ନୀଳଗିରି ୧୮/୯: ନୀଳଗିରି ଅଞ୍ଚଳରେ ଥିବା କୂଳଡିହା ଅଭୟାରଣ୍ୟରୁ ବନ୍ଧୁକ ଓ ଗୋଳାବାରୁଦ ସହ ଶିକାରୀ ଗିରଫ ହୋଇଥିବା ଜଣାପଡିଛି । କୂଳଡିହା ଅଭୟାରଣ୍ୟରେ ଦିନକୁ ଦିନ ଶିକାରୀଙ୍କ ପାଦୁର୍ଭାବ ବୃଦ୍ଧିପାଇବାରେ ଲାଗିଛି । ବନ ବିଭାଗର ପାଟ୍ରୋଲିଂ ସତ୍ବେ ଶିକାରୀ କିପରି ଅଭୟାରଣ୍ୟରେ ଅବାଧ ଶିକାର କରୁଛନ୍ତି ଅଂଚଳବାସୀ ପ୍ରଶ୍ନ ଉଠାଇଛନ୍ତି ।
ଗତ ୧୬ ତାରିଖ ଦିନ ବନବିଭାଗ ପାଟ୍ରୋଲିଂ କରୁଥିବା ବେଳେ ଜଣେ ଶିକାରୀକୁ ଗିରଫ କରିବାରେ ସଫଳ ହୋଇଥିବା ବେଳେ ଆଉ କିଛି ଶିକାରୀ ଫେରାର ହେବାରେ ସକ୍ଷମ ହୋଇଛନ୍ତି ।
{"id":513843,"width":585,"height":780,"sizeSlug":"large","linkDestination":"none"}ରାଉଡ଼ିହା ଅଂଚଳର ଶୁକୁରା ସିଂ ବନ୍ୟଜନ୍ତୁ ଶିକାର ପାଇଁ ଅଭୟାରଣ୍ୟରେ ଘୁରିବୁଲୁଥିବା ବେଳେ ତାକୁ ଗିରଫ କରିବା ସହ ତାଠାରୁ ଗୁଳି ଭର୍ତ୍ତି ବନ୍ଧୁକ ଜବତ କରିଛି । ଏନେଇ ଏକ ମାମଲା ରୁଜୁ ହେବା ସହ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ଜଣାପଡିଛି।