କଟକ ୧୭।୦୪ : ଅଡୁଆରେ ପୁଣି ହାଇଦର । କରୋନାରେ ଆକ୍ରାନ୍ତ ହେଲା ଗ୍ୟାଙ୍ଗଷ୍ଟର ହାଇଦର । କୋର୍ଟ ଚାଲାଣ ପୂର୍ବରୁ ହାଇଦର କରାଯାଇଥିଲା କରୋନା ଟେଷ୍ଟ । ଯାହାର ରିପୋର୍ଟ ଏବେ ପଜିଟିଭ୍ ଆସିଛି । ଯାହାକୁ ନେଇ ବର୍ତ୍ତମାନ ଅଡୁଆରେ ପୋଲିସ ।
ଖବର ଅନୁଯାୟୀ, କିଛି ଦିନ ତଳେ କଟକ ଏସ୍ସିବିରୁ ଚମ୍ପଟ ମାରିଥିଲା ଗ୍ୟାଙ୍ଗଷ୍ଟାର ହାଇଦର । କମିଶନରେଟ୍ ପୋଲିସର ଅକ୍ଲାନ୍ତ ପରିଶ୍ରମ ଏବଂ ପ୍ରାୟ ୫ଦିନ ପରେ ହାଇଦରକୁ ତେଲେଙ୍ଗାନାରୁ ଗିରଫ କରିଥିଲା କମିଶନରେଟ୍ ପୋଲିସ । ତେଲେଙ୍ଗାନା ପୋଲିସର ସହାୟତାରେ ହାଇଦରକୁ ଗିରଫ କରିଥିଲା ପୋଲିସ । ଏହାପରେ କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ହାଇଦରକୁ ଓଡିଶା ଅଣାଯାଇଥିଲା ।
ତେବେ କୋର୍ଟକୁ ନେବା ପୂର୍ବରୁ ହାଇଦରର କରୋନା ଟେଷ୍ଟ କରାଯାଇଥିଲା । ଯାହାର ରିପୋର୍ଟ ଏବେ ପଜିଟିଭ୍ ଆସିଛି । ହାଇଦରର କରୋନା ଟେଷ୍ଟ ପଜିଟିଭ୍ ଆସିଥିବା ନେଇ ଡିସିପି ସୂଚନା ଦେଇଛନ୍ତି ।
