ମୋରଦାବାଦ ୮/୩-ଜଣେ ସ୍ଵାମୀ ୫ଜଣ ସାଙ୍ଗସହ ମିଶି ନିଜ ସ୍ତ୍ରୀକୁ କଲେ ଦୁଷ୍କର୍ମ । ଏଭଳି ଅଭାବନୀୟ ଘଟଣାରେ ସ୍ତ୍ରୀ ଥାନାରେ ଅଭିଯୋଗ କଲାପରେ ପୋଲିସ ନେଇଛି କାର୍ଯ୍ୟାନୁଷ୍ଠାନ ।
ମୋରଦାବାଦର ଅସମୋଲୀ ଥାନା କ୍ଷେତ୍ରରେ ଘଟିଛି ଏଭଳି ଅଭାବନୀୟ ଘଟଣା । ଆଶିଷ ନାମକ ଜଣେ ଯୁବକ ଇତରନଗର ଅଂଚଳରେ ଜଣେ ଯୁଵତୀଙ୍କୁ କରିଥିଲେ ବିବାହ । କିନ୍ତୁ ବିବାହର କିଛିମାସ ପରେ ଉଭୟ ସ୍ଵାମୀ ସ୍ତ୍ରୀଙ୍କ ଭିତରେ ଦେଖାଦେଇଥିଲା ବିବାଦ । ଆଶିଷ ନିଜ ଶାଳୀ ପ୍ରେମରେ ପଡ଼ିବାପରେ ଦେଖାଦେଇଥିଲା ଏହି ଝଗଡ଼ା ।
ଆଶିଷ ନିଜ ସ୍ତ୍ରୀକୁ ଛାଡ଼ି ଶାଳୀକୁ କରିଥିଲା ବିବାହ । ଏହି ଘଟଣାପରେ ଆଶିଷର ସ୍ତ୍ରୀ ବାପଘରକୁ ଚାଲିଯାଇଥିଲା ।
ଦିନେ ରାସ୍ତାରେ ଆଶୀଷର ସ୍ତ୍ରୀ ଅସମୋଲୀ ଆସୁଥିବାବେଳେ ଆଶିଷ ଅପହରଣ କରିନେଇଥିଲା । ଆଶିଷ ଆହୁରି ୫ଜଣ ସାଙ୍ଗଙ୍କ ସହ ମିଶି ନିରୋଳା ସ୍ଥାନକୁ ନେଇଯାଇଥିଲେ । ତାପରେ ସେମାନେ ମଦ ପିଇ ମହିଳାଙ୍କୁ ଦୁଷ୍କର୍ମ କରିଥିବା କଥା ଥାନାରେ ଆଣିଛନ୍ତି ଅଭିଯୋଗ ।
ଆଶିଷ ନିଜର ୫ଜଣ ସାଙ୍ଗଙ୍କ ସହ ମିଶି ଦୁଷ୍କର୍ମ କରିଥିବା କଥା ଥାନାରେ ଅଭିଯୋଗ ଆଣିଛନ୍ତି ମହିଳା । ଏହି ମାମଲାରେ ଅସମୋଲୀ ଥାନାଧିକାରୀ ସ୍ଵାମୀ ଆଶିଷକୁ ଗିରଫ କରିବା ସହ ସାଙ୍ଗଙ୍କୁ ଧରିବାକୁ ଛାନଭୀନ ଆରମ୍ଭ କରିଛି ।
