Friday, July 19, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଚଉଠି ରାତିରେ ପୋଲିସ ଥାନାରେ ଫେରାଦ ହେଲା ସ୍ତ୍ରୀ, ସ୍ବାମୀକୁ ଗିରଫ କଲା ସହିଦନଗର ପୋଲିସ

ଭୁବନେଶ୍ବର ୧୨|୭: ଗତ ୭ ତାରିଖ ଦିନ ଧୁମଧାମ୍ ରେ ହୋଇଥିଲା ବିବାହ । ଚଉଠି ଦିନ ସ୍ତ୍ରୀକୁ ନିସ୍ତୁକ ମାଡ ମାରିଲେ ଯୌତୁକ ଲୋଭୀ ସ୍ବାମୀ । ଥାନାରେ ଅଭିଯୋଗ କଲେ ସ୍ତ୍ରୀ । ଅଭିଯୋଗ ଆଧାରରେ ଅଭିଯୁକ୍ତ ସ୍ବାମୀକୁ ଗିରଫ କରି ଜେଲ୍‌ ପଠାଇ ଦେଇଛି ପୋଲିସ । ଅଭିଯୁକ୍ତ ହେଉଛନ୍ତି ଭିଏସ୍‌ଏସ୍‌ନଗର ଦେବୀ ପ୍ରସାଦ ନାୟକ ।

ସୂଚନାଯୋଗ୍ୟ ଯେ, ଭୁବନେଶ୍ବର ସ୍ଥିତ ଭିଏସ୍‌ଏସ୍‌ନଗରର ଦେବୀ ପ୍ରସାଦଙ୍କର ବିବାହ ପୁରୀ ଜିଲ୍ଲା ନିମାପଡ଼ା ଥାନା ଅନ୍ତର୍ଗତ ଶଗଡ଼ା ଗ୍ରାମର ପ୍ରଦୀପ୍ତ ସେନାପତିଙ୍କ ଝିଅ ବନ୍ଦନା ସେନାପତିଙ୍କ ସହ ଗତ ୭ ତାରିଖରେ ଅନୁଷ୍ଠିତ ହୋଇଥିଲା । ବିବାହ ସମୟରେ ବରଘର ଦାବି ମୁତାବକ ବନ୍ଦନାଙ୍କ ପରିବାର ପକ୍ଷରୁ ସୁନାଗହଣା, ଜିନିଷପତ୍ର ଓ ଅଢ଼େଇ ଲକ୍ଷ ଟଙ୍କାରୁ ଦେଢ଼ ଲକ୍ଷ ଟଙ୍କା ଦିଆ ଯାଇଥିଲା । ବାକି ଟଙ୍କା ଚତୁର୍ଥୀ ଦିନ ଦିଆଯିବ ବୋଲି କୁହାଯାଇଥିଲା । ହେଲେ ଚତୁର୍ଥୀରେ ବନ୍ଦନାଙ୍କ ଘର ଲୋକେ ଟଙ୍କା ଦେଇ ନ ପାରିବାରୁ ଦେବୀ ପ୍ରସାଦ ସ୍ତ୍ରୀ ବନ୍ଦନାଙ୍କୁ ନିସ୍ତୁକ ମାଡ ମାରିଥିଲେ । ଫଳରେ ବନ୍ଦନା ସହିଦନଗର ଥାନାରେ ଅଭିଯୋଗ କରିଥିଲେ । ସହିଦନଗର ଥାନା ପୋଲିସ ଯୌତୁକ ନିର୍ଯାତନା ମାମଲା ରୁଜୁ କରି ଦେବୀ ପ୍ରସାଦଙ୍କୁ ଗିରଫ କରିବା ପରେ କୋର୍ଟ ଚାଲାଣ କରିଛି ।

991 Views

   ସମ୍ବନ୍ଧିତ ଖବର