Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଙ୍କୀ : ଶୌଚ ପାଇଁ ଯିବାବେଳେ କଚାଡି ଦେଲା ଦନ୍ତା, ଜଣେ ଗୁରୁତର
  • ||
  • ଭୁବନ : ୨ ଦିନ ପାଇଁ କଲେଜ ସଟ୍‌ଡାଉନ୍, କରୋନା ସଂକ୍ରମିତ ଚିହ୍ନଟ ପରେ ପଦକ୍ଷେପ‌
  • ||
  • ରାଜ୍ୟରେ କରୋନା ନେଲା ଆଉ ୩ ଜଣଙ୍କ ଜୀବନ, ୧୯୩୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ବଢ଼ି ଚାଲିଛି କରୋନା ସଂକ୍ରମଣ, ମହାରାଷ୍ଟ୍ରରେ ଆଜିଠାରୁ ମେ ପହିଲା ପର୍ଯ୍ୟନ୍ତ ୧୪୪ ଧାରା
  • ||
  • ଜଗତସିଂହପୁର : ଆଜି ପବିତ୍ର ମହାବିଷୁବ ସଂକ୍ରାନ୍ତି : ମା ଶାରଳାଙ୍କ ପୀଠରେ ଲାଗୁ ହେଲା ୧୪୪ ଧାରା, ନୀତି ସମ୍ପନ୍ନ କରିବେ ସେବାୟତ
  • ||
  • ବାରଙ୍ଗ : ନନ୍ଦନକାନନକୁ ନୂଆ ଅତିଥି, ଦ୍ୱିତୀୟ ଥର ପାଇଁ ମା ହେଲା ବାଘୁଣୀ ମେଘା
  • ||
  • ୨ହଜାର ଟପିଲା ସଂକ୍ରମଣ : ରାଜ୍ୟରେ ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୨୨୬୭ ପଜିଟିଭ୍ ଚିହ୍ନଟ
  • ||

ସୋସିଆଲ୍ ମିଡିଆରେ ସ୍ତ୍ରୀର ଉଲଗ୍ନ ଫଟୋ : ସ୍ବାମୀକୁ ଗିରଫ କରି ଦଫା ଲଗାଇଛି ପୋଲିସ, ଅଭିଯୁକ୍ତ କହୁଛି- ମୁଁ ଅପଲୋଡ୍ କରିନି

2/03/2021 at 4:57 PM

ବାଲେଶ୍ବର ୨।୩: ସୋସିଆଲ ମିଡିଆରେ ସ୍ତ୍ରୀର ଉଲଗ୍ନ ଫଟୋ ସ୍ବାମୀ କରିଛି ଅପଲୋଡ୍ । ସ୍ବାମୀଙ୍କ ବିରୋଧରେ ଏଭଳି ସଙ୍ଗୀନ ଅଭିଯୋଗ ଆଣିଛନ୍ତି ଖୋଦ୍ ସ୍ତ୍ରୀ । ବାଲେଶ୍ବର ଜିଲ୍ଲା ସିଙ୍ଗ୍ଲା ଥାନା ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା ।

ଉଲ୍ଲେଖଯୋଗ୍ୟ ଯେ, ସିଙ୍ଗ୍ଲା ଥାନା ଅଞ୍ଚଳର ରାକେଶ (ଛଦ୍ମନାମ) ନାମକ ଜଣେ ବ୍ୟକ୍ତି ୨୦୧୯ ମସିହାରେ ବୈଦିକ ରୀତିନୀତିରେ ସୁନୀତି (ଛଦ୍ମନାମ) ନାମକ ମହିଳାଙ୍କୁ ବିବାହ କରିଥିଲେ ।  ରାକେଶ ଚେନ୍ନାଇରେ ରହି ଏକ ଘରୋଇ କମ୍ପାନୀରେ କାମ କରନ୍ତି । ଆଉ ସୁନୀତି ଶାଶୁଘରେ ରହୁଥିଲେ । କିଛି ଦିନ ପରେ ଉଭୟଙ୍କ ମଧ୍ୟରେ ମନୋମାଳିନ୍ୟ ଦେଖାଦେଲା ।  ଏହାପରେ ସୁନୀତି ଶାଶୁଘର ଛାଡି ବାପାଘରକୁ ପଳାଇଲେ । ସେହି ସମୟରେ ସୁନୀତିଙ୍କ ସୋସିଆଲ ମିଡିଆ ଆକାଉଣ୍ଟରେ ତାଙ୍କ ଉଲଗ୍ନ ଫଟୋ କେହି ଅପଲୋଡ୍ କରିଖଥିବା ସେ ଜାଣିବାକୁ ପାଇଥିଲେ । ଗୋଟିଏ କି ଦୁଇଟି ନୁହେଁ ଏକାସହ ୧୫ଟି ଫଟୋ ଅପଲୋଡ୍ ହୋଇଥିବା ସେ ତାଙ୍କ ଆକାଉଣ୍ଟ ଖୋଲିବା ପରେ ଜାଣିପାରିଥିଲେ । ଅନ୍ତରଙ୍ଗ ମୁହୂର୍ତ୍ତର ଫଟୋ, ପୋଷାକ ବଦଳାଇବାର ଫଟୋ, ଆଉ ଶୋଇବା ବେଳର ଫଟୋ ସବୁ ଅପଲୋଡ୍ ହେବା ପରେ ଅନେକ ଲାଇକ୍ ଓ କମେଣ୍ଟ ମିଳିବା ସହ ସେହି ଫଟୋ ସବୁ ଏବେ ମୋବାଇଲରୁ ମୋବାଇଲକୁ ଘୂରିବୁଲୁଛି ।

ତେବେ ସବୁଠୁ ଆଶ୍ଚର୍ଯ୍ୟର ବିଷୟ ଯେ, ତାଙ୍କର ଏସହୁ ଫଟୋକୁ ଅନ୍ୟ କେହି ନୁହେଁ ବରଂ ତାଙ୍କ ସ୍ବାମୀ ରାକେଶ ହିଁ ଅପଲୋଡ୍ କରିଥିବା ସୁନୀତି ଥାନାରେ ଅଭିଯୋଗ କରିଛନ୍ତି ।  ସ୍ବାମୀ ତାଙ୍କ ସୋସିଆଲ ମିଡିଆ ଆକାଉଣ୍ଟର ଆଇଡି ଓ ପାସୱାର୍ଡ ଜାଣିଥିବା ସୁନୀତି ତାଙ୍କ ଅଭିଯୋଗରେ ଉଲ୍ଲେଖ କରିଛନ୍ତି । ପୋଲିସ ଅଭିଯୁକ୍ତ ରାକେଶ ବିରୋଧରେ ଆଇଟି ଆକ୍ଟ ୬୬ (ଇ), ୬୭, ୬୭ଏ ସହ ୪୯୮ଏ, ୨୯୪, ୩୨୩, ୫୦୬, ୩୭୯, ୩୪ ଧାରାରେ ମାମଲା ରୁଜୁ କରି ତାଙ୍କୁ ଗିରଫ କରିଛି । ଅନ୍ୟପଟେ ଏସବୁ ଫଟୋ ରାକେଶ ଅପଲୋଡ୍ କରିନଥିବା ପ୍ରକାଶ କରିଛନ୍ତି ।

   Related Posts