Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଧାରଣ ଜନତାଙ୍କ ପାଇଁ ବଢ଼ିଲା ଚିନ୍ତା : ପିଆଜ କିଲୋ ୧୦୦ ଟଙ୍କା !
  • ||
  • ରାସ୍ତା ଝାଡୁମାରି ପ୍ରଶଂସା ସାଉଁଟିଥିବା ଟ୍ରାଫିକ୍ କନେଷ୍ଟବଳ ଲଳିତ ମୋହନ ରାଉତ ସମ୍ମାନୀତ
  • ||
  • ଲେମ୍ବୁ ପାଣିରେ ସନ୍ଧବ ଲୁଣ ମିଶାଇ ସେବନ କଲେ ନିୟନ୍ତ୍ରଣ ହୋଇଥାଏ ଓଜନ
  • ||
  • ଆକର୍ଷଣୀୟ ଚାକିରୀ: ବିସ୍କୁଟ୍ ଚାଖିବାକୁ ମିଳିବ ୪୦ ଲକ୍ଷ ଟଙ୍କା ଦରମା
  • ||
  • ଭକ୍ତଙ୍କ ପାଇଁ ଖୁସି ଖବର, ପୁରୀ ଶ୍ରୀମନ୍ଦିରରେ ମିଳିବ ମହାପ୍ରସାଦ ମିଳିବ
  • ||
  • ପୂଜା ପାଇଁ କଟକ ସହରରେ ମୁତୟନ ହେବେ ୩୦ପ୍ଲାଟୁନ ପୋଲିସ ଫୋର୍ସ
  • ||
  • ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ
  • ||
  • ଅପରାହ୍ନ ୪ଟାରେ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବୋଧନ
  • ||
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||

କେନ୍ଦ୍ରୀୟ ବଜେଟରୁ ଓଡ଼ିଶାକୁ ମିଳିବ କେତେ – ଏବେ ଆରମ୍ଭ ହୋଇଛି ହିସାବ

2/02/2020 at 6:50 PM

ଭୁବନେଶ୍ୱର ୦୨।୦୨ –  ବଜେଟ  ଉପସ୍ଥାପନ  ପରେ  ଏବେ  ଆରମ୍ଭ  ହୋଇଛି  ହିସାବ ନିକାଶ ।  କେନ୍ଦ୍ରୀୟ ବଜେଟରୁ ଓଡିଶାକୁ ମିଳିବ କେତେ ଅନୁଦାନ ରାଜ୍ୟକୁ ଲାଭ ମିଳିବ ନା ନାହିଁ ସେନେଇ ଆକଳନ ଆରମ୍ଭ ହୋଇଛି । କେନ୍ଦ୍ରୀୟ ବଜେଟରୁ ଓଡିଶାକୁ ସେତେଟା  ଆର୍ଥିକ ଲାଭ ମିଳିବ ନାହିଁ ବୋଲି ବିଜେଡି ଆଜି ହିସାବ ଦେଖାଇଛି । ସେପଟେ କଂଗ୍ରସ ବି ସମାନ ଆକଳନ କରି ବିଜେପିକୁ ଘେରିଛି । ବିରୋଧୀଙ୍କ  ଜବାବରେ  ବିଜେପି  କହିଛି ବଜେଟ ଐତିହାସିକ ।  ଏଥିରୁ ରାଜ୍ୟ  ସରକାର ଫାଇଦା ନେବା ଦରକାର । ସରକାର କେନ୍ଦ୍ରୀୟ ଯୋଜନାରୁ ଫାଇଦାରୁ ନେଉ ନାହାନ୍ତି ଏମିତି କହିବା ସମିଚିନ ନୁହେଁ ।

କେନ୍ଦ୍ରୀୟ ବଜେଟରୁ ରାଜ୍ୟକୁ ମିଳିବ କେତେ । ରାଜ୍ୟର ଆର୍ଥିକ ଅନୁଦାନ ବଢିବ ନା କମିବ । ଓଡିଶାକୁ ମିଳିବ କେତେ ଫାଇଦା । ବଜେଟ ଉପସ୍ଥାପନ ପରେ ଏହାକୁ ନେଇ ଆରମ୍ଭ ହୋଇଛି ରାଜନୈତିକ ହିସାବ ନିକାଶ । ବଜେଟରୁ ମୋଟାମୋଟି ଭାବେ ଓଡିଶାକୁ କିଛି ଅଧିକ ଫାଇଦା ମିଳିବାର ନାହିଁ ବୋଲି ହିସାବ କରିଛି ବିଜେଡି ।  ପର୍ଯ୍ୟଟନ କ୍ଷେତ୍ରରେ ଓଡିଶାକୁ ଆଶଜନକ ଭାବେ କିଛି ମିଳିନାହିଁ । ଆଇକନିକ ସ୍ପଷ୍ଟରେ ଓଡିଶାର ଏୈତିହ୍ୟକୁ ସ୍ଥାନ ମିଳିନି । ଜନଜାତିମାନଙ୍କ ପାଇଁ ଓଡିଶାରେ ଜାତୀୟ ସଂଗ୍ରହଣାଳୟ ଖୋଲିବାକୁ ଦାବି ଥିଲେ ବି କେନ୍ଦ୍ର ସରକାର ତାହା ଓଡିଶାରେ ଖୋଲି ନାହାନ୍ତି । ମନରେଗାରେ ପୂର୍ବାପେକ୍ଷା ଓଡିଶା ୧୦ ହଜାର କୋଟି କମ ପାଇବ । ସେହିପରି ପାନୀୟ ଜଳ ଯୋଗାଣ କ୍ଷେତ୍ରରେ ମଧ୍ୟ ବ୍ୟୟ ବରାଦରୁ କିଛି ଅଧିକ ମିଳିବାର ନାହିଁ ବୋଲି ବିଜେଡି ଯୁକ୍ତି ବାଢିଛି । ଜାମ୍ମୁ କାଶ୍ମୀର କେନ୍ଦ୍ର ଶାସିତ ଅଞ୍ଚଳ ହେବା ପରେ ରାଜ୍ୟଗୁଡିକୁ ମିଳୁଥିବା ଅନୁଦାନରୁ ଏକ ପ୍ରତିଶତ କେନ୍ଦ୍ର ସରକାର କାଟିଛନ୍ତି । ଫଳରେ ଓଡିଶା କେନ୍ଦ୍ରୀୟ ଅନୁଦାନ ବାବଦକୁ ଆର୍ଥିକ ବୋଝ ସହିବ ବୋଲି ଯୁକ୍ତି ବାଢିଛି ବିଜେଡି। ସେପଟେ କଂଗ୍ରେସ ମଧ୍ୟ ସମାନ ହିସାବ ଦେଖାଇ କହିଛି କେନ୍ଦ୍ରୀୟ ବଜେଟରୁ ଓଡିଶା ଳାଭ ବାନ ହେବ ନାହିଁ ।

ବିଜେପି ଯୁକ୍ତି ବଜେଟ ଐତିହାସିକ । ଏଥିରୁ ଓଡିଶା ପରି ରାଜ୍ୟ ଅଧିକ ଲାଭ ପାଇବେ । ସରକାର କେନ୍ଦ୍ରୀୟ ଯୋଜନାର ସୁଫଳ ନେଇ ପାରୁ ନାହାନ୍ତି । ନିଜ ଅପରାଗତାକୁ ଢାଙ୍କିବାକୁ ଏମିତି ହିସାବ ଦର୍ଶାଉଛନ୍ତି ବୋଲି ବିଜେପି ପାଲଟା ପ୍ରଶ୍ନ ଉଠାଇଛି ।

ବଜେଟରେ ଲାଭ କ୍ଷତିର ହିସାବ ଚାଲିଛି । ହେଲେ ସେପଟେ ଅର୍ଥ କମିଶନଙ୍କ ସୁପାରିଶ ଅନୁସାରେ ୨୦୨୦ – ୨୧ ଆର୍ଥିକ ବର୍ଷରେ ଓଡିଶାକୁ ୪.୬୨ ପ୍ରତିଶତ ପୂର୍ବାପେକ୍ଷା କମ ଅନୁଦାନ ମିଳିବ । ଏସବୁ ଆର୍ଥିକ ଚିନ୍ତା ରାଜ୍ୟ ଉପରେ ଆର୍ଥିକ ଚାପ ବଢାଇବ ।

   Related Posts