Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ ଖସୁନି କରୋନା ଗ୍ରାଫ୍, ଆଉ ୬ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ସରିଲା ହାସ୍ୟ ଅଭିନେତା ପ୍ରଜ୍ଞାଙ୍କ ନିର୍ବନ୍ଧ, ସୋସିଆଲ ମିଡିଆରେ ରିଙ୍ଗ୍ ସେରିମନି ଫଟୋ ଭାଇରାଲ
  • ||
  • ଗାଡି ପାର୍ଟସ ଦୋକାନରୁ ଲୁଟ୍, ବନ୍ଧୁକ ଦେଖାଇ ନେଇଗଲେ ଟଙ୍କା
  • ||
  • ଅଜଗରକୁ ଗିଳିଲା ଅହିରାଜ, ସାତକୋଶିଆରେ ବିରଳ ଘଟଣା !
  • ||
  • ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ, ୨ ଆରୋହୀ ମୃତ
  • ||
  • ଜାନୁଆରୀ ୨୦ରୁ ହଜିଯିବ ଶୀତ, ୨୩ରୁ ବର୍ଷା !
  • ||

ଏସିଆ ମହାଦେଶରେ ବୋମା ଖଣି ! ଭାରତ ପାଖରେ ୧୫୦, ଦୁଇ ପଡ଼ୋଶୀ ଚୀନ୍-ପାକିସ୍ତାନ ରଖିଛନ୍ତି ଆହୁରି ଅଧିକ ପରମାଣୁ ବୋମା

16/06/2020 at 1:59 PM

ନୂଆଦିଲ୍ଲୀ ୧୬।୦୬: ଭାରତ ପାଖରେ ୧୫୦ଟି ପରମାଣୁ ବୋମା ରହିଛି । କିନ୍ତୁ ଚୀନ୍‌ ଓ ପାକିସ୍ତାନ ତା’ ଠାରୁ ଅଧିକ ପରମାଣୁ ବୋମା ରଖିଛନ୍ତି । ଚୀନ୍‌ ନିକଟରେ ୩୨୦ଟି ପରମାଣୁ ବୋମା ଥିଲାବେଳେ ପାକିସ୍ତାନ ନିକଟରେ ୧୬୦ଟି ପରମାଣୁ ବୋମା ରହିଛି । ୨୦୨୦ ମସିହା ପାଇଁ ଷ୍ଟକହୋମ ଇଣ୍ଟରନ୍ୟାସନାଲ ପିସ୍‌ ରିସର୍ଚ୍ଚ ଇନଷ୍ଟିଚ୍ୟୁଟ୍‌( ସିପ୍ରି) ଦ୍ୱାରା ଜାରି ଏକ ରିପୋର୍ଟରେ ଏହା କୁହାଯାଇଛି ।

ଉକ୍ତ ସଂସ୍ଥା ଦ୍ୱାରା ୨୦୧୯ରେ ଜାରି କରାଯାଇଥିବା ରିପୋର୍ଟରେ ବି ଚୀନ୍‌,ପାକିସ୍ତାନ ଓ ଭାରତ ପରମାଣୁ ବୋମା ସଂଖ୍ୟାରେ ଯଥାକ୍ରମେ ପ୍ରଥମ, ଦ୍ୱିତୀୟ ଏବଂ ତୃତୀୟ ସ୍ଥାନରେ ଥିବାର ଦର୍ଶାଯାଇଥିଲା । ଗତ ବର୍ଷର ରିପୋର୍ଟରେ ଚୀନ୍‌ ନିକଟରେ ୨୯୦ଟି, ପାକିସ୍ତାନ ପାଖରେ ୧୫୦ରୁ ୧୬୦ଟି ଏବଂ ଭାରତ ପାଖରେ ୧୩୦ରୁ ୧୪୦ଟି ପରମାଣୁ ବୋମା ଥିବାର ଉଲ୍ଲେଖ କରାଯାଇଥିଲା ।

ଏବର୍ଷର ସିପ୍ରି ରିପୋର୍ଟରେ କୁହାଯାଇଛି କି ଚୀନ୍‌ ଲଗାତର ନିଜର ପରମାଣୁ ଅସ୍ତ୍ର ସଂଖ୍ୟା ବୃଦ୍ଧି କରିବା ସହିତ ତା’ର ପ୍ରୟୋଗ ପାଇଁ ବିଭିନ୍ନ ପ୍ରକାର କ୍ଷମତା ବିକଶିତ କରୁଛି । ଚୀନ୍‌ ପାଖରେ ସ୍ଥଳ, ଜଳ ଓ ଆକାଶମାର୍ଗରୁ ପରମାଣୁ ବୋମା ପ୍ରୟୋଗ କରିବାର କ୍ଷମତା ରହିଛି । ଚୀନ୍‌ ମଧ୍ୟ ସ୍ଥଳଭାଗ ଏବଂ ବୁଡ଼ାଜାହାଜରୁ ମାଡ଼ କରିବାରେ ସକ୍ଷମ ବାଲିଷ୍ଟିକ୍‌ ମିସାଇଲର ଜୋରଦାର ବିକାଶ କରୁଛି । ଚୀନ୍‌ ଏବେ ଆଗ ଅପେକ୍ଷା ବହୁବାର ପରମାଣୁ ଅସ୍ତ୍ର ପରିବହନ କରିବାରେ ସକ୍ଷମ ମିସାଇଲ ଓ ଯୁଦ୍ଧବିମାନ ଆଦିର ପ୍ରଦର୍ଶନ କରୁଛି । କିନ୍ତୁ ତା’ ପାଖରେ କେତେ ପରମାଣୁ ଅସ୍ତ୍ର ରହିଛି କିମ୍ବା ପରମାଣୁ ବୋମା ମାଡ଼ କରିବା ପାଇଁ କେତେ ମିସାଇଲ ଓ ଯୁଦ୍ଧବିମାନ ରହିଛି ସେସମ୍ପର୍କିତ ତଥ୍ୟ ପ୍ରଦାନ କରୁନାହିଁ । ଭାରତ ଓ ପାକିସ୍ତାନ ମଧ୍ୟ ନିଜର ପରମାଣୁ ଅସ୍ତ୍ର ସଂଖ୍ୟା ଏବଂ ଏହାକୁ ପ୍ରୟୋଗ କରିବାର କ୍ଷମତା ବୃଦ୍ଧି କରୁଛନ୍ତି । ଭାରତ ସରକାର ଯଦିଓ ମିସାଇଲ ପରୀକ୍ଷଣ ବାବଦରେ ସୂଚନା ଦେଉଛନ୍ତି କିନ୍ତୁ ପରମାଣୁ ଅସ୍ତ୍ର ସଂଖ୍ୟା ସମ୍ପର୍କିତ ସୂଚନା ଦେଉନାହାନ୍ତି ।

ଉକ୍ତ ରିପୋର୍ଟରେ ଦ୍ୱାରା ଦିଆଯାଇଥିବା ତଥ୍ୟ ଅନୁଯାୟୀ, ବିଶ୍ୱର ୯ଟି ଆଣବିକ ଶକ୍ତିସମ୍ପନ୍ନ ରାଷ୍ଟ୍ର ଆମେରିକା, ଚୀନ୍‌, ବ୍ରିଟେନ, ରୁଷ, ଫ୍ରାନ୍ସ, ଭାରତ, ଇସ୍ରାଏଲ, ପାକିସ୍ତାନ ଓ ଉତ୍ତର କୋରିଆ ନିକଟରେ ୨୦୨୦ ଜାନୁଆରୀ ସୁଦ୍ଧା ସମୁଦାୟ ୧୩,୪୦୦ ପରମାଣୁ ବୋମା ରହିଛି । ଗତ ବର୍ଷ ଏହି ସଂଖ୍ୟା ୧୩,୮୬୫ ଥିଲା । ରୁଷ ନିକଟରେ ସର୍ବାଧିକ ୬୩୭୫ଟି ଏବଂ ଆମେରିକା ନିକଟରେ ୫୮୦୦ଟି ୱାରହେଡ୍‌ ରହିଛି ।

   Related Posts