Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||
  • ମାଲକାନଗିରି : କମ୍ବିଂ ଅପରେସନ ସାରି ଫେରୁଥିବା ବେଳେ ଲ୍ୟାଣ୍ଡମାଇନ ବିସ୍ଫୋରଣ : ଆସିଷ୍ଟାଣ୍ଡ କମାଣ୍ଡାଣ୍ଟ୍ ସହିଦ, ୯ଯବାନ ଆହତ
  • ||

ମହିଳା ସହକର୍ମୀଙ୍କୁ ଅସଦାଚରଣ ଅଭିଯୋଗରେ କଲେଜ ଅଧ୍ୟକ୍ଷ ଗିରଫ ଘଟଣାରେ ନୂଆମୋଡ, ସମର୍ଥନରେ ବାହାରିଲେ ଶତାଧିକ ଛାତ୍ରୀ

7/11/2020 at 9:41 AM

ଜୟପୁର ୭।୧୧: ମହିଳା ସହକର୍ମୀଙ୍କୁ ଅସଦାଚରଣ ଓ ଅଶ୍ଳୀଳ ମେସେଜ ପଠାଇବା ଅଭିଯୋଗରେ ଗିରଫ ହୋଇ ଜେଲରେ ଅଛନ୍ତି କୋରାପୁଟ ଜିଲ୍ଲା ସୁନାବେଡା ସ୍ଥିତ ଯୁକ୍ତ ୨ ମହିଳା ମହାବିଦ୍ୟାଳୟର ଅଧ୍ୟକ୍ଷ ଡକ୍ଟର ପବିତ୍ର ବେଦାନ୍ତ । ଏବେ ଏହି ଘଟଣା ଏବେ ନୂଆମୋଡ ନେଉଛି ।

ଅଧ୍ୟକ୍ଷ ପବିତ୍ର ବେଦାନ୍ତ ନିର୍ଦୋଷ ଓ ତାଙ୍କୁ ଚକ୍ରାନ୍ତ କରି ଫସାଇ ଦିଆଯାଇଥିବା ଅଭିଯୋଗ କରି ତାଙ୍କ ସମର୍ଥନରେ ବାହାରିଛନ୍ତି ଅନେକ ଛାତ୍ରୀ ଓ ପୂର୍ବତନ ଛାତ୍ରୀ । ଏପରିକି ଏହି ଘଟଣା ପଛରେ କାହାର ହାତ ଅଛି ତାର ନିରପେକ୍ଷ ତଦନ୍ତ କରିବାକୁ ଶତାଧିକ ଛାତ୍ରୀ କୋରାପୁଟ ଜିଲ୍ଲାପାଳ ଓ ଏସପିଙ୍କୁ ଭେଟି ଦାବି ପତ୍ର ଦେଇଛନ୍ତି ।

ସୋସିଆଲ ମିଡିଆରେ ଅଧ୍ୟକ୍ଷଙ୍କ ସମର୍ଥନରେ ଅନେକ ପୂର୍ବତନ ଛାତ୍ରୀ କ୍ୟାମ୍ପେନ ମଧ୍ୟ ଆରମ୍ଭ କରିଛନ୍ତି । ଆଉ ଏହି କ୍ୟାମ୍ପେନରେ ଶହ ଶହ ଲୋକ ଯୋଡି ହେଉଛନ୍ତି । ସେହିପରି ନିଜ ବାପାଙ୍କୁ ନିର୍ଦୋଷ କହି ତାଙ୍କ ଝିଅ ମଧ୍ୟ ଏକ ଇମୋସନାଲ ଅଡିଓ କ୍ଲିପ୍ ଜାରି କରିଛନ୍ତି ।

ମହିଳା ମହାବିଦ୍ୟାଳୟର ଜଣେ ମହିଳା ସହକର୍ମୀଙ୍କୁ ଅସଦାଚରଣ ଅଭିଯୋଗରେ ଅଧ୍ୟକ୍ଷଙ୍କୁ ଗତ ୩ ତାରିଖ ଦିନ ଗିରଫ କରିଥିଲା ସୁନାବେଡା ପୋଲିସ । ତେବେ ଏହା ପଛରେ କଲେଜରୁ ତଡା ଖାଇଥିବା ଜଣେ ପୂର୍ବତନ କର୍ମଚାରୀଙ୍କ ହାତ ରହିଥିବା ସ୍ଥାନୀୟ ଅଞ୍ଚଳରେ ଜୋରଦାର ଚର୍ଚ୍ଚା ହେଉଛି।

   Related Posts