ହାଇଦ୍ରାବାଦ ୨୮।୦୬: ତେଲଙ୍ଗାନାରେ କରୋନା ସଂକ୍ରମିତଙ୍କ ସଂଖ୍ୟା ଉଦ୍ବେଗଜନକ ଭାବେ ବଢିବାରେ ଲାଗିଛି। ରାଜ୍ୟରେ ଅଦ୍ୟାବଧି ସଂକ୍ରମିତଙ୍କ ସଂଖ୍ୟା ୧୩ ହଜାରରୁ ଅଧିକ ରହିଛି। ଏଥିରୁ ପ୍ରାୟ ୫ ହଜାର ସୁସ୍ଥ ହୋଇ ସାରିଛନ୍ତି। କିନ୍ତୁ ସଂକ୍ରମଣ ଉପରେ ଲଗାମ ଲାଗୁନାହିଁ। ଏମିତି ସ୍ଥିତିରେ ହାଇଦ୍ରାବାଦରେ ପୁଣି ଥରେ ଲକ୍ଡାଉନ୍ ଲାଗୁ କରିବା ନେଇ ବିଚାର ଚାଲିଛି। ତେଲେଙ୍ଗାନା ମୁଖ୍ୟମନ୍ତ୍ରୀ ଚନ୍ଦ୍ରଶେଖର ରାଓ ରବିବାର କହିଛନ୍ତି ଯେ, ଚିକିତ୍ସା ଏବଂ ସ୍ଵାସ୍ଥ୍ୟ ବିଭାଗ ହାଇଦ୍ରାବାଦରେ ପୁଣି ଥରେ ଲକ୍ଡାଉନ୍ ଲଗାଇବାକୁ ପ୍ରସ୍ତାବ ଦେଇଛନ୍ତି। ଏହା ଏକ ଭଲ ପ୍ରସ୍ତାବ। ମାତ୍ର ଲକ୍ଡାଉନ୍ ପୁନର୍ବାର ଲଗାଇବା ବହୁତ ବଡ ନିଷ୍ପତ୍ତି। ଏଥିପାଇଁ ସରକାରୀ କଳ ଓ ଲୋକଙ୍କୁ ଏଥିପାଇଁ ପ୍ରସ୍ତୁତ ରହିବା ଉଚିତ୍।
wp:html/wp:htmlMedical and Health departments made proposals that the re-imposition of lockdown in Hyderabad is good. But re-imposition of lockdown will be a very major decision. Government machinery and people should be made ready for this: Telangana Chief Minister's Office (file pic) pic.twitter.com/42jplAebws
— ANI (@ANI) June 28, 2020
ମୁଖ୍ୟମନ୍ତ୍ରୀ କାର୍ଯ୍ୟାଳୟ ପକ୍ଷରୁ କୁହାଯାଇଛି ଯେ, ଦୁଇ ଦିନ ପର୍ଯ୍ୟନ୍ତ ସ୍ଥିତିର ସମୀକ୍ଷା କରାଯିବ। ଯଦି ଆବଶ୍ୟକ ପଡେ ତେବେ କ୍ୟାବିନେଟ୍ ତିନି ଚାରି ଦିନରେ ଲକ୍ଡାଉନ୍ ପ୍ରସ୍ତାବ, ଏହାର ବିକଳ୍ପ, ସମ୍ବନ୍ଧିତ ଅନ୍ୟ ମାମଲା ଉପରେ ବିଚାର କରିବେ। ପୁଣି ଏହି ସମ୍ବନ୍ଧରେ ନିଷ୍ପତ୍ତି ନେବେ। ଉଲ୍ଲେଖଯୋଗ୍ୟ, ତେଲେଙ୍ଗାନାରେ ଅଦ୍ୟାବଧି କରୋନାରେ ୨୪୩ ଜଣ ପ୍ରାଣ ହରାଇ ସାରିଛନ୍ତି। ରାଜ୍ୟରେ ସକ୍ରିୟ କେସ୍ ସଂଖ୍ୟା ୮ ହଜାରରୁ ଅଧିକ ରହିଛି।
