Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଗସ୍ତି ନୂଆଗାଁ ଓ ଚମାଖଣ୍ଡି ପଞ୍ଚାୟତର ସରପଞ୍ଚ ଏବଂ ସମିତି ସଭ୍ୟ ପ୍ରାର୍ଥୀ ନିର୍ଦ୍ବନ୍ଦରେ ନିର୍ବାଚିତ
  • ||
  • ରାଜ୍ୟରେ ବୁଧବାର ସୁସ୍ଥହେଲେ ଆଉ ୧୦ହଜାର ୭୮ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୭୩ ଜଣ ଡିସଚାର୍ଜ
  • ||
  • ପାଟ୍ରୋଲିଂ ଗାଡିକୁ ଚକ୍‌ମା ଦେଇ ଖସିଯିବା ବେଳେ ଗୋଡାଇ ଗୋଡାଇ କାବୁ କଲା ପୋଲିସ: ଅଟୋରୁ ବିପୁଳ ଗଞ୍ଜେଇ ଜବତ, ୫ ଗିରଫ
  • ||
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||

ସମଲିଙ୍ଗୀ ସମ୍ପର୍କ ହେଲା କାଳ: ପୁରୁଷ ବନ୍ଧୁଙ୍କ ସହ ରହିବା ପାଇଁ ସ୍ତ୍ରୀକୁ ହତ୍ୟା କଲା ସ୍ୱାମୀ

5/12/2018 at 4:15 PM

ଲଣ୍ଡନ ୫/୧୨ : ଉତ୍ତର ଇଂଲଣ୍ଡର ମିଡ଼ଲବରୋରେ ରହୁଥିବା ଭାରତୀୟ ମିତେଶ ପଟେଲଙ୍କୁ ସ୍ତ୍ରୀକୁ ହତ୍ୟା କରିଥିବା ଅଭିଯୋଗରେ ଦୋଷୀ ସାବ୍ୟସ୍ତ କରି ସଯ ଶୁଣେଇଛନ୍ତି | ମୃତ ମହିଳା ହେଲେ ୩୪ ବର୍ଷ ବୟସ୍କ ଜେସିକା | ଗତ ମେ ମାସରେ ଜେସିକାଙ୍କ ମୃତଦେହ ତାଙ୍କ ନିଜ ଘରୁ ଉଦ୍ଧାର ହୋଇଥିଲା | ପୋଲିସ ଜେସିକାଙ୍କ ସ୍ୱାମୀ ମିତେଶକୁ ଗିରଫ କରି ତଦନ୍ତ ଚଳାଇଥିଲା | ଗତ ମାସରୁ ଶୁଣାଣି ଆରମ୍ଭ ହୋଇଥିଲା | ଗତକାଲି କୋର୍ଟ ନିଜର ଫଇସଲା ଶୁଣାଇଥିଲେ | ମିତେଶକୁ ହରଟା ଆଜୀବନ କାରାଦଣ୍ଡ ଶୁଣାଇଛନ୍ତି | ମିତେଶ ନିଜ ପୁରୁଷ ବନ୍ଧୁଙ୍କ ସହ ରହିବାକୁ ଚାହୁଁଥିଲା | ସେଥିପାଇଁ ସେ ସ୍ତ୍ରୀକୁ ନିଜ ରାସ୍ତାରୁ ହଟାଇବା ପାଇଁ ତାଙ୍କର ହତ୍ୟା କରିଥିଲା |
ଜେସିକା ପେଶାରେ ଜଣେ ଫାର୍ମାସିଷ୍ଟ ଥିଲେ | ଯେତେବେଳେ ପୋଲିସ ଜେସିକାଙ୍କ ମୃତଦେହ ଉଦ୍ଧାର କରିଥିଲା ଜେସିକାଙ୍କ ଶରୀରରେ ଅନେକ ଆଘାତ ଥିଲା | ପୋଲିସ ହତ୍ୟା ଆଶଙ୍କା କରି ମିତେଶକୁ ଗିରଫ କରିଥିଲା | କିନ୍ତୁ ମିତେଶ ହତ୍ୟା କରିଥିବା ସ୍ୱୀକାର କରିନଥିଲା | କୋର୍ଟ ଦର୍ଶାଇଥିଲେ ଯେ, ମିତେଶ ନିଜ ସ୍ତ୍ରୀ ଜେସିକାଙ୍କ ସହ ଵିଶ୍ଵାସଘାତ କରିଛନ୍ତି | ସମଲିଙ୍ଗୀ ସମ୍ପର୍କ ପାଇଁ ସେ ନିଜେ ସ୍ତ୍ରୀଙ୍କୁ ହତ୍ୟା କରିଛନ୍ତି | ଗ୍ରାଇଣ୍ଡର ଆପ ନାମକ ଏକ ଡେଟିଂ ଆପ ଜରିଆରେ ମିତେଶ ଜଣେ ସମଲିଙ୍ଗୀ ପୁରୁଷଙ୍କୁ ସାକ୍ଷାତ କରିଥିଲା | ଧୀରେ ଧୀରେ ଉଭୟଙ୍କ ମଧ୍ୟରେ ସମ୍ପର୍କ ଗଭୀର ହୋଇଯାଇଥିଲା | ମିତେଶ ସେହି ସମଲିଙ୍ଗୀ ପୁରୁଷ ବନ୍ଧୁ ଡ.ଅମିତ ପଟେଲଙ୍କ ସହ ରହିବ ପାଇଁ ଚାହୁଁଥିଲା | ଅମିତ ପଟେଲ ଅଷ୍ଟ୍ରେଲିଆରେ ରହୁଥିଲେ |

ଇଣ୍ଟରନେଟରେ ଖୋଜାଖୋଜି ପରେ ମିତେଶଙ୍କ ସମସ୍ତ ତଥ୍ୟ ପୋଲିସ ହାତରେ ଧରା ପଡିଥିଲା | ପତ୍ନୀ ଜେସିକାଙ୍କୁ ହତ୍ୟା କରିବା ପାଇଁ ମିତେଶ ଅନେକ ଯୋଜନା କରିଥିଲା |


ଇଣ୍ଟରନେଟରେ ମିତେଶ ଅମିତ ପଟେଲଙ୍କୁ ଲେଖିଥିଲା ଯେ, ସେ ନିଜ ସ୍ତ୍ରୀକୁ ହତ୍ୟା କରିବା ପାଇଁ ଚାହୁଁଚି ଏବଂ ଏଥିପାଇଁ ଇନସୁଲିନର ଡୋଜ ବଢ଼େଇ ଦିଆଯାଇପାରିବ କି ? ଜଣଙ୍କୁ ହତ୍ୟା କରିବାକୁ ହେଲେ କେତେ ପରିମାଣର ମିଥାଡୋନ ଆବଶ୍ୟକ ବୋଲି ସେ ପଚାରିଥିଲେ | ୨୦୧୫ ମସିହା ଜୁଲାଇ ମାସରେ ମିତେଶ ଡ.ଅମିତଙ୍କୁ ଲେଖିଥିଲେ ଯେ, ସ୍ତ୍ରୀ ଆଉ କିଛି ଦିନର ଅତିଥି |

ପୋଲିସ ମିତେଶକୁ ଗିରଫ କରିବା ପରେ ମିତେଶ କହିଥିଲା ଯେ, ଯେତେବେଳେ ଜେସିକାର ହତ୍ୟା ହୋଇଥିଲା ସେତେବେଳେ ସେ ଘରେ ନଥିଲା | ଯେତେବେଳେ ସେ ଘରକୁ ଫେରିଲା ସେ ଦେଖିଥିଲା ଯେ, ଘରର ଜିନିଷ ପତ୍ର ଏପଟେ ସେପଟେ ଖେଳେଇ ହେଇ ପଡିଛି | ଜେସିକାଙ୍କ ହାତ ବନ୍ଧା ହୋଇଛି |
କୋର୍ଟରେ ମାମଲା ଚାଲିଥିଲାବେଳେ ପୋଲିସ ତଦନ୍ତରୁ ସମସ୍ତ ଘଟଣା ସାମ୍ନାକୁ ଆସିଥିଲା | ସରକାରୀ ଓକିଲ କହିଥିଲେ ଯେ, ଇନସୁଲିନ ଇଞ୍ଜେକ୍ସନ ଦେବା ପରେ ମିତେଶ ନିଜେ ଜେସିକାଙ୍କୁ ବାନ୍ଧି ଦେଇଥିଲା | ଏହାପରେ ଜେସିକାଙ୍କୁ ଏକ ବ୍ୟାଗରେ ଭର୍ତ୍ତି କରିଦେଇଥିଲା | ଯେଉଁଥିପାଇଁ ଜେସିକା ନିଶ୍ୱାସପ୍ରଶ୍ଵାସ ନେଇପାରିନଥିଲେ | ଅଣନିଶ୍ୱାସୀ ହୋଇ ଜେସିକାଙ୍କ ମୃତ୍ୟୁ ହୋଇଥିଲା |

କୋର୍ଟରେ ପ୍ରମାଣ ହୋଇଥିଲା ଯେ, ମିତେଶ ପ୍ରତିଦିନ ନିଜ ପୁରୁଷ ବନ୍ଧୁ ଅମିତଙ୍କ ସହ ଗ୍ରାଇଣ୍ଡର ଆପରେ ଚାଟିଙ୍ଗ କରୁଥିଲା | ଅଷ୍ଟ୍ରେଲିଆରେ ରହୁଥିବା ଡ.ଅମିତଙ୍କୁ ମିତେଶ ପ୍ରେମ ବୋଲି ସମ୍ବୋଧନ କରୁଥିଲା |

   Related Posts