Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ସୈତାନ ସ୍ବାମୀର ଅମାନୁଷିକ କାଣ୍ଡ: କାଠ ଫାଳିଆରେ ବାଡ଼େଇ ବାଡ଼େଇ ସ୍ତ୍ରୀକୁ ମାରି ଦେଲା

11/06/2020 at 4:07 PM

ଉଦଳା୧୧/୬: ସାମାନ୍ୟ କଥାରୁ ହେଲା ବଚସା। ଆଉ ଉତ୍‌କ୍ଷିପ୍ତ ସ୍ବାମୀ ଅତି ନିର୍ମମ ଭାବେ ସ୍ତ୍ରୀକୁ କାଠ ଫାଳିଆରେ ବାଡେଇ ବାଡେଇ ହତ୍ୟା କରିଛି । ଏଭଳି ଏକ ଚାଞ୍ଚଲ୍ୟକର ଘଟଣା ଘଟିଛି କପ୍ତିପଦା ଥାନା ଅଂଚଳରେ । ସ୍ବାମୀ ଏବଂ ସ୍ତ୍ରୀ ସାଙ୍ଗରେ ହାଟକୁ ଯାଇଥିଲେ । ହେଲେ ହାଟରୁ ଫେରିବା ପରେ ରୋଷେଇ ଆରମ୍ଭ କରିବାରେ ସ୍ତ୍ରୀ ବିଳମ୍ବ କରିବାରୁ ଅତି ବିଭତ୍ସ ଭାବେ ସ୍ତ୍ରୀକୁ କାଠ ଫାଳିଆରେ ବାଡେଇ ବାଡେଇ ହତ୍ୟା କରିଛି ସୈତାନ ସ୍ବାମୀ । କପ୍ତିପଦା ଥାନା ଅଧତ୍ନ ପଥରଖଣି ଗ୍ରାମରେ ଏଭଳି ଅଭାବନୀୟ ଘଟଣା ଘଟିଛି । ପଥର ଖଣି ଗ୍ରାମର ଜୁଲୁ ଭକ୍ତା ଏବଂ ତାଙ୍କ ସ୍ତ୍ରୀ ନିନି ଭକ୍ତା ମିଶି ଗତକାଲି ନିକଟସ୍ଥ ହାଟକୁ ଯାଇଥିଲେ । ସନ୍ଧ୍ୟା ସମୟରେ ହାଟରୁ ଫେରିବା ପରେ ଉଭୟ ଘରେ ପହଁଞ୍ଚିଥିଲେ। ଘରେ ପହଂଚିବା ପରେ ରୋଷେଇ କରିବାରେ ସ୍ତ୍ରୀ ନିନି ବିଳମ୍ବ କରିଥିଲେ ।

 ଯାହାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲେ । ବଚସା ଏତେ ଉଗ୍ରରୂପ ନେଲା ଯେ ସ୍ତ୍ରୀ ନିନିଙ୍କୁ ଏକ କାଠ ଫାଳିଆରେ ବାଡେଇ ବାଡେଇ ହତ୍ୟା କରିଲା ଜହ୍ଲାଦ ସ୍ବାମୀ ଜୁଲୁ । ଏହି ହତ୍ୟାକାଣ୍ଡ  କରିବା ପରେ ଅଭିଯୁକ୍ତ ଜୁଲୁ ଘଟଣାସ୍ଥଳରୁ ଫେରାର ହୋଇଯାଇଥିଲା। ଏହାସହ ତାଙ୍କ ଦୁଇ ଝିଅ ଯାଇ ପଡୋଶୀଙ୍କୁ ଡାକିଥିଲେ । ପଡୋଶୀ ଏ ବାବଦରେ ଜାଣିବା ପରେ ଏ ନେଇ କପ୍ତିପଦା ଥାନାକୁ ଖବର ଦେଇଥିଲେ। କପ୍ତିପଦା ପୋଲିସ୍ ଘଟଣାସ୍ଥଳରେ ପହଂଚି ମୃତଦେହକୁ ଜବତ କରିବା ତଦନ୍ତ ଆରମ୍ଭ କରିଛି। ତବେ ଅଭିଯୁକ୍ତ ସ୍ବାମୀ ଫେରାର ରହିଛି । ଅନ୍ୟପଟେ ସ୍ବାମୀ ଜୁଲୁ ସ୍ତ୍ରୀ ନିନିର ଗୋଡ, ଛାତି, ମୁଣ୍ଡ ଏବଂ ହାତକୁ କାଠ ଫାଳିଆରେ ବାଡେଇ ହତ୍ୟା କରିଥିବା ଜଣାଯାଇଛି। ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଁଞ୍ଚି ତଦନ୍ତ କରିଛି।

   Related Posts