Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||

କେମିତି ମରିଥିଲା ଦୁନିଆର ସବୁଠୁ ଖତର୍ନାକ ଆତଙ୍କବାଦୀ ବାଗଦାଦି, ଆମେରିକା ଜାରି କଲା ବ୍ଲାକ୍ ଆଣ୍ଡ ହ୍ବାଇଟ୍ ଫଟୋ ଓ ଭିଡିଓ

31/10/2019 at 4:18 PM

ଓ୍ବାସିଙ୍ଗଟନ୍‌୩୧/୧୦: ଇସ୍ଲାମିକ୍ ଷ୍ଟେଟ୍‌ର ଖତର୍ନାକ  ଆତଙ୍କବାଦୀ ଅବୁ ବକର ଅଲ  ବାଗଦାଦି ଉପରେ ହୋଇଥିବା ଆକ୍ରମଣର ଫଟୋ ଓ ଭିଡିଓଗୁଡିକୁ ଆମେରିକାର ରକ୍ଷା ବିଭାଗ ପେଣ୍ଟାଗନ ପ୍ରସାରିତ କରିଛି। ବ୍ଲାକ ଆଣ୍ଡ୍ ହ୍ବାଇଟ୍ ଫଟୋରେ ବାଗଦାଦି ଉପରେ ହୋଇଥିବା ଆକ୍ରମଣର ଦୃଶ୍ୟ ସ୍ପଷ୍ଟ ଭାବେ ରହିଛି। ଆମେରିକା ସେନା କିଭଳି ଭାବେ ଉତ୍ତର-ପଶ୍ଚିମ ସିରିୟା​‌ରେ ପ୍ରବେଶ କରିଛି ତାହାର ଦୃଶ୍ୟ ମଧ୍ୟ ଏଥିରେ କଏଦ ହୋଇଛି। ଏହି ସ୍ଥାନରେ  ଦୁନିଆର ସବୁଠୁ ଖତର୍ନାକ ଆତଙ୍କବାଦୀ  ବାଗଦାଦି ଲୁଚି ରହିଥିଲା। ଆମେରିକାର ଇଦ୍‌ଲିବ୍ ପ୍ରାନ୍ତରେ  ବାଗଦାଦି ଆଡ୍ଡା ଉପ​‌ରେ ହେଲିକ୍ୟାପ୍ଟର ମାଧ୍ୟମରେ ହୋଇଥିବା ଗୁଳିବର୍ଷଣର ଭିଡିଓ ମଧ୍ୟ ଆମେରିକାର ପେଣ୍ଟାଗନ ପ୍ରସାରିତ କରିଛି। ଆମେରିକା ହେଲିକ୍ୟାପ୍ଟର ଉପରକୁ ଆକ୍ରମଣକାରୀ ଗୁଳିମାଡ଼ କରୁଥିବାର ଦୃଶ୍ୟ ମଧ୍ୟ ଭିଡିଓରେ ରେକର୍ଡିଂ ରହିଛି। ଆକ୍ରମଣ ପୂର୍ବରୁ ଓ ଆକ୍ରମଣ ପରର ଫଟୋ ମଧ୍ୟ ଆମେରିକା ଜାରି କରିଛି।

ୟୁଏନ ସେଣ୍ଟ୍ରାଲର କମାଣ୍ଡର ମରୀନ କର୍ପ୍ସ ଜେନେରାଲ କେନେଥ୍‌ ​‌ମ୍ୟାକେନଜୀଙ୍କ କହିବା ଅନୁସାରେ  ବାଗଦାଦିଙ୍କ ସହ  ଦୁଇଜଣ ପିଲା ,ଚାରିଜଣ ମହିଳା ଓ ଜଣେ ପୁରୁଷଙ୍କ ମୃତ୍ୟୁ ହୋଇଛି। କିନ୍ତୁ ଅନ୍ୟପଟେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଥିଲେ ଯେ ଆମେରିକା ସେନାଙ୍କ ଆକ୍ରମଣରେ  ବାଗଦାଦି ସହ ତିନିଜଣ ପିଲାଙ୍କ ମୃତ୍ୟୁ ହୋଇଛି। ଡୋନାଲଡ୍ ଟ୍ରମ୍ପ ଭୁଲ ତଥ୍ୟ ଦେଇଥିବା କଥା ମ୍ୟାକେନଜୀ କହିଛନ୍ତି।  ବାଗଦାଦି ଉପରେ ଆମେରିକା ସେନା ଆକ୍ରମଣ କରିବା ସମୟରେ ସେ ତାଙ୍କ ଦୁଇଜଣ ପିଲାଙ୍କୁ ସାଙ୍ଗରେ ଏକ ସୁଢ଼ଙ୍ଗ ଭିତରକୁ ପଶିଯାଇଥିଲେ। କିଛି ସମୟ ପରେ ବିସ୍ପୋରଣ ହୋଇଥିଲା । ଏହି ସବୁ ଘଟଣାର ଭିଡିଓ ରେକର୍ଡିଂ ହୋଇଥିଲା। ବୁଧବାର ଆମେରିକାର ପେଣ୍ଟାଗନ ଏହାର ପ୍ରସାରଣ କରିଛନ୍ତି।

୨୦୦୬ରେ ଆଲକାଏଦାର ଏକ ଶାଖାକୁ ବଦଳାଇ IS ନାଁ ଦେଇଥିଲା ବାଗଦାଦୀ । ୨୦୧୩ରେ ଏହା ISIS ନାଁରେ ଆତଙ୍କୀ କାରନାମା ଚଳାଇଥିଲା । ISIS ଆତଙ୍କୀ ବିଦେଶୀ ନାଗରିକଙ୍କୁ ଧରି ସେମାନଙ୍କ ମୁଣ୍ଡ କାଟିବା ଭଳି ଜଘନ୍ୟ କାଣ୍ଡ କରୁଥିଲେ । ଏହାଦ୍ବାରା ଅନ୍ତର୍ଜାତୀୟ ସ୍ତରରେ ଚାପ ସୃଷ୍ଟି କରିବା ଏବଂ ଆତଙ୍କ ଖେଳାଇବା ଥିଲା ଲକ୍ଷ୍ୟ । ଏହାପରଠୁ ବାଗଦାଦିକୁ ଧରିବା ଲାଗି ଆମେରିକା ସେନା ଅପରେସନ୍ ଚଳାଇଥିଲା ।

୨୦୧୪ରେ ମୋସୁଲ ଠାରେ ଥିବା ମସଜିଦରେ ବାଗଦାଦି ଦେଇଥିବା ଭାଷଣ ଚର୍ଚ୍ଚାକୁ ଆସିଥିଲା । ୨୦୧୭ରେ ଆମେରିକା ସେନାର ଏୟାର ଷ୍ଟ୍ରାଇକ୍ ଅପରେସନରେ ବାଗଦାଦି ଆହତ ହୋଇଥିବା କୁହାଯାଇଥିଲା । ତେବେ ଏହାପରେ ସେ ବାରମ୍ବାର ଭିଡିଓ ଜାରି କରି ନିଜର ଉପସ୍ଥିତି ଜାହିର କରିଥିଲା ।

   Related Posts