Monday, April 22, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ମହିଳାଙ୍କୁ ମଦ ପିଆଇ ଅପ୍ରାକୃତିକ ସମ୍ବନ୍ଧ ରଖିଲେ ସ୍ଵାମୀ, ଆପତ୍ତିଜନକ ଭିଡ଼ିଓ ସୁଟିଂ କଲେ ସ୍ଵାମୀଙ୍କର ସାଙ୍ଗ

ଭାଗଲପୁର ୧୨/୨- ବିହାର ଭାଗଲପୁରରେ ଘଟିଛି ଏକ ଆଶ୍ଚର୍ଯ୍ୟଜନକ ଘଟଣା । ନିଜ ସ୍ଵାମୀ ମଦ ପିଆଇ ସ୍ତ୍ରୀ ସହିତ ରଖିଲେ ଅପ୍ରାକୃତିକ ସମ୍ଵନ୍ଧ ଓ ସାଙ୍ଗ ଜରିଆରେ କଲେ ଅଶ୍ଳୀଳ ଭିଡ଼ିଓ ସୁଟିଂ ।

ମହିଳାଙ୍କ ଅଭିଯୋଗ ଅନୁସାରେ, ସେ ରମେଶ ନାମକ ଜଣେ ଯୁବକଙ୍କ ସହ ୨୦୧୬ ମସିହାରେ ହୋଇଥିଲା ବିବାହ । ଶଶ୍ଵରଘର ଲୋକ ଅନେକ ସମୟରେ ତାଙ୍କୁ ଯୌତୁକ ନିର୍ଯ୍ୟାତନା ବି ଦେଉଥିଲେ । ବିଭିନ୍ନ ସମୟରେ ବାପଘରୁ ଟଂକା ଆଣିବାକୁ କରୁଥିଲେ ବାଧ୍ୟ । ମହିଳା ଏସବୁ ଘଟଣାକୁ ନୀରବରେ ସହି ଯାଉଥିଲେ ।

କିନ୍ତୁ ସ୍ଵାମୀଙ୍କର ତାଡ଼ନା ଏତେ ପରିମାଣରେ ବଢ଼ିଯାଇଥିଲା ବାଧ୍ୟ ହୋଇ ଆଇନର ଆଶ୍ରୟ ନେବା କଥା କହିଛନ୍ତି ମହିଳା । ସ୍ଵାମୀ ସବୁବେଳେ ମଦ୍ୟପାନ କରି ଘରକୁ ଫେରିବା ପରେ ଆରମ୍ଭ କରୁଥିଲେ ନିର୍ଯ୍ୟାତନା । ଅନେକ ସମୟରେ ଅପ୍ରାକୃତିକ ଯୌନ ନିର୍ଯ୍ୟାତନା ଦେବାକଥା କହିଛନ୍ତି ମହିଳା ।

ସେଦିନ ସ୍ଵାମୀ ତାଙ୍କର ଜଣେ ପୁରୁଣା ବନ୍ଧୁଙ୍କ ସହ ଘରକୁ ଆସିଥିଲେ ।  ସେମାନେ ବେଡ଼୍ ରୁମରେ ବସି ମଦ୍ୟପାନ କରିଥିଲେ । ସେମାନେ ମଦ ପିଇବା ବେଳେ ତାଙ୍କୁ ମଦ ପିଇବା ପାଇଁ ବାଧ୍ୟ କରିଥିଲେ । ସେ ମନା କରିବାରୁ ତାଙ୍କ ସ୍ଵାମୀ ବାଧ୍ୟକରି ପିଆଇଥିଲେ ମଦ ।

ମହିଳାଙ୍କ କହିବା ଅନୁସାରେ ମଦ ପିଇସାରିବା ପରେ ତାଙ୍କ ସହ ଅପ୍ରାକୃତିକ ସଂପର୍କ ରଖିବାକୁ ବାଧ୍ୟ କରିଥିଲେ । ତାଙ୍କ ସ୍ଵାମୀ ଏହି ପ୍ରକାର ସଂପର୍କ ରଖିବା ସମୟରେ ତାଙ୍କ ବନ୍ଧୁ ଭିଡ଼ିଓ ସୁଟିଂ କରିଥିବା କଥା ମଧ୍ୟ କହିଛନ୍ତି ।

ଏହି ଭିଡ଼ିଓ ମାଧ୍ୟମରେ ତାଙ୍କୁ ବ୍ଲାକମେଲ କରିବା ଆରମ୍ଭ କରିଦେଇଥିଲେ । ତାଙ୍କ ବନ୍ଧୁ ମଧ୍ୟ ଏହି ଭିଡ଼ିଓ ଦେଖାଇ ଶାରୀରିକ ସଂପର୍କ ରଖିବାକୁ ବାଧ୍ୟ କରିଥିଲେ ବୋଲି ପୋଲିସ ଆଗରେ କହିଛନ୍ତି ମହିଳା ।

 

ଏହି ଘଟଣାରେ ପୋଲିସ ତାଙ୍କ ସ୍ଵାମୀ ଓ ସାଙ୍ଗକୁ ଗିରଫ କରିବା ସହ ପରିବାରର ଦିଅର-ଶାଶୁ-ଶଶ୍ଵରଙ୍କ ବିରୋଧରେ ମାମଲା ରୁଜୁ କରିଛି ।

586 Views

   ସମ୍ବନ୍ଧିତ ଖବର