ମୁମ୍ବାଇ ୧୯।୦୫: ସାରାଦେଶରେ କରୋନା ଭାଇରସ ନେଇ ଲକ୍ଡାଉନ୍ ଜାରି କରାଯାଇଛି । ମାର୍ଚ୍ଚ ୨୫ରୁ ଆରମ୍ଭ ହୋଇଥିବା ଲକ୍ଡାଉନ୍ ଆସି ମେ ମାସରେ ପହଞ୍ଚିଲାଣି । ଏହାମଧ୍ୟରେ ଦେଶରେ ଚତୁର୍ଥ ପର୍ଯ୍ୟାୟ ଲକ୍ଡାଉନ୍ ଜାରି ରହିଛି । କିଛିଟା ନିୟମକୁ କଡାକଡା ପାଳନ କରିବାକୁ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ କୁହାଯାଇଛି । ଯେପରି କି ସାମାଜିକ ଦୂରତା ରକ୍ଷାକରିବା । କାହିଁକି ନା ବର୍ତ୍ତମାନ ଭଳି ସ୍ଥିତିରେ ଯଦି ଆମେ ସାମାଜିକ ଦୂରତା ରକ୍ଷାକରିପାରୁଛେ ତେବେ ଆମେ କରୋନାକୁ କିଛି ମାତ୍ରାରେ ହରାଇପାରିବା । କିନ୍ତୁ କିଛି ଲୋକ ଅଛନ୍ତି ଯେଉଁମାନେ କି ସାମାଜିକ ଦୂରତା ନିୟମକୁ ବେଖାତିର କରିଛନ୍ତି । ଏହିପରି ଆଜି ଏକ ଦୃଶ୍ୟ ଦେଖିବାକୁ ମିଳିଥିଲା ମୁମ୍ବାଇର ବାନ୍ଦ୍ରା ଷ୍ଟେସନରେ । ନିଜ ରାଜ୍ୟକୁ ଯିବା ପାଇଁ ଶ୍ରମିକମାନେ ସାମାଜିକ ଦୂରତାର ନିୟମକୁ ଉଲ୍ଲଂଘନ କରିଛନ୍ତି ।
wp:html/wp:html#WATCH Maharashtra: Huge crowd of migrant workers gathered outside the Bandra railway station in Mumbai earlier today to board a "Shramik special' train to Bihar. Only people who had registered themselves(about 1000) were allowed to board, rest were later dispersed by police. pic.twitter.com/XgxOQmSzEb
— ANI (@ANI) May 19, 2020
ସୂଚନାଯୋଗ୍ୟ ଯେ, ଆଜି ମହାରାଷ୍ଟର ବାନ୍ଦ୍ରା ଷ୍ଟେସନରୁ ଶ୍ରମିକ ସ୍ପେଶାଲ ବିହାର ଅଭିମୁଖେ ଗସ୍ତ କରିବ। ଲକ୍ଡାଉନ୍ ପାଇଁ ବିଭିନ୍ନ ରାଜ୍ୟରେ ଲୋକ ଭିନ୍ନ ଭିନ୍ନ ରାଜ୍ୟରେ ଫସିରହିଛନ୍ତି । ସେହିପରି ଏହି ଶ୍ରମିକ ସ୍ପେଶାଲ ଟ୍ରେନରେ ଯାତ୍ରା କରିବା ପାଇଁ ୧ ହଜାରରୁ ଅଧିକ ଶ୍ରମିକଙ୍କ ରେଜିଷ୍ଟ୍ରେସନ କରାଯାଇଛି। କିନ୍ତୁ ରେଜିଷ୍ଟ୍ରେସନ ଯେଉଁମାତ୍ରରେ ହୋଇଥିଲା ତାଠାରୁ କାହିଁ ଅଧିକା ସଂଖ୍ୟାରେ ଶ୍ରମିକମାନେ ବାନ୍ଦ୍ରା ଷ୍ଟେସନରେ ଘରକୁ ଫେରିବା ପାଇଁ ପହଞ୍ଚି ଯାଇଛନ୍ତି । ଯାହାଫଳରେ କି ଷ୍ଟେସନ୍ରେ ପ୍ରବଳ ଭିଡ ଦେଖିବାକୁ ମିଳିଥିଲା । ଭିଡକୁ ଦେଖିଲେ ଯିଏ କହିବ ଏହା ଲକ୍ଡାଉନ୍ ବୋଲି କିଛି ନିୟମ ନାହିଁ ।
ତେବେ ଷ୍ଟେସନ୍ରେ ଏତେ ସଂଖ୍ୟାର ଶ୍ରମିକଙ୍କ ଭିଡ ଦେଖି ପୋଲିସ ଘଟଣାସ୍ଥଳରେ ପହଞ୍ଚିଥିଲା । ଏବଂ ସେମାନଙ୍କୁ ବୁଝାସୁଝା କରି ଘରକୁ ଯିବା ପାଇଁ ଅନୁରୋଧ କରିଥିଲା । କିନ୍ତୁ ପ୍ରବାସୀମାନେ ପୋଲିସ କଥା ଶୁଣିବାକୁ ନାରାଜ । ଏତେ ସଂଖ୍ୟାର ଭିଡ ଦେଖି ଶେଷରେ ପୋଲିସକୁ ସାମାନ୍ୟ କାର୍ଯ୍ୟାନୁଷ୍ଠାନ ନେବାକୁ ବାଧ୍ୟ ହୋଇଥିଲା । ତେବେ ଏହଭଳି ଘଟଣା ପ୍ରଶାସନ ପ୍ରସ୍ତୁତି ଉପରେ ଅନେକ ପ୍ରଶ୍ନ ଉଠାଇଛି । କିଛି ଦିନ ତଳେ ଅପ୍ରେଲ ୧୪ରେ ମୁମ୍ବାଇ ବାନ୍ଦ୍ରା ରେଲୱେ ଷ୍ଟେସନରେ ପ୍ରବାସୀ ଶ୍ରମିକଙ୍କ ଭାରୀ ଭିଡ ଦେଖିବାକୁ ମିଳିଥିଲା । ସମସ୍ତେ ଘରକୁ ଯିବା ପାଇଁ ଷ୍ଟେସନରେ ପହଞ୍ଚି ଯାଇଥିଲେ ।