Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : ଭିଜିଲାନ୍ସ ଜାଲରେ ଥାନା ଅଧିକାରୀ, ଯୌତୁକ ମାମଲାରେ ଦଫା କାଟିବାକୁ ନେଉଥିଲେ ୬ହଜାର ଟଙ୍କା
  • ||
  • ନବରଙ୍ଗପୁର : କୁନ୍ଦେଇ ସରପଞ୍ଚ ନିଲମ୍ବିତ, ଭାରତମାଳା ଯୋଜନାକୁ ବିରୋଧ କରିବାରୁ କାର୍ଯ୍ୟାନୁଷ୍ଠାନ
  • ||
  • ୨ ଦିନିଆ କନ୍ଧମାଳ ଗସ୍ତରେ ଶିଶୁ ସୁରକ୍ଷା ଅଧିକାର ଅଧ୍ୟକ୍ଷା
  • ||
  • ବ୍ରହ୍ମପୁର : ବ୍ରହ୍ମପୁର ଫାଷ୍ଟଗେଟ୍ ଅଞ୍ଚଳରୁ ଜଣଙ୍କ ମୃତଦେହ ଠାବ, ହତ୍ୟା ସନ୍ଦେହ
  • ||
  • ନୀଳଗିରି: ହାତୀ ଆତଙ୍କରେ ଅଞ୍ଚଳବାସୀ
  • ||
  • ମାଲକାନଗିରି : ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ, ବିପୁଳ ପରିମାଣର ମାଓ ସାମଗ୍ରୀ ଜବତ
  • ||
  • କେନ୍ଦୁଝର : ବାଇକ୍ ଧକ୍କାରେ ଜଣେ ଗୁରୁତର, ମେଡିକାଲରେ ଭର୍ତ୍ତି
  • ||

ଚନ୍ଦ୍ରଭାଗାରେ ନୂଆବର୍ଷର ପ୍ରଥମ ସୂର୍ଯ୍ୟଙ୍କୁ ଦର୍ଶନ କଲେ ପର୍ଯ୍ୟଟକ, କୋଣାର୍କରେ ପ୍ରବଳ ଭିଡ

1/01/2020 at 11:19 AM

କୋଣାର୍କ ୧।୧: କୋଣାର୍କ ଚନ୍ଦ୍ରଭାଗାଠାରେ ପର୍ଯ୍ୟଟକଙ୍କ ନାହିଁ ନଥିବା ଭିଡ଼ ଦେଖିବାକୁ ମିଳିଛି । ୨୦୨୦ ନୂତନ ବର୍ଷର ପ୍ରଥମ ସୂର୍ଯ୍ୟ ଉଦୟକୁ ଦେଖିବା ପାଇଁ ରାଜ୍ୟ ତଥା ରାଜ୍ୟ ବାହାରୁ ଆସିଥିବା ପର୍ଯ୍ୟଟକଙ୍କ ଭିଡ଼ ଲାଗିଥିଲା ।

କୋଣାର୍କରେ ରାତି ତମାମ ପର୍ଯ୍ୟଟକମାନେ ନୂଆ ବର୍ଷ ସେଲିବ୍ରେଟ୍ କରିବା ସହିତ ଭୋର ୪ଟାଠାରୁ ଚନ୍ଦ୍ରଭାଗାଠାରେ ନୂତନ ବର୍ଷର ପ୍ରଥମ ସୂର୍ଯ୍ୟ କିରଣ ଦର୍ଶନ ପାଇଁ ଅନାଇ ବସିଥିଲେ । ପ୍ରବଳ କୁହୁଡି ଓ ବାଦଲ ଯୋଗୁଁ ସୂର୍ଯ୍ୟଙ୍କୁ ଦର୍ଶନରେ ବିଳମ୍ବ ହୋଇଥିଲା ।

ନୂତନ ବର୍ଷରେ ସୂର୍ଯ୍ୟ ୬ ଟା ୨୨ ମିନିଟରେ ଉଦୟ ହେବାପରେ ହରିବୋଲ ଓ ହୁଳହୁଳିରେ ପରିବେଶ କମ୍ପିଉଠିବା ସହ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା ଚନ୍ଦ୍ରଭାଗା ବେଳାଭୂମିରେ ।

ସମୁଦ୍ରରେ ଗାଧୋଇବା ସହ ସୂର୍ଯ୍ୟ ଉଦୟ ପରେ ଦୀପ ଦାନ କରି ସୂର୍ଯ୍ୟ ଦେବତାଙ୍କୁ ଦର୍ଶନ କରିଥିଲେ ପର୍ଯ୍ୟଟକ । ୨୦୨୦ ନୂତନ ବର୍ଷ ସୂର୍ଯ୍ୟଙ୍କ ସୁନେଲି କିରଣର ଆଲୋକ ପରି ଦେଶବାସୀ ଓ ସାରା ବିଶ୍ବକୁ ଶାନ୍ତି ଓ ପ୍ରଗତିର ବର୍ଷ ହେଉ ବୋଲି ପର୍ଯ୍ୟଟକ କହିଥିଲେ । ଏପଟେ ନୂତନ ବର୍ଷରେ ସୂର୍ଯ୍ୟ ମନ୍ଦିରରେ ପର୍ଯ୍ୟଟକଙ୍କ ଭିଡ଼ ଜମିଛି ।

   Related Posts