Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ଯୌତୁକ ପାଇଁ ପ୍ରଥମ ସ୍ତ୍ରୀକୁ ପୋଡି ମାରିବାକୁ ଉଦ୍ୟମ; ସ୍ବାମୀ, ସଉତୁଣୀ, ଶାଶୂ, ଶ୍ବଶୁର ଗିରଫ

15/02/2019 at 4:31 PM

ରାଉରକେଲା ୧୫|୨: ପ୍ରଥମେ ଜଣଙ୍କୁ ପ୍ରେମ ବିବାହ । ଏହି ବିବାହରୁ କିଛି ଯୌତୁକ ନମିଳିବାରୁ ଦ୍ବିତୀୟ ବିବାହ । ଦ୍ବିତୀୟ ସ୍ତ୍ରୀ ଓ ବାପା ମାଙ୍କ ସହ ମିଶି ପ୍ରଥମ ସ୍ତ୍ରୀକୁ ନିର୍ଯ୍ୟାତନା । ଏପରିକି କିରୋସିନ ଢାଳି ପ୍ରଥମ ସ୍ତ୍ରୀକୁ ହତ୍ୟା ଉଦ୍ୟମ । ଏଭଳି ଅଭାବନୀୟ ଘଟଣା ଘଟିଛି ରାଉରକେଲାରେ । ପୋଲିସ ସ୍ବାମୀ, ଶ୍ବାଶୁ, ଶ୍ବଶୁର ଏବଂ ସଉତୁଣୀକୁ ଗିରଫ କରି କୋର୍ଟ ଚାଲାଣ କରିଛି । ଏପଟେ ଅସହାୟ ପ୍ରଥମ ସ୍ତ୍ରୀ ୩ ବର୍ଷର ଶିଶୁ ପୁତ୍ରକୁ ଧରି ହସପିଟାଲରେ ଚିକିତ୍ସିତ ହେଉଛି ।

ରାଉରକେଲା ପ୍ଲାଂଟ୍ ସାଇଟ୍ ଥାନା ଗୋପବନ୍ଧୁପଲ୍ଲୀର ରାଜକୁମାର ୨୦୧୩ ମସିହାରେ  ସେହି ଗୋପବନ୍ଧୁପଲ୍ଲୀର ଦୁଲାରୀ ନାମକ ଯୁବତୀଙ୍କୁ ପ୍ରେମ ବିବାହ କରିଥିଲେ। ବିବାହର  ଦେଢ଼ବର୍ଷ ପରେ ରାଜକୁମାର ପୁଣି ଦ୍ବିତୀୟ ବିବାହ କରି  ଯୌତୁକ ବାବଦକୁ ଆଣିଥିଲେ ଦେଢ଼ ଲକ୍ଷ ଟଙ୍କା ।  ଦ୍ବିତୀୟ ବିବାହ ପରେ ପ୍ରଥମ ପତ୍ନୀ ଦୁଲାରୀଙ୍କୁ  ଯୌତୁକ ଦାବି କରି ସ୍ବାମୀ, ସଉତୁଣୀ, ଶାଶୁ, ଶଶୁର ଆରମ୍ଭ କରିଦେଲେ ଶାରିରୀକ ଓ ମାନସିକ ନିର୍ଯ୍ୟାତନା ।

ଏମିତିକି ଦୁଇ ଦିନ ତଳେ କିରୋସିନି ଢ଼।ଳି ନିଆଁ ଲଗାଇ ଜୀବନରେ ମାରିଦେବାକୁ ଉଦ୍ୟମ ମଧ୍ୟ  କରିଥିଲେ ।  ପତ୍ନୀ ଦୁଲାରୀ  ମୃତ୍ୟୁ ମୁଖରୁ ଖସି ଯାଇ ପ୍ଲାଂଟ ସାଇଟ ଥାନାରେ ଏମିତି ଅଭିଯୋଗ କରିବା ପରେ ପୋଲିସ ତୁରନ୍ତ ଦୁଲାରୀ କୁ ରାଉରକେଲା ସରକାରୀ ଡ଼।କ୍ତରଖାନାରେ ଭର୍ତି କରିବା ପରେ ସେଠାରେ ଦୁଲାରୀଙ୍କ ଚିକିତ୍ସା ଚାଲିଛି ।

ଡାକ୍ତରଙ୍କ କହିବା କଥା ଦୁଲାରୀଙ୍କ ସ୍ବାସ୍ଥ୍ୟ ଅବସ୍ଥା ଭଲ ଅଛି । ଅନ୍ୟ ପକ୍ଷରେ ଏହି ଅଭିଯୋଗ ଆଧାରରେ ପ୍ଲାଂଟ ସାଇଟ ପୋଲିସ ସ୍ବାମୀ ରାଜକୁମାର, ଦ୍ବିତୀୟ ପତ୍ନୀ, ପିଡ଼ତାର ଶାଶୁ ଶଶୁରଙ୍କୁ ଗିରଫ କରି କୋର୍ଟ ଚାଲାଣ କରିଛି । ପିଡ଼ୀତା ଦୁଲାରୀ ସହ ତାଙ୍କ ବାପା  ନ୍ୟାୟ ମାଗି କହିଛନ୍ତି  ସ୍ବାମୀ ସଉତୁଣୀ ସହ ଶାଶୁ ଶଶୁରଙ୍କୁ କଠୋର ଦଣ୍ଡ ମିଳିବା ଦରକାର ।  ଦୁଲାରୀ ରାଉରକେଲା ସରକାରୀ ଡ଼।କ୍ତରଖାନାରେ ଚିକିତ୍ସିତ ହେଉଥିବା ବଳେ ତାଙ୍କ ପାଖରେ ଅଛି ତାଙ୍କର ୩ ବର୍ଷର ଶିଶୁ ପୁତ୍ର ।

   Related Posts