ନମସ୍କାର କରିବା ସମୟରେ କେତେକ ଦିଗ ପ୍ରତି ବିଧିପୂର୍ବକୁ ଦୃଷ୍ଟି ଦେବା ଉଚିତ୍। ଯଥା
- ମନ୍ଦିରର ପାହାଚକୁ ଦକ୍ଷିଣ ହସ୍ତର ଅଙ୍ଗୁଳି ସ୍ପର୍ଶ ପୂର୍ବକ ପ୍ରଣାମ କରିବା।
- ମନ୍ଦିର ମଧ୍ୟରେ ଥିବା ଆରାଧ୍ୟ ଦେବତାଙ୍କ ବାହାନକୁ ସ୍ପର୍ଶ ପୂର୍ବକ ପ୍ରଣାମ କରି ଆରାଧ୍ୟ ଦେବତା ନିକଟକୁ ଯିବା ଉଚିତ୍ ।
- ଆରାଧ୍ୟ ଦେବତାଙ୍କୁ ସାଷ୍ଟାଙ୍ଗ ପ୍ରଣାମ କରିବା ଫଳରେ ଅନେକ କଷ୍ଟ ନିବାରଣ ହୋଇଥାଏ ।
- ଗୁରୁ(ପାଞ୍ଚ ଗୁରୁ ଯଥା- ମାତାଗୁରୁ, ପିତାଗୁରୁ,ଶିକ୍ଷାଗୁରୁ,ଦୀକ୍ଷାଗୁରୁ,କର୍ଣ୍ଣଗୁରୁ)ଙ୍କୁ ସାଷ୍ଟାଙ୍ଗ ପ୍ରଣାମ କରିବା ଉଚିତ୍ ।
- ଶୁଭ କାର୍ଯ୍ୟରେ ଯିବା ପୂର୍ବରୁ ଗୃହରେ ଗୁରୁଜନମାନଙ୍କୁ ପାଦସ୍ପର୍ଶ କରି ପ୍ରଣାମ କରିବା ଅତି ଭଲ ।
- ବିଦେଶ ଯିବା ଓ ସ୍ବଦେଶ ପ୍ରତ୍ୟାବର୍ତ୍ତନ ସମୟରେ ଗୃହର ବୟୋବୃଦ୍ଧ ଏବଂ ଗୁରୁଜନମାନଙ୍କୁ ପାଦସ୍ପର୍ଶ କରି ପ୍ରଣାମ କରିବା।
- ବିବାହ ପରେ ପତି-ପତ୍ନୀ ଏକତ୍ରିତ ହୋଇ ଗୁରୁଜନମାନଙ୍କୁ ପ୍ରଣାମ କରିବା।
- ବିବାହ ପରେ ପତି-ପତ୍ନୀ ଗୁରୁଙ୍କୁ,ପିତାଙ୍କୁ,ଶାଶୂଶ୍ବଶୂରଙ୍କୁ,କୂଳପୂରୋହିତଙ୍କୁ,ଗ୍ରାମଦେବତାଙ୍କୁ,ଇଶ୍ବରଙ୍କୁ ଏକତ୍ର ସାଷ୍ଟାଙ୍ଗ ପ୍ରଣାମ କରିବା।
- ରାସ୍ତାରେ ବା ବାଟରେ ଗୁରୁଜନମାନଙ୍କୁ ମୁଣ୍ଡ ନୁଆଇଁ ହାତଯୋଡି ପ୍ରଣାମ କରିବା।
- ଶବକୁ ପ୍ରଣାମ କଲାବେଳେ ମୁଣ୍ଡକୁ ସିଧା ରଖି ଚକ୍ଷୁକୁ ମୁଦ୍ରିତ ରଖି ହାତଯୋଡି ପ୍ରଣାମ କରିବା।
- ନମସ୍କାର ସମୟରେ ଚକ୍ଷୁ ମୁଦ୍ରିତ ରଖିବା।
- ଏକ ହାତରେ ନମସ୍କାର ନ ହେବା।
{"id":187587,"sizeSlug":"large"}
- ଦେବା ଦେବୀ ଓ ଗୁରୁଙ୍କୁ ନମସ୍କାର ସମୟରେ ଜୋତା କି ଚପଲ ନପିନ୍ଧିବା।
- ନମସ୍କାର ସମୟରେ ହାତରେ କୌଣସି ବସ୍ତୁ ନ ଧରିବା।
- ବିବାହିତା ନାରୀ ନମସ୍କାର ସମୟରେ ମସ୍ତକରେ ଓଢଣା ଦେବା।
- ପରିକ୍ରମା,ପୂଜା,ହୋମ,ଜପ,ଦେବତା ଦର୍ଶନ ଆଦି କ୍ଷେତ୍ରରେ ନମସ୍କାର ସମୟରେ ଦେହକୁ ବସ୍ତ୍ରରେ ଘୋଡାଇ ରଖିବା।
- ତୈଳ ମର୍ଦ୍ଦନ କରିଥିବା ବ୍ୟକ୍ତିଙ୍କୁ ନମସ୍କାର ନ ହେବା।
- ଓଦାବସ୍ତ୍ର ପିନ୍ଧିଥିବା ସମୟରେ କିମ୍ବା କେହି ଓଦାବସ୍ତ୍ର ପିନ୍ଧିଥିଲେ ନମସ୍କାର ନହେବା।
- ଭୋଜନ ମସୟରେ, ଜଳମଧ୍ୟରେ, ଅଶୌଚ ସମୟରେ, କାମକ୍ରୀଡା ସମୟରେ, ଯଜ୍ଞାଦି କର୍ମରେ ବ୍ୟସ୍ତଥିବା ସମୟରେ, ହସ୍ତରେ ପୁଷ୍ପ ଓ କୁଶ ଧରିଥିବା ସମୟରେ, ସମୁଦ୍ର, ନଦୀ ଓ ପୋଖରୀରେ ଥିବା ସମୟରେ, ଶିଶୁକୁ ଧରିଥିବା ସମୟରେ ନମସ୍କାର ନହେବା।
- ଶୋଇଥିବା ସମୟରେ ନମସ୍କାର ନହେବା।
- ଦକ୍ଷିଣାଭିମୁଖୀ ହୋଇ ଠିଆ ହୋଇଥିବା ବ୍ୟକ୍ତିଙ୍କୁ ନମସ୍କାର ନହେବ ଶାସ୍ତ୍ର ମତୀୟ ।
