Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

Howdy Modi : ହଷ୍ଟନରେ ଏକଜୁଟ୍ ହୋଇଛି ପୁରା ଭାରତ, ଭାଙ୍ଗଡା ଓ ଗରବାର ଜମିଛି ସାଂସ୍କୃତିକ ଆସର

22/09/2019 at 9:07 PM

ହଷ୍ଟନ : ଆମେରିକା ଟେକ୍ସାସ ରାଜ୍ୟର ହଷ୍ଟନ ସହର ଏବେ ଉତ୍ସବ ମୁଖର। ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସ୍ୱାଗତ ଲାଗି ଏନଆରଜି ଷ୍ଟାଡିୟମରେ ଭାରତ ସହ ଏକଜୁଟ ହୋଇଛି ପୁରା ଆମେରିକା। ଅନୁଷ୍ଠିତ ହେଉଛି ‘ହାୱଡି ମୋଦି’ କାର୍ଯ୍ୟକ୍ରମ। ଉତ୍ସବରେ ପ୍ରଧାନମନ୍ତ୍ରୀଙ୍କ ସହ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ଫ ମଧ୍ୟ ଯୋଗଦେବେ। ଆଉ ମାତ୍ର କିଛିକ୍ଷଣ ପରେ ପହଞ୍ଚିବେ ଉଭୟ ନେତା। ହେଲେ ପୂର୍ବରୁ ଆରମ୍ଭ ହୋଇଗଲାଣି ରଙ୍ଗାରଙ୍ଗ କାର୍ଯ୍ୟକ୍ରମ। ଯେଉଁଥିରେ ଝଲସୁଛି ଭାରତୀୟ ସଂସ୍କୃତିର ଝଲକ।

ଇଣ୍ଡିଆନ ଆମେରିକାନ କମ୍ୟୁନିଟି ଉଭୟ ରାଷ୍ଟ୍ରମୁଖ୍ୟଙ୍କ ସ୍ୱାଗତ ଲାଗି ପୁରା ଦମରେ ଲାଗିପଡିଛି। ଭାରତୀୟ ଉଚ୍ଚ ସାଂସ୍କୃତିକ ପରମ୍ପରା ଓଡିଶୀରୁ ଆରମ୍ଭ କରି ଭାଙ୍ଗଡା ଓ ଗରବାରେ ଦୁଲୁକୁଛି ଷ୍ଟାଡିୟମ । ଯାହାର ଖୁବ୍ ମଜା ନେଉଛନ୍ତି ହଷ୍ଟନବାସୀ । କେବଳ ପୋପଙ୍କ ଆଗମନ ଆମେରିକାରେ ଉତ୍ସବର ମହୋଲ ସୃଷ୍ଟି ହୁଏ। ତେବେ ଏଥର ମୋଦିଙ୍କ ଆଗମନରେ ସେହି ଉତ୍ସାହ ପରିଲକ୍ଷିତ ହେଉଥିବା ବେଳେ କାର୍ଯ୍ୟକ୍ରମରେ ଯୋଗ ଦେବା ଲାଗି ଆମେରିକୀୟ ରାଷ୍ଟ୍ରପତିଙ୍କ ଆବେଗ ତାଙ୍କ ଟ୍ୱିଟ୍ ବାର୍ତ୍ତାରୁ ଅନୁଭବ କରି ହେଉଛି।

ହାୱଡି ମୋଦି କାର୍ଯ୍ୟକ୍ରମରେ ପୁରା ଭାରତ ନିଜକୁ ପ୍ରଦର୍ଶିତ କରୁଛି। ଏଥିରେ ଗୁରୁବାଣୀ ସମେତ ଦକ୍ଷିଣ ଭାରତୀୟ କାର୍ଯ୍ୟକ୍ରମ, ଏକଲା ଚଲୋରେ, ଗୁଜୁରାତି ଗରବା ସମେତ ସବୁ ପ୍ରାନ୍ତର ସାଂସ୍କୃତିକ କାର୍ଯ୍ୟକ୍ରମ ପ୍ରଦର୍ଶିତ ହୋଇଛି। ଯେଉଁଥିରୁ ଓଡିଶୀ ବି ବାଦ ପଡିନି। ଏଣୁ ଟେକ୍ସାସ ଲାଗି ରବିବାର ଦିନଟି ଖୁବ ବଡ ଦିନ ବୋଲି ଆମେରିକା ରାଷ୍ଟ୍ରପତି ତାଙ୍କ ଟ୍ୱିଟ୍ ରେ ଉଲ୍ଲେଖ କରିଛନ୍ତି।

   Related Posts