Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଭିଯୁକ୍ତକୁ ଉଠାଇ ଆଣିବାରୁ ଥାନା ପରିସରରେ ତୁମୁଳକାଣ୍ଡ, ଗ୍ରାମବାସୀ ଓ ପୋଲିସ ମାରପିଟ
  • ||
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ସଙ୍କଟରେ କମଲନାଥ ସରକାର : ସଂଖ୍ୟା ଖେଳ ପାଇଁ ଚାଲିଛି କସରତ

11/03/2020 at 10:52 AM

ଭୋପାଳ ୧୧।୩: ମଧ୍ୟପ୍ରଦେଶ ରାଜନୀତିରେ ଘଡିକେ ଘୋଡା ଛୁଟୁଛି। କଂଗ୍ରେସରୁ ଜ୍ୟୋତିରାଦିତ୍ୟ ସିନ୍ଧିଆଙ୍କ ଇସ୍ତଫା ପରେ ସଙ୍କଟରେ ପଡିଛନ୍ତି କମଲନାଥ ସରକାର । ସରକାର ବଞ୍ଚାଇବାକୁ ସମସ୍ତ ଉଦ୍ୟମ ଜାରି ରଖିଛନ୍ତି ମଧ୍ୟପ୍ରଦେଶର ବରିଷ୍ଠ କଂଗ୍ରେସ ନେତା । କିଏ ରିସୋର୍ଟରେ ନେଇ ବିଧାୟକଙ୍କ ରଖୁଛି । ତ ଆଉ କିଏ ଅନ୍ୟ ରାଜ୍ୟକୁ ନେଇ ବିଧାୟକଙ୍କ ରଖିବା ଆରମ୍ଭ କଲାଣି । ଏସବୁ ଭିତରେ ଘୋଡା ବେପାର ହେଉଥିବାର ମଧ୍ୟ କଂଗ୍ରେସ ଅଭିଯୋଗ ଆଣିଛି । କଂଗ୍ରେସରୁ ଇସ୍ତଫା ଦେଇଥିବା ଜ୍ୟୋତିରାଦିତ୍ୟ ସିନ୍ଧିଆ ଆଜି ବିଜେପିରେ ଯୋଗ ଦେଇପାରନ୍ତି ବୋଲି ଅନୁମାନ କରାଯାଉଛି ।
କମଲନାଥ ସରକାର ଏବେ ସଂଖ୍ୟାଲଘୁରେ ପରିଣତ ହୋଇଥିବା ବେଳେ ସମସ୍ତଙ୍କର ନଜର ଦିଲ୍ଲୀ ରାଜନୀତି ଉପରେ ନିବଦ୍ଧ ହୋଇଛି ।​ ବରିଷ୍ଠ କଂଗ୍ରେସ ନେତା ଜ୍ୟୋତିରାଦିତ୍ୟ ସିନ୍ଧିଆ କଂଗ୍ରେସ ଦଳ ଛାଡିବାର  କିଛି ସମୟ ପରେ ୬ ଜଣ ମନ୍ତ୍ରୀଙ୍କ ସମେତ ୨୨ ଜଣ କଂଗ୍ରେସ ବିଧାୟକ ନିଜ ନିଜର ଇସ୍ତଫା ପତ୍ର ପ୍ରଦାନ କରିଛନ୍ତି । ଫଳରେ କମଳନାଥଙ୍କ ନେତୃତ୍ବାଧୀନ କଂଗ୍ରେସ ସରକାର ସଙ୍କଟର ସମ୍ମୁଖୀନ ହୋଇଛି ।

୨୨ ଜଣ ବିଧାୟକଙ୍କ ମଧ୍ୟରୁ ୧୯ ଜଣ ବିଧାୟକ ନିଜ ନିଜର ଇସ୍ତଫା ପତ୍ର ରାଜଭବନକୁ ପଠାଇ ଦେଇଥିବାବେଳେ ବିସାହୁଲାଲ୍‍ ସିଂହ, ଇଦାଲ୍‍ ସିଂହ କାନ୍‍ସାନା ଏବଂ ମନୋଜ ଚୌଧୁରୀ ସେମାନଙ୍କ ଇସ୍ତଫା ପତ୍ର ବିଧାନସଭା ବାଚସ୍ପତିଙ୍କୁ ପ୍ରଦାନ କରିଛନ୍ତି ।

ତେବେ କଂଗ୍ରେସର ବିଧାୟକ ଦଳ ବୈଠକରେ କମଲନାଥ ସରକାରଙ୍କୁ ଆଉ ଏକ ଝଟକା ଲାଗିଛି । ବୈଠକରେ ୮୮ ଜଣ ବିଧାୟକ ସାମିଲ ହୋଇଥିଲେ । କଂଗ୍ରେସକୁ ସମର୍ଥନ ଦେଉଥିବା ବହୁଜନ ସମାଜ ପାର୍ଟିର ୨ ଜଣ, ସମାଜବାଦୀ ପାର୍ଟିର ଜଣେ ଏବଂ ୪ ଜଣ ସ୍ବାଧୀନ ବିଧାୟକଙ୍କ ମଧ୍ୟରୁ ୪ ଜଣ ବିରୋଧୀ ଶିବିରକୁ ଢଳିଛନ୍ତି । ତାଙ୍କ ପାଖରେ କିନ୍ତୁ ବହୁମତ ଥିବା ଦାବି କରିଛନ୍ତି କମଲନାଥ ।

ଏବେ ନଜର ପକାଇବା ମଧ୍ୟପ୍ରଦେଶ ବିଧାନସଭା ଗଣିତ ଉପରେ । ବିଧାନସଭାର ମୋଟ୍ ଆସନ ସଂଖ୍ୟା ୨୩୦ । ଜଣେ ବିଜେପି ଓ ଜଣେ କଂଗ୍ରେସ ସଦସ୍ୟଙ୍କ ମୃତ୍ୟୁ ଫଳରେ ଦୁଇଟି ଆସନ ଖାଲିପଡିଛି । ବିଧାନସଭାରେ କଂଗ୍ରେସର ୧୧୪ ଜଣ ବିଧାୟକ ଥିବାବେଳେ ବିଜେପିର ୧୦୭ ଜଣ ସଦସ୍ୟ ଅଛନ୍ତି । ୪ଜଣ ସ୍ବାଧୀନ, ବିଏସପିର ଦୁଇଜଣ ଓ ସମାଜବାଦୀ ପାର୍ଟିର ଜଣେ ଲେଖାଏଁ ସଦସ୍ୟ ରହିଛନ୍ତି । ସେମାନେ କଂଗ୍ରେସକୁ ସମର୍ଥନ ଦେଉଥିଲେ । ଏବେ କଂଗ୍ରେସର ୨୨ ବିଧାୟକଙ୍କ ଇସ୍ତଫା ପରେ ସରକାର ସଂଖ୍ୟା ଲଘୁ ହୋଇଯାଇଛି । ଏପରି ସ୍ଥିତିରେ ବିଧି ବ୍ୟବସ୍ଥା ଅନୁଯାୟୀ ଯାହାକିଛି ପଦକ୍ଷେପ ନିଆଯିବ ବୋଲି କହିଛନ୍ତି ବାଚସ୍ପତି ।

   Related Posts