Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ରାଜ୍ୟରେ ସୁସ୍ଥ ହେଲେ ଆଉ ୧୭୪୦ ଆକ୍ରାନ୍ତ
  • ||
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||

ଜାଣନ୍ତୁ କିପରି କରୋନା ଭାଇରସକୁ ନେଇ ମିଛ କହିଥିଲା ଚୀନ, ବିଶ୍ୱକୁ ଦେଇଥିଲା ଭ୍ରମାତ୍ମକ ତଥ୍ୟ

27/03/2020 at 7:06 PM

ବେଜିଂ, ୨୭|୦୩:   କରୋନା ଭାଇରସ ସାରା ବିଶ୍ୱରେ ଆତଙ୍କ ସୃଷ୍ଟି କରିଛି । ଚୀନରୁ ଅନ୍ୟ ଦେଶକୁ ବ୍ୟାପିଥିବା ଏହି ଭାଇରସ ଏବେ ସୁଦ୍ଧା ୨୧ ହଜାରରୁ ଅଧିକ ଜୀବନ ନେଲାଣି । ୫ ଲକ୍ଷରୁ ଅଧିକ ଲୋକ ଏହି ଭାଇରସରେ ସଂକ୍ରମିତ ହୋଇ ମୃତ୍ୟୁ ସହ ଲଢେଇ କରୁଛନ୍ତି । ବିଶ୍ୱର ୧୫୦ରୁ ଅଧିକ ଦେଶରେ ଏହି ଭାଇରସ କାୟା ବିସ୍ତାର କରିଛି । ତେବେ ଚୀନରୁ ଅଧିକ ସ୍ପେନ ଓ ଇଟାଲୀରେ ଏହି ଭାଇରସ ଜୀବନ ନେଇଛି । ଯାହାକୁ ଆମେରିକା, ବ୍ରିଟେନ ଭଳି ଦେଶ ଗ୍ରହଣ କରିପାରୁ ନାହାଁନ୍ତି । କେବଳ ୟୁରୋପରେ ୧୦ ହଜାରରୁ ଅଧିକ ଲୋକ ପ୍ରାଣ ହରାଇଛନ୍ତି ।

ଆମେରିକାର ଏକ ମାଗାଜିନ ‘ନ୍ୟାଶନାଲ ରିଭ୍ୟୁ’ରେ କିପରି ଏହି ଭାଇରସ ଚୀନରେ ପଶୁପକ୍ଷୀଙ୍କ ଠାରୁ ମଣିଷକୁ ବ୍ୟାପିଲା ତାହା ପ୍ରକାଶ ପାଇଛି । ଡିସେମ୍ବର ୧ର ଚାଇନାରେ ପ୍ରଥମ କରୋନା ସଂକ୍ରମିତ ଚିହ୍ନଟ ହୋଇଥିଲେ । ତାଙ୍କୁ ଆଇସୋଲେସନରେ ରଖାଯାଇଥିଲା । ଡିସେମ୍ବର ୨୫ ତାରିଖକୁ ଚୀନ ବୁହାନ ସହରରେ ଥିବା ୨ଟି ମେଡିକାଲର କର୍ମଚାରୀ କରୋନା ସଂକ୍ରମିତଙ୍କ ସଂସ୍ପର୍ଶରେ ଆସିଯାଇଥିଲେ । ପ୍ରଥମେ ସେଠାକାର କିଛି ଡାକ୍ତର ଏହାକୁ ସାର୍ସ୍ ଭୂତାଣୁ ବୋଲି କହିଥିଲେ । ଡିସେମ୍ବର ୩୧ରେ ବୁହାନର ବିଶେଷଜ୍ଞ ଦଳ ଏହି ଭାଇରସ ମଣିଷରୁ ମଣିଷକୁ ବ୍ୟାପିନଥାଏ ବୋଲି କହିଥିଲେ । ଚୀନ ଏହାକୁ ନଜରରେ ରଖି ବିଶ୍ୱ ସ୍ୱାସ୍ଥ୍ୟ ସଂଗଠନର ସାହାଯ୍ୟ ନେଇଥିଲା । ସେତେବେଳକୁ ବୁହାନରେ ୫୯ରୁ ଅଧିକ ଲୋକ ଏହି ଭାଇରସରେ ସଂକ୍ରମିତ ହୋଇ ସାରିଥିଲେ । ଜାନୁଆରୀ ୮ରେ ମଧ୍ୟ ଚୀନ ମେଡିକାଲ ଅଧିକାରୀ ଏହି ଭାଇରସ ମଣିଷରୁ ମଣିଷକୁ ବ୍ୟାପିନଥାଏ ବୋଲି କହିଥିଲେ ।

ଜାନୁଆରୀ ୧୩ ତାରିଖରେ ଚୀନ ବାହାରେ ଏହି ଭାଇରସ ଠାବ ହୋଇଥିଲା । ଥାଇଲାଣ୍ଡର ଜଣେ ୬୧ ବର୍ଷୀୟ ମହିଳା ଉହାନରୁ ଫେରିବା ପରେ କରୋନାରେ ସଂକ୍ରମିତ ହୋଇଥିଲେ । ଥାଇଲାଣ୍ଡ ଜନସ୍ୱାସ୍ଥ୍ୟ ବିଭାଗ ମହିଳା ଜଣଙ୍କ ବୁହାନର ମାଂସ ବଜାରକୁ ଯାଇନଥିବା କହିଥିଲା । ସେହିପରି ଜାପାନର ଜଣେ ନାଗରିକ ମଧ୍ୟ କରୋନାରେ ସଂକ୍ରମିତ ହୋଇଥିଲେ । ସେ ମଧ୍ୟ କେବେ ବୁହାନ ମାଂସ ବଜାର ଯାଇନଥିଲେ ।  ଏହାପୂର୍ବରୁ ୧୩ ତାରିଖରେ ଚୀନ ବିଶ୍ୱବ୍ୟାଙ୍କକୁ ଦେଇଥିବା ରିପୋର୍ଟରେ ଏହି ଭାଇରସ ମଣିଷରୁ ମଣିଷକୁ ବ୍ୟାପିନଥାଏ ବୋଲି ପୁଣି କହିଥିଲା । ଫଳରେ ବୁହାନରେ ୪୦ ହଜାର ଏକାଠି ହୋଇ ଏକ ଉତ୍ସବ ପାଳନ କରିବାକୁ ଅନୁମତି ପାଇଥିଲେ ।

ଏହାର ଗୋଟିଏ ଦିନ ପରେ ଚୀନରେ ୨ ଜଣ ବ୍ୟକ୍ତି ମଣିଷରୁ ମଣିଷ ସଂକ୍ରମଣରେ ସଂକ୍ରମିତ ହୋଇଥିବା ସୂଚନା ଦିଆଯାଇଥିଲା । ଜାନୁଆରୀ ୧୯ରେ ଚୀନର ନ୍ୟାଶନାଲ ହେଲଥ୍ କମିନ ଏହି ଭାଇରସକୁ ମୁକାବିଲା କରିବା ସମ୍ଭବ ଓ ନିୟନ୍ତ୍ରଣ କରିହେବ ବୋଲି ରିପୋର୍ଟ ଦେଇଥିଲା । ଜାନୁଆରୀ ୨୧ରେ ଆମେରିକାରେ ପ୍ରଥମ କରୋନା ମାମାଲା ସାମ୍ନାକୁ ଆସିଥିଲା । ସଂକ୍ରମିତଜଣଙ୍କ ଚୀନରୁ ୬ ଦିନ ପୂର୍ବରୁ ଫେରିଥିଲେ । ଜାନୁଆରୀ ୨୨ର ବିଶ୍ୱ  ସ୍ୱାସ୍ଥ୍ୟ ସଂଗଠନର ଏକ ଟିମ୍ ଉହାନ ଗସ୍ତ କରିଥିଲେ। ସେତେବେଳକୁ କରୋନା ଭୟାବହ ରୂପ ନେଇସାରିଥିଲା । ଚୀନରେ ପ୍ରଥମ ମାମଲା ଆସିବାର ୨ ମାସ ପରେ ବୁହାନକୁ ଲକଡାଉନ କରାଯାଇଥିଲା । ସେତେବେଳକୁ ଅନେକ ଚୀନ ନାଗରିକ ବିଶ୍ୱର ଅନ୍ୟ ଦେଶକୁ ଗସ୍ତ କରିସାରିଥିଲେ ।

   Related Posts