବିଂ ଅପରେସନ ସାରି ଫେରୁଥିବା ବେଳେ ଲ୍ୟାଣ୍ଡମାଇନ ବିସ୍ଫୋରଣ : ଆସିଷ୍ଟାଣ୍ଡ କମାଣ୍ଡାଣ୍ଟ୍ ସହିଦ, ୯ଯବାନ ଆହତ
  • ||

ଭେଣ୍ଟିଲେଟର କାଢିନେଲେ, ଚାଲିଗଲା ପ୍ରାଣ … ମୃତ୍ୟୁ ପୂର୍ବରୁ ବାପାଙ୍କୁ ଠାରୁ ବିକଳ ବିଦାୟ, ବାଏ ଡାଡି..ବାଏ…

30/06/2020 at 8:17 AM

ହାଇଦ୍ରାବାଦ ୩୦।୦୬: ‘ନିଃଶ୍ୱାସ ପ୍ରଶ୍ୱାସରେ କଷ୍ଟ ଅନୁଭବ କରୁଛି। ଶ୍ୱାସକ୍ରିୟା ବନ୍ଦ ହୋଇଯାଉଛି । ସେମାନେ ଭେଣ୍ଟିଲେଟର ହଟାଇ ଦେଇଛନ୍ତି । ବାଏ ଡାଡି…. ବାଏ ।’ ହାଇଦ୍ରାବାଦରେ ଜଣେ ୩୪ ବର୍ଷୀୟ କରୋନା ଆକ୍ରାନ୍ତ ମୃତ୍ୟୁ ପୂର୍ବରୁ ନିଜ ପିତାଙ୍କୁ ଏଭଳି କହିଛନ୍ତି । ଏ ନେଇ ଏକ ଭିଡିଓ ଏବେ ସାମ୍ନାକୁ ଆସିବା ପରେ ହାଇଦ୍ରାବାଦରେ ଆଲୋଡ଼ନ ସୃଷ୍ଟି ହୋଇଛି ।

ସୂଚନାଯୋଗ୍ୟ ଯେ, ମୃତ ଯୁବକଙ୍କ ପିତାଙ୍କ ମୁତାବକ ତାଙ୍କ ପୁଅ କରୋନା ଆକ୍ରାନ୍ତ ହେବା ପରେ ତାଙ୍କୁ ନେଇ ହସ୍ପିଟାଲ ଯାଇଥିଲି । ୧୦ଟି ଘରୋଇ ହସ୍ପିଟାଲ ଯାଇ ଗୁହାରି କରିବା ପରେ ବି କେହି ଶୁଣିଲେ ନାହିଁ । ଏହାପରେ ବୁଧବାର ସରକାରୀ ଚେଷ୍ଟ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ସଂକଟାପନ୍ନ ଅବସ୍ଥାରେ ଥିବା ବେଳେ ତାଙ୍କ ମୁହଁରୁ ଭେଣ୍ଟିଲେଟର କାଢ଼ିଦିଆଯିବାରୁ ସେ ପ୍ରାଣ ହରାଇଛନ୍ତି । ଭିଡିଓ ଭାଇରାଲ ହେବା ପରେ ଏବେ ହସ୍ପିଟାଲ କର୍ତ୍ତୃପକ୍ଷଙ୍କ ଏଭଳି ଅବହେଳା କାର୍ଯ୍ୟ ଉପରେ ପ୍ରଶ୍ନ ଉଠିବା ଆରମ୍ଭ କରିଛି । ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରେ ଯୁବକ ଜଣକ କହୁଛନ୍ତି।  ମୁଁ ଆଦୌ ନିଃଶ୍ୱାସ ପ୍ରଶ୍ୱାସ ନେଇପାରୁ ନାହିଁ । ମୁଁ ଅନେକ ଥର ଭେଣ୍ଟିଲେଟର ପାଇଁ ଅନୁରୋଧ କଲି । କିନ୍ତୁ ମୋତେ ୩ ଘଣ୍ଟା ପର୍ଯ୍ୟନ୍ତ ଅକ୍ସିଜେନ ମିଳିଲାନି । ଡାଡି ଏବେ ମୋର ଶ୍ୱାସକ୍ରିୟା ବନ୍ଦ ହେବାରେ ଲାଗିଛି । ମୁଁ ଆଉ ପ୍ରଶ୍ୱାସ ନେଇପାରୁ ନାହିଁ । ଏମିତି ଲାଗୁଛି, ଯେମିତି ମୋ ହୃଦୟ ଅଟକି ଯାଇଛି । ବାଏ ଡାଡି, ବାଏ ଟୁ ଅଲ୍‌ ଡାଡି ।’ ଏହି ଭିଡିଓକୁ ଏବେ ଲୋକମାନେ ସେୟାର କରୁଥିବା ଦେଖିବାକୁ ମିଳିଛି ।

କରୋନା ରୋଗୀଙ୍କ ଚିକିତ୍ସା କ୍ଷେତ୍ରରେ ଏବେ ଅବହେଳା ନ କରିବା ପାଇଁ କିଛି ଲୋକ ଅନୁରୋଧ ବି କରିଛନ୍ତି । ରିପୋର୍ଟ ମୁତାବକ ଏହି ଭିଡିଓ ଯୁବକଙ୍କ ମୃତ୍ୟୁର ୧ ଘଣ୍ଟା ପୂର୍ବରୁ ରେକର୍ଡ କରାଯାଇଥିଲା । କିନ୍ତୁ ତାଙ୍କର ଅନ୍ତିମ ସଂସ୍କାର ଶେଷ ହେବା ପରେ ଭିଡିଓ ସାମ୍ନାକୁ ଆସିଛି । ଏ ନେଇ ମୃତକଙ୍କ ପିତା କହିଛନ୍ତି, ମୋ ପୁଅ ସହାୟତା ପାଇଁ କେତେ ଗୁହାରି କରିଥିଲା । କିନ୍ତୁ ତାକୁ କେହି ଅନାଇଲେ ନାହିଁ । ମୁଁ ଏହି ଭିଡିଓ ଅନ୍ତିମ ସତ୍କାର ପରେ ଦେଖିଲି । ଭିଡିଓ ଦେଖିବା ପରେ ଛାତି ଫାଟିଗଲା ଭଳି ଅନୁଭବ କରୁଛି । ମୋ ପୁଅ ସହ ଏଭଳି ଘଟିଥିବା ଜାଣିବା ପରେ ମୋତେ ବହୁତ କଷ୍ଟ ହେଉଛି । ମୋ ପୁଅ ସହ ଯାହା ଘଟିଲା, ତାହା ଆଉ ଅନ୍ୟ କାହା ସହିତ ନ ହେଉ । ଅନ୍ୟପକ୍ଷରେ ଯୁବକ ଜଣକ କୋଭିଡ-୧୯ ସଂକ୍ରମିତ ହୋଇଥିବା ନେଇ ପୂର୍ବରୁ ଜଣାପଡ଼ି ନ ଥିଲା । ଅନ୍ତିମ ସତ୍କାର ପରେ ତାଙ୍କ ପିତା ଯାଇ ନମୁନା ରିପୋର୍ଟ ଆଣିଥିଲେ, ଯେଉଁଥିରେ କରୋନା ପଜିଟିଭ ଦର୍ଶାଯାଇଥିଲା । ମୃତକଙ୍କ ସଂସ୍ପର୍ଶରେ ଅନେକ ଲୋକ ଆସିଥିବାରୁ ଏହାକୁ ନେଇ ହଇଚଇ ସୃଷ୍ଟି ହୋଇଛି । ଏବେ ସମସ୍ତଙ୍କର କରୋନା ଟେଷ୍ଟ କରାଯିବ ବୋଲି ଜଣାପଡ଼ିଛି ।

   Related Posts