ଯାଜପୁର ୧।୫: ସ୍ତ୍ରୀର ଦ୍ବିତୀୟ ବିବାହକୁ ବିରୋଧ କରି ଥାନାରେ ଦ୍ବାରସ୍ଥ ହେଲା ସ୍ବାମୀ । ଯାଜପୁର ଥାନାରେ ଅଭିଯୋଗ ହେବା ପରେ ଏଭଳି ଏକ ରୋଚକ ଘଟଣା ସାମ୍ନାକୁ ଆସିଛି ।
ସୂଚନାଯୋଗ୍ୟ ଯେ, ଯାଜପୁର ଜିଲ୍ଲା ଧର୍ମଶାଳା କଣ୍ଟିଗଡ଼ିଆ ଗାଁର ଭାଗ୍ୟଧର ଦାସ ଯାଜପୁର ଥାନା ଲକ୍ଷ୍ମଣପୁର ଗ୍ରାମର ହରିହର ମିଶ୍ରଙ୍କ ଝିଅକୁ ବିବାହ କରିଥିଲେ । ବିବାହ ପରେ ଝିଅ ନିଜ ବାପଘରେ ରହିବା ପରେ ଆଉ ଶାଶୁଘରକୁ ଯାଇ ନଥିଲା । ପରେ ସ୍ତ୍ରୀକୁ ନେବା ପାଇଁ ଆସିବାରୁ ତାଙ୍କୁ ଘର ଜ୍ବାଇଁ ଭାବେ ରହିବାକୁ କହିଥିଲେ ଶ୍ବଶୁରଘର ଲୋକେ । ଏଥିରେ ଅରାଜି ହୋଇ ସେ ଫେରିଯାଇଥିଲେ । ତେବେ ସ୍ତ୍ରୀଙ୍କର ଆସନ୍ତା ୫ ତାରିଖ ଦିନ ଅନ୍ୟ ଏକ ସ୍ଥାନରେ ବିବାହ ହେଉଥିବା ଖବର ପାଇ ଥାନାରେ ଦ୍ବାରସ୍ଥ ହୋଇଛନ୍ତି ଭାଗ୍ୟଧର । ସେପଟେ ଭାଗ୍ୟଧର ଫ୍ୟାମିଲି କୋର୍ଟରେ ମଧ୍ୟ କେସ୍ କରିଛନ୍ତି । ସ୍ତ୍ରୀ ଆସିବା ବେଳେ ନଗଦ ଟଙ୍କା ସହିତ ସୁନା ଅଳଙ୍କାର ଆଣି ପଳାଇ ଆସିଥିବା ଅଭିଯୋଗ କରାଯାଇଛି ।
