Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ସମସ୍ତ ସହରାଞ୍ଚଳରେ ଶନିବାର ଓ ରବିବାର ସଟ୍‌ଡାଉନ୍‌
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୫୦୩ କରୋନା ଆକ୍ରାନ୍ତ
  • ||
  • ଭଦ୍ରକ : ଚାକିରୀରୁ ବିଦା ହେଲେ ରସିକିଆ ଶିକ୍ଷକ, ହ୍ବାଟସଆପ୍ ଗ୍ରୁପରେ ପଠାଇଥିଲେ ନିଜ ଅନ୍ତରଙ୍ଗ ମୁହୂର୍ତ୍ତର ଭିଡିଓ
  • ||
  • ଆନନ୍ଦପୁର : ବାଲି ଗାଡି ମାଲିକଙ୍କୁ ହାବିଲଦାର ମାଗୁଥିଲେ ଚାନ୍ଦା, ଆଜି ଶୁଣିଲା ପରେ ଏସପି କଲେ ସସପେଣ୍ଡ
  • ||
  • ସମ୍ବଲପୁର : ବିଗୁଡୁଛି କରୋନା ସ୍ଥିତି : ଭୀମସାର କୋଭିଡ୍ ହସ୍ପିଟାଲର ବଢିବ ଶଯ୍ୟା, ଚାଲିଛି ଦ୍ବିତୀୟ ହସ୍ପିଟାଲ କାମ
  • ||
  • ଜଳେଶ୍ବର : ବସ୍ତା ଷ୍ଟେସନରେ ଏକ୍ସପ୍ରେସ୍ ଟ୍ରେନ୍ ରହଣି ଦାବି, ରେଳରୋକ କଲେ ସ୍ଥାନୀୟ ବାସିନ୍ଦା
  • ||
  • ମହାକାଳପଡା : କେନ୍ଦ୍ରାପଡାରେ ତାଣ୍ଡବ ରଚିଲା କାଳବୈଶାଖୀ, ବଜ୍ରପାତରେ ଚାଲିଗଲା ଜଣଙ୍କ ଜୀବନ
  • ||
  • ଖଲ୍ଲିକୋଟ : ବରଗଛ ମୂଳରୁ ନବଜାତ ଶିଶୁର ମୃତଦେହ ଉଦ୍ଧାର
  • ||
  • ନବରଙ୍ଗପୁର : ୧୦ଦିନ ପରେ ହୋଇଥାନ୍ତା ବାହାଘର, ଗଛରେ ଓଢଣୀ ବାନ୍ଧି ପ୍ରେମିକ ସହ ଝୁଲିପଡିଲେ ଯୁବତୀ
  • ||
  • ବ୍ରିଟେନ୍‌ ପ୍ରଧାନମନ୍ତ୍ରୀ ବୋରିସ୍‌ ଜନସନ୍‌ଙ୍କ ଭାରତ ଗସ୍ତ ବାତିଲ
  • ||

ହ୍ରିତିକ୍ ରୋଶନଙ୍କୁ ୩ ଘଣ୍ଟା ୪୫ ମିନିଟ୍ ଧରି ପଚରାଉଚରା କଲା କ୍ରାଇମ୍‌ବ୍ରାଞ୍ଚ୍‌ : ଜାଲ୍ ଇ-ମେଲ୍ ମାମଲାରେ ଜାରି ହୋଇଥିଲା ନୋଟିସ୍‌

27/02/2021 at 5:11 PM

ମୁମ୍ବାଇ ୨୭/୦୨ : କଙ୍ଗନା ରଣାଓ୍ବତ ଇ-ମେଲ୍‌ ବିବାଦ ମାମଲାରେ ବଲିଉଡ ଅଭିନେତା ହ୍ରିତିକ ରୋଶନ ମୁମ୍ବାଇ କ୍ରାଇମବ୍ରାଞ୍ଚରେ ହାଜର ହୋଇଛନ୍ତି । ଏହି ମାମଲାରେ କ୍ରାଇମବ୍ରାଞ୍ଚ ହ୍ରିତିକ୍‌ ରୋଶନଙ୍କୁ ପ୍ରାୟ ୩ ଘଣ୍ଟା ୪୫ ମିନିଟ୍‌ ଧରି ପଚରାଉଚରା କରିଥିବା ସୂଚନା ମିଳିଛି । ହ୍ରିତିକ୍‌ଙ୍କ ବିରୁଦ୍ଧରେ ଅଭିଯୋଗ ଥିଲା କି, ସେ ୨୦୧୬ ମସିହାରେ ନିଜ କୋ-ଷ୍ଟାର ଅଭିନେତ୍ରୀ କଙ୍ଗନା ରଣାଓ୍ବତଙ୍କୁ ଜାଲ୍‌ ଇ-ମେଲ ପଠାଇଥିଲେ ।

ଶନିବାର ସନ୍ଧ୍ୟା ସୁଦ୍ଧା କ୍ରାଇମବ୍ରାଞ୍ଚ ଅଫିସରେ ହାଜର ହେବାକୁ ହ୍ରିତିକ୍‌ଙ୍କୁ ସମନ ପଠାଇଥିଲା କ୍ରାଇମବ୍ରାଞ୍ଚ । ୨୦୧୬ ମସିହାର ଏକ ନକଲି ଇ-ମେଲ ମାମଲାରେ କ୍ରାଇମବ୍ରାଞ୍ଚ ତାଙ୍କୁ ସମନ ପଠାଇଥିଲା । ୨୦୧୬ରେ ହ୍ରିତିକ୍‌ ରୋଶନ୍‌ ନିଜର କୋ-ଷ୍ଟାର ତଥା ଅଭିନେତ୍ରୀ କଙ୍ଗନା ରଣାୱତଙ୍କୁ ନକଲି ଇ-ମେଲ ପଠାଇଥିବା ଅଭିଯୋଗ ହୋଇଥିଲା । ଶନିବାର ସୁଦ୍ଧା କମିଶନର ଅଫିସ କ୍ରାଇମ ଇଣ୍ଟେଲିଜେନ୍ସ ୟୁନିଟରେ ହାଜର ହେବାକୁ କ୍ରାଇମବ୍ରାଞ୍ଚ କହିଥିଲା। କିନ୍ତୁ ସେ ଧାର୍ଯ୍ୟ ସମୟ ପୂର୍ବରୁ ପହଞ୍ଚି ଯାଇଥିଲେ । ଆଗରୁ ଏହି ମାମଲାର ଯାଞ୍ଚ ମୁମ୍ବାଇ ପୋଲିସ ଆଇଟି ସେଲ କରୁଥିଲା। କିନ୍ତୁ ବର୍ତ୍ତମାନ ମୁମ୍ବାଇ ପୋଲିସର କ୍ରିମିନାଲ ଇଣ୍ଟେଲିଜେନ୍ସ ୟୁନିଟ ମାମଲାର ଯାଞ୍ଚ କରୁଛି।

୨୦୧୬ ମସିହାରେ ହ୍ରିତିକ ରୋଶନ ଏକ ମାମଲା ରୁଜ୍ଜୁ କରିଥିଲେ ଯେଉଁଥିରେ କୁହାଯାଇଥିଲା ଯେ କେହି ଜଣେ ତାଙ୍କର ନକଲି ଇ-ମେଲ ଆଇଡି ତିଆରି କରି କଙ୍ଗନାଙ୍କୁ ମେଲ କରିଥିଲା। ଏହାପରେ ହ୍ରିତିକ ରୋଶନ ଓ କଙ୍ଗନାଙ୍କ ମଧ୍ୟରେ ବିବାଦ ଆରମ୍ଭ ହୋଇଥିଲା। ଏହି ମାମଲାରେ ଭାରତୀୟ ଦଣ୍ଡ ବିଧାନ ଅନୁସାରେ ଧାରା ୪୧୯ ଓ ଆଇଟି ଆକ୍ଟ ଅନୁଯାୟୀ ଧାରା ୬୬ ସି(ପରିଚୟ ଚୋରି) ଏବଂ ୬୬ ଡି(କମ୍ପ୍ୟୁଟର ଜରିଆରେ କାହାର ପରିଚୟ ଚୋରି କରିବା) ନେଇ ସାଇବର ପୋଲିସ ଷ୍ଟେସନରେ ମାମଲା ରୁଜୁ କରାଯାଇଥିଲା।

ଗତ ବର୍ଷ ଡିସେମ୍ବର ମାସରେ ହ୍ରିତିକଙ୍କ ଓକିଲ ଯାଞ୍ଚ ସମ୍ପର୍କରେ ମୁମ୍ବାଇ ପୋଲିସ ଆୟୁକ୍ତ ସହ ଯୋଗାଯୋଗ କରିଥିଲେ। ଏହାପରେ ମାମଲାକୁ କ୍ରାଇମବ୍ରାଞ୍ଚର ଇଣ୍ଟେଲିଜେନ୍ସ ୟୁନିଟକୁ ହସ୍ତାନ୍ତର କରାଯାଇଥିଲା।

   Related Posts