Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ନାଇଟ ସିଫ୍ଟ କରି ଫେରିଲା ବେଳକୁ ପତ୍ନୀ ସହ ଆପତ୍ତିଜନକ ପରିସ୍ଥିତିରେ ଥିଲା ପ୍ରେମିକ, ପ୍ରେମିକକୁ ହତ୍ୟା

31/05/2019 at 1:22 PM

ଇନ୍ଦୋର ୩୧/୫ : ମଧ୍ୟ ପ୍ରଦେଶ ଇନ୍ଦୋରରେ ଜଣେ ପତୀ ନିଜ ପତ୍ନୀର ପ୍ରେମିକକୁ ହତ୍ୟା କରିଥିବା ଘଟଣା ସାମ୍ନାକୁ ଆସିଛି । ପତୀ ନାଇଟ ସିଫ୍ଟ କରି ଘରକୁ ଫେରିଲା ପରେ ଦେଖିଲେ ପତ୍ନୀ ନିଜ ପ୍ରେମିକ ସହ ଅଛନ୍ତି । ଉଭୟ ଆପତ୍ତିଜନକ ପରିସ୍ଥିତିରେ ଥିଲେ । ଏସବୁ ଦେଖି ସେ ଉତକ୍ଷିପ୍ତ ହୋଇ ପ୍ରେମିକକୁ ଛୁରୀ ଭୁସି ହତ୍ୟା କରିଥିଲେ । ପତୀ ନିଜ ପତ୍ନୀକୁ ମଧ୍ୟ ଆକ୍ରମଣ କରିଥିଲେ । କିନ୍ତୁ ସେ ପାଟି କରିବାରୁ ପଡୋଶୀ ଲୋକେ ଆସି ତାଙ୍କୁ ରକ୍ଷା କରିଥିଲେ ।

ଘଟଣା ଇନ୍ଦୋର ସହରର ଶାତଲ ନଗର ଅଞ୍ଚଳର । ଶେଖର ବାଘେଲ ନିଜ ପତ୍ନୀ ଗୀତାଙ୍କ ରହୁଥିଲେ । ସେ ବାଣଗଙ୍ଗା ସ୍ଥିତ ଏକ କାରଖାନାରେ ନାଇଟ ସିଫ୍ଟରେ କାମ କରୁଥିଲେ । ଶେଖର ଗୀତାଙ୍କ ତୃତୀୟ ସ୍ୱାମୀ ଥିଲେ । ଗୀତାଙ୍କର ପୂର୍ବ ଦୁଇ ସ୍ୱାମୀଙ୍କ ଠାରୁ ୩ଟି ସନ୍ତାନ ଅଛନ୍ତି । ଗତ ୬ ମାସ ହେଲା ଗୋବିନ୍ଦ ନଗର ଅଞ୍ଚଳର ୨୭ ବର୍ଷ ବୟସ୍କ ରାକେଶ ସହ ପ୍ରେମ ସମ୍ପର୍କ ଅଛି ।

ବୁଧବାର ରାତିରେ ଶେଖର ବାଘେଲ କାମରେ ଯିବା ପରେ ଗୀତା ନିଜ ପ୍ରେମିକ ରାକେଶକୁ ନିଜ ଘରକୁ ଡାକିଥିଲେ । ଶେଖର ରାତି ପ୍ରାୟ ସାଢେ ୩ଟା ବେଳେ ଘରକୁ ଫେରିଥିଲେ । ଘରକୁ ଫେରି ସେ ଗୀତା ଓ ରାକେଶକୁ ଆପତ୍ତିଜନକ ଅବସ୍ଥାରେ ଦେଖିଥିଲେ । ଏହା ଦେଖି ଶେଖର ପ୍ରଥମେ ଗୀତା ଓ ରାକେଶକୁ ବୁଝାଇଥିଲେ । ଏତିକିବେଳେ ଗୀତା ଘର ଭିତରକୁ ଯାଇଥିଲେ । ଗୀତା ପଛେ ପଛେ ଶେଖର ମଧ୍ୟ ଘର ଭିତରକୁ ଯାଇଥିଲା ଏବଂ ଗୋଟିଏ ଛୁରୀ ନେଇ ଆସିଥଲେ । ଶେଖର ସେହି ଛୁରୀରେ ରାକେଶକୁ ଆକ୍ରମଣ କରିଥିଲେ । ସେ ୩ ଥର ଛୁରୀରେ ଆକ୍ରମଣ କରିଥିଲେ । ଘଟଣାସ୍ଥଳରେ ରାକେଶର ମୃତ୍ୟୁ ହୋଇଥିଲା । ଶେଖର ପତ୍ନୀ ଗୀତାକୁ ମଧ୍ୟ ଆକ୍ରମଣ କରିଥିଲେ । କିନ୍ତୁ ଗୀତା ପାଟି କରିବାରୁ ତାଙ୍କ ପାଟି ଶୁଣି ପଡୋଶୀ ଉଠି ଯାଇଥିଲେ ଏବଂ ଘରକୁ ଆସିଥିଲେ ଏବଂ ଶେଖରଙ୍କୁ ଅଟକାଇଥିଲେ । ଯାହାଫଳରେ ଗୀତାଙ୍କ ଜୀବନ ବଞ୍ଚିଯାଇଥିଲା । ପଡୋଶୀ ପୋଲିସକୁ ଖବର ଦେଇଥିଲେ । ଗୀତା ଓ ରାକେଶଙ୍କୁ ହସ୍ପିଟାଲକୁ ନିଆଯାଇଥିଲା । ଡାକ୍ତର ରାକେଶଙ୍କୁ ମୃତ ଘୋଷଣା କରିଥିଲେ । ପୋଲିସ ଘଟଣାସ୍ଥଳରେ ପହଂଚି ଶେଖରକୁ ଗିରଫ କରିବା ସହ ମାମଲା ତଦନ୍ତ କରୁଛି ।

   Related Posts