ଢେଙ୍କାନାଳ ୨୯|୬: ଢେଙ୍କାନାଳ ପଣ୍ଡୁଆ ଜିରାଳ ପୂର୍ତ୍ତ ବିଭାଗ ରାସ୍ତାରେ ଘଟିଛି ସଡକ ଦୁର୍ଘଟଣା । ଢେଙ୍କାନାଳ ଅଭିମୁଖେ ବାଇକ୍ ରେ ଆସୁଥିବାବେଳେ ଦମ୍ପତ୍ତିଙ୍କୁ ଯାତ୍ରୀବାହୀ ବସ୍ ଧକ୍କା ଦେଇଛି । ଘଟଣାସ୍ଥଳରୁ ଉଭୟ ସ୍ବାମୀ ଏବଂ ସ୍ତ୍ରୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ସ୍ଥାନୀୟ ଲୋକେ ଢେଙ୍କାନାଳ ମୁଖ୍ୟ ଚିକିତ୍ସାଳୟକୁ ପଠାଇଥିଲେ । ମେଡିକାଲ ଯିବା ରାସ୍ତାରେ ସ୍ବାମୀ ଗତିକୃଷ୍ଣ ଖୁଣ୍ଟିଆଙ୍କର ମୃତ୍ୟୁ ହୋଇଥିବାବେଳେ ତାଙ୍କ ସ୍ତ୍ରୀ ଅହଲ୍ୟା ଖୁଣ୍ଟିଆଙ୍କ ଅବସ୍ଥା ସଙ୍କଟାପନ୍ନ ରହିଛି । ଦମ୍ପତ୍ତିଙ୍କ ଘର କାମାକ୍ଷାନଗର ମଠକରଗୋଳା ଗାଁରେ ବୋଲି ଜଣାପଡିଛି ।  ପୋଲିସ ଦୁର୍ଘଟଣା ଘଟାଇଥିବା ଯାତ୍ରୀବାହୀ ବସ୍ କୁ ଜବତ କରିଛି ।