Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ସ୍ତ୍ରୀର ତଣ୍ଟି ଚିପି ଗଛରେ ଟାଙ୍ଗିଦେଇଥିଲା ନୃଶଂସ ସ୍ବାମୀ, ଗଛଡାଳ ଭାଙ୍ଗି ପଡିବାରୁ ବଞ୍ଚିଗଲା ଜୀବନ

14/06/2019 at 3:20 PM

ଆନନ୍ଦପୁର ୧୪|୬: ସ୍ତ୍ରୀର ତଣ୍ଟି ଚିପି ଗଛରେ ଟାଙ୍ଗିଦେଇଥିଲା ନୃଂଶସ ସ୍ବାମୀ । ଗଛଡାଳ ଭାଙ୍ଗି ପଡିବାରୁ ବଞ୍ଚିଗଲା ସ୍ତ୍ରୀର ଜୀବନ । ମୃତ୍ୟୁ ସହ ସଂଗ୍ରାମ କରି କାଜୁ ଜଙ୍ଗଲରେ ପାହିଲା ରାତି । ଜଣେ ନୃଂଶସ ସ୍ବାମୀର ବର୍ବରର କାଣ୍ଡ ଦେଖିବାକୁ ମିଳିଛି ଆନନ୍ଦପୁର ଉପଖଣ୍ଡ ଘସିପୁରା ଥାନା ନଦୂଆଁ ଗାଁରେ । ନିଜ ସ୍ତ୍ରୀକୁ ହତ୍ୟା ଉଦ୍ୟମ କରିଛି ସ୍ବାମୀ । ହେଲେ ସୌଭାଗ୍ୟ ବଶତଃ ପ୍ରାଣ ହରାଇବାରୁ ଅଳ୍ପକେ ବର୍ତ୍ତି ଯାଇଛନ୍ତି ସ୍ତ୍ରୀ । ସ୍ତ୍ରୀର ତଣ୍ଟିଚିପିବା ପରେ ବେହୋସ ସ୍ତ୍ରୀକୁ ଓଡଣୀ ସାହାଯ୍ୟରେ ଗଛରେ ଟାଙ୍ଗି ଛାଡି ଚାଲିଯାଇଥିଲେ ସ୍ବାମୀ । ହେଲେ ଗଛଡାଳ ଭାଙ୍ଗିଯିବାରୁ ଚେତାଶୂନ୍ୟ ହୋଇ ତଳେ ପଡିଥିବା ସ୍ତ୍ରୀର ହୋସ୍ ଫେରିବା ପରେ ଗୁରୁତର ଅବସ୍ଥାରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । 

ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲା ଆଗରପଡା ଥାନା ଅନ୍ତର୍ଗତ ଘଣ୍ଟଗଡିଆ ଗାଁର  ସ୍ବର୍ଗତ ଶଶିକାନ୍ତ ଦେହୁରୀଙ୍କ ବଡ ଝିଅ ଗୌରୀଙ୍କ ସହ ପ୍ରାୟ ୭ବର୍ଷ ପୂର୍ବେ ଘସିପୁରା ଥାନା ନଦୂଆଁ ଗାଁର ମାଗୁଣି ଦେହୁରୀଙ୍କ ପୁଅ ପ୍ରମୋଦଙ୍କ ବିବାହ ହୋଇଥିଲା । ଉଭୟଙ୍କର ଏକ କନ୍ୟା ମଧ୍ୟ ଅଛି । ହେଲେ ପ୍ରମୋଦ ଗୌରୀକୁ ବିଭିନ୍ନ ସମୟରେ ମାଡଗାଳି ଦେଉଥିବା ଅଭିଯୋଗ ହୋଇଛି । ଏପରିକି ଘସିପୁରା , ଅଗରପଡା ଥାନାରେ ଏନେଇ ପୂର୍ବରୁ ଅଭିଯୋଗ ହୋଇ ଆପୋଷ ସମାଧାନ ହୋଇଛି ।

ଗତକାଲି ସନ୍ଧ୍ୟାରେ ଝିଅର ଡ୍ରେସ୍ କିଣିବାକୁ କହି ପ୍ରମୋଦ ଗୌରୀକୁ ଦେଓଗାଁ ମାର୍କେଟ୍ ନେବାକୁ ବାହାରିଥିଲା । ହେଲେ ଦେଓଗାଁ ନେବା ପରିବର୍ତ୍ତେ ତାକୁ ଝାଡକୁଣ୍ଡି ନିକଟରେ ଥିବା ଏକ କାଜୁ ଜଙ୍ଗଲକୁ  ନେଇଯାଇ ସେଠାରେ ପ୍ରଥମେ ତାକୁ ମାଡ ମାରିବା ସହ ତଣ୍ଟିଚିପି ଦେଇଥିଲେ । ଗୌରୀ ବେହୋସ ହେବାପରେ ଗୌରୀର ଓଡଣୀରେ ତାକୁ ଏକ ଗଛରେ ଟାଙ୍ଗି ଦେଇ ପଳାଇଥିଲା । ହେଲେ ଗଛର ଡାଳଟି ଭାଙ୍ଗି ପଡିବାରୁ ସେ ତଳେ ପଡିଯାଇଥିଲା ।

ଆଜି ସକାଳୁ ହୋସ୍ ଆସିବାପରେ ଗାଁ ଲୋକେ ତାଙ୍କୁ ଉଦ୍ଧାର କରିବା ସହ ବାପଘର ଲୋକଙ୍କୁ ଖବର ଦେଇଥିଲେ । ବାପଘର ଲୋକେ ପହଞ୍ଚି ଗୌରୀକୁ ଗୁରୁତର ଅବସ୍ଥାରେ ଆନନ୍ଦପୁର ଡାକ୍ତରଖାନରେ ଭର୍ତ୍ତି କରିଛନ୍ତି । ଏ ସମ୍ପର୍କରେ ଅଭିଯୋଗ ପାଇ ଘସିପୁରା ପୋଲିସ ପ୍ରମୋଦକୁ ଖୋଜାଖୋ କରୁଛି । ହେଲେ ପ୍ରମୋଦ ଫେରାର ହୋଇଥିବା ଜଣାପଡିଛି । 

   Related Posts