Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପାରିବାରିକ କଳହରୁ ପତ୍ନୀକୁ ତିନି ଖଣ୍ଡ କଲା ସ୍ବାମୀ : ଅଭିଯୁକ୍ତ ସ୍ବାମୀ ଗିରଫ

କନ୍ଧମାଳ ୧୫/୯: ସ୍ବାମୀର ଟାଙ୍ଗିଆ ଚୋଟରେ ସ୍ତ୍ରୀ ମୃତ୍ୟୁ ଘଟିଛି । କନ୍ଧମାଳ ଜିଲ୍ଲା ବାଲିଗୁଡା ଥାନା ଅନ୍ତର୍ଗତ ସୁଡ୍ରା ପଞ୍ଚାୟତର କୁନାସାଲ ଗାଁରେ ଏହି ଅଭାବନୀୟ ଘଟଣା ଘଟିଛି । ସ୍ବାମୀ ମଞ୍ଜୁକା ମଲ୍ଲିକଙ୍କ ଟାଙ୍ଗିଆ ଚୋଟରେ ସ୍ତ୍ରୀ ଲୁମେଡରଙ୍କ ଜୀବନ ଚାଲିଯାଇଛି । କିଛି ଦିନ ହେବ ସ୍ବାମୀ ସ୍ତ୍ରୀଙ୍କ ମଧ୍ୟରେ ଝଗଡ଼ା ଲାଗି ରହିଥିଲା ।

ଗତକାଲି କୌଣସି କଥାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ମଞ୍ଜୁକା ସ୍ତ୍ରୀକୁ ଏକ ଧାରୁଆ ଟାଙ୍ଗିଆରେ ଚୋଟ ପକାଇ ତିନି ଖଣ୍ଡ କରି ଦେଇଥିଲେ ବୋଲି ପୋଲିସ୍ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି । ପୋଲିସ୍ ମୃତଦେହ ଜବତ କରି ବ୍ୟବଛେଦ ପାଇଁ ବାଲିଗୁଡା ଉପଖଣ୍ଡ ଡାକ୍ତରଖାନାକୁ ପଠାଇଛି । ଅଭିଯୁକ୍ତ ସ୍ବାମୀଙ୍କୁ ଗିରଫ କରିବା ସହ ଘଟଣାର ତଦନ୍ତ ଜାରି ରଖିଛି।

221 Views

   ସମ୍ବନ୍ଧିତ ଖବର