Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||

ପ୍ରତାରଣାର ଅଭିନବ ପ୍ରତିଶୋଧ: ମହାଳୟାରେ ଜିବୀତ ଥିବା ସ୍ତ୍ରୀଙ୍କୁ ପିଣ୍ଡଦାନ କଲେ ୧୦୦ଜଣ ନିର୍ଯ୍ୟାତିତ ସ୍ୱାମୀ

8/10/2018 at 3:24 PM

ମହାରାଷ୍ଟ୍ର ୮/୧୦ : ପରଲୋକରେ ଥିବା ପିତୃପୁରୁଷଙ୍କୁ ମହାଳୟାରେ ପିଣ୍ଡଦାନ କରିବାର ବିଧି ହିନ୍ଦୁଶାସ୍ତ୍ରରେ ରହିଛି । ପବିତ୍ର ନଦୀ, ପୁଷ୍କରିଣୀ ଓ ତୀର୍ଥକ୍ଷେତ୍ରର ଜଳାଶୟରେ ପିଣ୍ଡଦାନ ଓ ତିଳ ତର୍ପଣ ହୋଇଥାଏ । ଗଂଗାନଦୀ ଭଳି  ଗୋଦାବରୀ ନଦୀକୁ ଅତ୍ୟନ୍ତ ପବିତ୍ର ବୋଲି ବିଚାର କରାଯାଏ । ଏଠାରେ ପ୍ରତ୍ୟକ ବର୍ଷ ହଜାର ହଜାର ଲୋକ ମହାଳୟା ଅବସରରେ ପିତୃପୁରୁଷଙ୍କୁ ପିଣ୍ଡଦାନ କରିଥାନ୍ତି । କିନ୍ତୁ ଚଳିତ  ମହାରାଷ୍ଟ୍ରର ନାସିକରେ ଗୋଦାବରୀ ନଦୀରେ ରବିବାର ଦିନ ୧୦୦ ରୁ ଅଧିକ ସ୍ୱାମୀ ନିଜ ନିଜ ଜୀବିତ ସ୍ତ୍ରୀଙ୍କୁ ପିଣ୍ଡଦାନ କରିଛନ୍ତି | ସ୍ତ୍ରୀ ମାନଙ୍କ ଦ୍ୱାରା ପ୍ରତାରିତ ହୋଇଥିବା ସ୍ବାମୀମାନେ ଏଭଳି କରିଛନ୍ତି । ପ୍ରତାରିତ ଓ ନିର୍ଯ୍ୟାତିତ ଏହି ସ୍ବାମୀମାନେ ବିଧିବଦ୍ଧ ଭାବେ ମନ୍ତ୍ରପାଠ କରି, ବୈଦିକ ରୀତିନୀତି ଅନୁସାରେ ଗୋଦାବରୀ ନଦୀରେ ପିଣ୍ଡଦାନ କରିଛନ୍ତି | ସ୍ତ୍ରୀମାନଙ୍କ ପ୍ରତାରଣାର କାହାଣୀ ସମସ୍ତଙ୍କୁ ଜଣାଇବା ପାଇଁ ଏଭଳି ଅଭିନବ କାର୍ଯ୍ୟକ୍ରମ ବୋଲି ପିଣ୍ଡଦାନ ଆୟୋଜନ କରିଥିବା  ବାସ୍ତବ ଫାଉଣ୍ଡେସନ ପକ୍ଷରୁ କୁହାଯାଇଛି।ଏହାକୁ ଏକ ପ୍ରକାର ସଚେତନତା କାର୍ଯ୍ୟକ୍ରମ ବୋଲି କୁହାଯାଉଥିଲେ ମଧ୍ୟ ପ୍ରତାରଣା କରିଥିବା ସ୍ତ୍ରୀମାନଙ୍କ ଉପରେ ପ୍ରତାରିତ ସ୍ବାମୀମାନଙ୍କ ଅଭିନବ ପ୍ରତିଶୋଧ ବୋଲି ମଧ୍ୟ କୁହାଯାଉଛି।

ଫାଉଣ୍ଡେସନର ଅଧ୍ୟକ୍ଷ ଅମିତ ଦେଶପାଣ୍ଡେ କହିଥିଲେ ‘ ବିବାହ ବେଳେ ସ୍ୱାମୀ ସ୍ତ୍ରୀ ଅଗ୍ନିଙ୍କୁ ସାକ୍ଷୀ ରଖି ସାତ ଫେରା ନେଇ ସାତ ଜନ୍ମପାଇଁ ସମ୍ପର୍କ ଯୋଡିଥାନ୍ତି ।  ଦୁହେଁ ଦୁହିଁଙ୍କ ପ୍ରତି ବିଶ୍ବସ୍ତ ରହିବା ସହ ପରସ୍ପର ମଧ୍ୟରେ ବୁଝାମଣା ରଖିବେ ବୋଲି ନିୟମ କରିଥାନ୍ତି | କିନ୍ତୁ ବିବାହର କିଛି ଦିନ ପରେ ହିଁ ଦୁହିଁଙ୍କ ମଧ୍ୟରେ ଛୋଟ ଛୋଟ କଥାକୁ ନେଇ ଝଗଡା ହେବା ଆରମ୍ଭ ହୋଇଯାଏ | ଏମିତି ଛୋଟ ଛୋଟ କଥାରୁ ଆରମ୍ଭ ହୋଇ ଧୀରେ ଧୀରେ ସେହି ସମ୍ପର୍କ ବିବାହ ବିଚ୍ଛେଦ ଆଡକୁ ଗତି କରେ | କିନ୍ତୁ ଏହି ସବୁ ମାମଲାରେ ପ୍ରାୟତଃ ସମସ୍ତେ ମହିଳାମାନଙ୍କୁ ହିଁ ସହଯୋଗ କରିଥାନ୍ତି | ଏଭଳି କ୍ଷେତ୍ରରେ ପୁରୁଷମାନଙ୍କୁ ନିଜର ଅଧିକାର ସାବ୍ୟସ୍ତ କରିବା ପାଇଁ ଏବଂ ତାଙ୍କୁ ସହଯୋଗ କରିବା ପାଇଁ ବାସ୍ତବ ଫାଉଣ୍ଡେସନର କାମ କରୁଛି |ଏହା ପୂର୍ବରୁ ବାରଣାସୀରେ ମଧ୍ୟ ଜୀବିତ ସ୍ତ୍ରୀମାନଙ୍କୁ ପିଣ୍ଡଦାନ ଭଳି ଘଟଣା ଘଟିସାରିଛି।

ତେଣେ ପିଣ୍ଡଦାନ କରିଥିବା ପୁରୁଷମାନେ ପୁରୁଷ କମିଶନ ଗଠନ କରିବା ପାଇଁ ସରକାରଙ୍କୁ ନିବେଦନ କରିଛନ୍ତି | ଏହି ପିଣ୍ଡଦାନ ସ୍ୱାମୀ ସ୍ତ୍ରୀଙ୍କ ମଧ୍ୟରେ ସବୁ ସମ୍ପର୍କକୁ ଶେଷ କରିବା ପାଇଁ ଦିଆଯାଇଛି | ଯେହେତୁ ହିନ୍ଦୁ ଧର୍ମରେ ମୃତ ବ୍ୟକ୍ତିଙ୍କୁ ପିଣ୍ଡଦାନ କରାଯାଏ, ସେହିଭଳି ମୃତ ସମ୍ପର୍କକୁ ମଧ୍ୟ ପିଣ୍ଡଦାନ କରାଯାଏ ବୋଲି ସେମାନେ ଯୁକ୍ତି କରିଛନ୍ତି | ବେଳେ ବେଳେ ପୁରୁଷଙ୍କ କିଛି ଭୁଲ ନଥାଇ ମଧ୍ୟ ତାଙ୍କୁ ଦଣ୍ଡ ଭୋଗିବାକୁ ପଡିଥାଏ | କାହାକୁ କାହାକୁ ଜେଲ ମଧ୍ୟ ଯିବାକୁ ପଡିଥାଏ |

   Related Posts