Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ଭାରତୀୟ ଦୂତାବାସରେ କରୋନା, ମହିଳା କୂଟନୀତିଜ୍ଞଙ୍କ ସ୍ବାମୀଙ୍କ ମୃତ୍ୟୁ

18/04/2020 at 7:34 AM

ନ୍ୟୁୟର୍କ ୧୮।୪: କରୋନା ଭାଇରସ୍ ଭାରତ ସମେତ ସମଗ୍ର ବିଶ୍ବରେ ହଇଚଇ ସୃଷ୍ଟି କରୁଛି । ବର୍ତ୍ତମାନ ବ୍ରାଜିଲରେ ଥିବା ଭାରତୀୟ ଦୂତାବାସରେ କରୋନା ଭାଇରସ୍ ସଂକ୍ରମିତ କରିସାରିଛି । ବ୍ରାଜିଲ ଦୂତାବାସରେ କାର୍ଯ୍ୟ କରୁଥିବା ଜଣେ ଭାରତୀୟ କୂଟନୀତିଜ୍ଞଙ୍କ ସ୍ବାମୀ କରୋନା ଭାଇରସ୍ ଦ୍ବାରା ସଂକ୍ରମିତ ହେବା ଦ୍ବାରା ନ୍ୟୁୟର୍କରେ ତାଙ୍କର ମୃତ୍ୟୁ ହୋଇଛି ।

ମହିଳା କୂଟନୀତିଜ୍ଞଙ୍କ ସ୍ବାମୀ ତାଙ୍କ ପିଲାମାନଙ୍କ ସହିତ ନ୍ୟୁୟର୍କ ଯାଇଥିଲେ । ତାଙ୍କୁ ଗତ ସପ୍ତାହରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଏହାପରେ ସେ ଗତ ୨-୩ ଦିନ ଭେଣ୍ଟିଲେଟରରେ ଥିଲେ । କରୋନା ଭାଇରସରୁ ମୃତ୍ୟୁ ହୋଇଥିବା ଜଣେ ଭାରତୀୟ କୂଟନୀତିଜ୍ଞଙ୍କ ସହ ଏହା ହେଉଛି ପ୍ରଥମ ଘଟଣା । ଏହାପୂର୍ବରୁ କରୋନା ଜୀବାଣୁ ଯୋଗୁଁ ଭାରତୀୟ କୂଟନୀତିଜ୍ଞ ଏବଂ ସେମାନଙ୍କ ପରିବାରର କୌଣସି ସଦସ୍ୟଙ୍କ ମୃତ୍ୟୁ ହୋଇନାହିଁ ।

କରୋନା ଭାଇରସ୍ ଦ୍ବାରା ବିଶ୍ବବ୍ୟାପୀ ୨୨,୪୨,୮୬୮ ଜଣ ସଂକ୍ରମିତ ହୋଇଛନ୍ତି । ପ୍ରାୟ ୧,୫୪,୧୪୨ ଜଣ ଏହି ଭାଇରସ୍ ଯୋଗୁଁ ପ୍ରାଣ ହରାଇଛନ୍ତି । ଏହି ଭାଇରସ୍ କବଳରୁ ୫୬୯,୨୭୦ ଜଣ ସୁସ୍ଥ ହୋଇଛନ୍ତି । ସେହିଭଳି ଭାରତରେ ୧୩,୮୩୫ ଜଣ ସଂକ୍ରମିତ ହୋଇଥିବା ବେଳେ ୪୫୨ ଜଣଙ୍କର ମୃତ୍ୟୁ ହୋଇଛି । ୧,୭୬୭ ଜଣ ଏହି ଭାଇରସ୍ କବଳକୁ ସୁସ୍ଥ ହୋଇଛନ୍ତି । ଏହି ମହାମାରୀ ଯୋଗୁଁ ଆମେରିକାରେ ସବୁଠାରୁ ଅଧିକ କ୍ଷତି ହୋଇଛି ।

   Related Posts