Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ରୋଷେଇ ଘରେ ଆପଣ ବ୍ୟବହାର କରୁଥିବା ମସଲା ଅସଲି ନା ନକଲି ଏମିତି କରନ୍ତୁ ଯାଞ୍ଚ

3/12/2020 at 7:16 PM

ଭୁବନେଶ୍ୱର ୦୩/୧୨ : ବ୍ୟଞ୍ଜନରେ ମସଲାର ମହତ୍ତ୍ୱ ସବୁଠାରୁ ଅଧିକ। ଭାରତରେ ଅନେକ ପ୍ରକାର ମସଲା ଉତ୍ପାଦନ କରାଯାଇଥାଏ। ବିଦେଶରେ ମଧ୍ୟ ଭାରତୀୟ ମସଲାର ଅନେକ ଚାହିଦା ରହିଛି। ମସଲା କିଣିବା ସମୟରେ ସବୁଠାରୁ ବଡ ସମସ୍ୟା ହେଲା ମସଲା ଚିହ୍ନିବା ଯେ ଆମେ କିଣୁଥିବା ମସଲା ଅସଲି ନା ନକଲି। ଆଜିକାଲି ବଜାରରେ ସବୁ ଜିନିଷରେ ଅପମିଶ୍ରଣ ହେଉଛି। ଅପମିଶ୍ରିତ ମସଲା ସ୍ୱାସ୍ଥ୍ୟ ପକ୍ଷେ ହାନିକାରକ।

ମସଲା ଖରାପ ଥିଲେ ପୁରା ବ୍ୟଞ୍ଜନର ସ୍ୱାଦ ବିଗିଡି ଯାଇଥାଏ। ସେଥିପାଇଁ ଗୋଟା ମସଲା ବ୍ୟବହାର କରିବା ସବୁଠାରୁ ଶ୍ରେୟସ୍କର। କିନ୍ତୁ ସବୁବେଳେ ଗୋଟା ମସଲା ବ୍ୟବହାର କରିବା ସମ୍ଭବ ହୋଇନଥାଏ ଏବଂ କିଛି ବ୍ୟଞ୍ଜନରେ ମସଲା ଗୁଣ୍ଡ ବ୍ୟବହାର କରିବାକୁ ପଡିଥାଏ। ଏହିଭଳି ସ୍ଥିତିରେ ମସଲା କିଣିବା ସମୟରେ ଏହିସବୁ ଦିଗ ପ୍ରତି ଦୃଷ୍ଟି ଦେବା ଆବଶ୍ୟକ।

ଜଣେ ମସଲା ବ୍ୟବସାୟୀ କହିଛନ୍ତି ଯେ ଶୁଦ୍ଧ ହଳଦୀର ରଙ୍ଗ ହାଲୁକା ରହେ। ଯଦି ଆପଣ ବଜାରରୁ ଖୋଲା ହଳଦୀ କିଣୁଛନ୍ତି କିମ୍ବା ଗୁଣ୍ଡ ହଳଦୀ କିଣୁଛନ୍ତି ଏବଂ ତାର ରଙ୍ଗ ଗାଢ ହଳଦିଆ ହୋଇଥାଏ ତାହେଲେ ଜାଣିବେ ତାହା ଅପମିଶ୍ରିତ ହଳଦୀ। ଏହି ହଳଦୀକୁ ପାଣିରେ ପକାଇ ଦେଖନ୍ତୁ। ପାଣିରେ ପକାଇବା ପରେ ହଳଦୀର ରଙ୍ଗ ଯଦି ଶୀଘ୍ର ଫିକା ପଡ଼ିଯାଏ କିମ୍ବା ଉଡ଼ିଯାଏ ତାହେଲେ ଜାଣିବେ ତାହା ଅପମିଶ୍ରିତ ହଳଦୀ।

ମସଲା ମଧ୍ୟରେ ଆଉ ଏକ ପ୍ରମୁଖ ମସଲା ହେଲା ଧନିଆ। ସେ କହିଛନ୍ତି ଧନିଆରେ ମଧ୍ୟ ଅପମିଶ୍ରଣ ହୋଇଥାଏ। ଧନିଆରେ ସାଧାରଣତଃ ଜଙ୍ଗଲୀ ଘାସକୁ ଶୁଖାଇ ଗୁଣ୍ଡ କରି ମିଶାଯାଇଥାଏ। ଶୁଖିଲା ପରେ ଏହି ଘାସର ରଙ୍ଗ ଧନିଆ ଭଳି ହୋଇଯାଏ। ଅସଲି ଧନିଆ ବହୁତ ଭଲ ସୁଗନ୍ଧ ହୋଇଥାଏ। ଯଦି ଧନିଆ ଗୁଣ୍ଡରୁ ବାସନା ହେଉନାହିଁ କିମ୍ବା କମ ବାସନ ହେଉଛି ତାହେଲେ ଜାଣିବେ ତାହା ଅପମିଶ୍ରିତ ଧନିଆ।

ଖାଦ୍ୟରେ ଲୁଣର ମହତ୍ତ୍ୱ ସବୁଠାରୁ ଅଧିକ। ବ୍ୟଞ୍ଜନରେ ବା ଖାଦ୍ୟରେ ଯେତେ ମସଲା ପକାଇଲେ ମଧ୍ୟ ଲୁଣ ନ ପକାଇଲେ ତାହା ସ୍ଵାଦହୀନ। ଖାଦ୍ୟରେ ଲୁଣର ବ୍ୟବହାର ସବୁଠାରୁ ମହତ୍ତ୍ୱପୂର୍ଣ୍ଣ। ଲୁଣରେ ଆୟୋଡିନ ଚେକ କରାଯାଇଥାଏ। ଲୁଣ ଆୟୋଡାଇଜ୍ଡ ନା ସାମାନ୍ୟ ତାହା ଯାଞ୍ଚ କରାଯାଇଥାଏ। ଏହା ଯାଞ୍ଚ କରିବାର ଏକ ସରଳ ଉପାୟ ଅଛି। ଗୋଟିଏ ଆଳୁକୁ କାଟି ତାଉପରେ ଲୁଣ ଲଗାଇ ଦିଅନ୍ତୁ। ତା ଉପରେ କିଛି ବୁନ୍ଦା ଲେମ୍ବୁ ରସ ପକାନ୍ତୁ। ୧୦ ମିନିଟ୍ ପରେ ଏହାକୁ ଚେକ କରନ୍ତୁ। ଯଦି ଆଳୁର ରଙ୍ଗ ନୀଳ ହୋଇଯାଇଥାଏ ତାହେଲେ ତାହା ଆୟୋଡାଇଜ୍ଡ ଲୁଣ। ଯଦି ରଙ୍ଗ ନ ବଦଳେ ତାହେଲେ ତାହା ସାମାନ୍ୟ ଲୁଣ।

କେସରକୁ ନେଇ ମସଲା ବ୍ୟବସାୟୀ କହିଛନ୍ତି ଯେ କେସର୍ ମଧ୍ୟ ଅସଲି ଓ ନକଲି ଥାଏ। ସେ କହିଛନ୍ତି କେସର୍ ସମସ୍ତେ କିଣନ୍ତିନି। କିନ୍ତୁ ତଥାପି ଅସଲି କେସର୍ ଚିହ୍ନିବା ଦରକାର। ଅସଲି କେସର ହାତରେ ଛିଣ୍ଡାଇଲେ ସହଜରେ ଛିଣ୍ଡେନାହିଁ। କିନ୍ତୁ ନକଲି କେସର୍ ସହଜରେ ଛିଣ୍ଡି ଯାଇଥାଏ। କେସରରେ ମକା ଚୁଟିକୁ ରଙ୍ଗ କରି ମିଶାଯାଇଥାଏ।

   Related Posts