Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରଲୋକରେ ରାଜ୍ୟସଭା ସାଂସଦ ରଘୁନାଥ ମହାପାତ୍ର
  • ||
  • ଦୁର୍ଘଟଣାରେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ଆହାତ, ମନ୍ତ୍ରୀଙ୍କ କାର୍‌କୁ ପିଟିଲା ଟ୍ରାକ୍ଟର
  • ||
  • କମୁନି ସଂକ୍ରମଣ : ଆଜି ବି ଦେଶରେ ୪ ଲକ୍ଷରୁ ଅଧିକ ପଜିଟିଭ୍ ଚିହ୍ନଟ, ୪୦୯୨ ମୃତ
  • ||
  • ଦନ୍ତାକୁ ଧକ୍କା ଦେଲା ମାଲବାହୀ ଟ୍ରେନ୍, ଗୋଡରେ ଲାଗିଛି ଶକ୍ତ ଆଘାତ
  • ||
  • ରାଜ୍ୟରେ କରୋନା ନେଲା ଆଉ ୧୯ଜଣଙ୍କ ଜୀବନ, ୨୧୮୦ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦,୬୩୫ ପଜିଟିଭ୍
  • ||
  • କମିଛି ତାତି, ୨ ଦିନ ପରେ ପୁଣି ବଢିବ ସୂର୍ଯ୍ୟଙ୍କ ପ୍ରକୋପ
  • ||

ଜୀବନକୁ ବାଜି ଲଗାଇ ଭୂମିକାଙ୍କୁ ଉଦ୍ଧାର କରିଥିଲେ ପୋଲିସ ଏଏସଆଇ ଓ ୨ ଡ୍ରାଇଭର, କେମିତି ଥିଲା ପୁରା ଘଟଣା…

16/11/2020 at 10:20 AM

କଟକ,୧୬/୧୧: ଅଭିନେତା ଅମ୍ଲାନଙ୍କ ପତ୍ନୀ ଭୂମିକା ଅସାବଧାନତା ପାଇଁ ନଦୀରେ ପଡିଯାଆନ୍ତୁ ବା ପାଣିକୁ ଡେଇଁଥାନ୍ତୁ ସେ କିନ୍ତୁ ମହାନଦୀର ମହାସ୍ରୋତରୁ ଉଦ୍ଧାର ପାଇଛନ୍ତି । ଭୂମିକାଙ୍କୁ ଉଦ୍ଧାର କରିବା ପାଇଁ ନିଜ ଜୀବନକୁ ବାଜି ଲଗାଇଥିଲେ ଜଣେ ପୋଲିସ ଏଏସଆଉ ଓ ୨ ଟ୍ରକ୍ ଡ୍ରାଇଭର । ଏହି ଉଦ୍ଧାରରେ ସେମାନେ ଦେବଦୂତ ସାଜିଥିଲେ । ନିଜ ଜୀବନକୁ ଖାତିର ନକରି ମହାନଦୀକୁ ଏହି ତିନି ଜଣ ଡେଇଁ ଭୂମିକାଙ୍କୁ ଉଦ୍ଧାର କରି ନୂଆ ଜୀବନ ଦେଇଥିଲେ  । ଏଭଳି ଅଦମ୍ୟ ସାହସିକତା ପାଇଁ ଏହି ତିନି ଜଣଙ୍କୁ ସାବାସୀ ଦିଆଯାଉଛି ।

ସୂଚନାନୁସାରେ, ରବିବାର ଦିନ ପ୍ରାୟ ସାଢ଼େ ଗୋଟାଏ ବେଳେ ସିଡିଏ ଫେଜ୍‌-୨ ପିସିଆର୍‌ରେ କାମ କରୁଥିବା ଏଏସ୍‌ଆଇ ତ୍ରୈଲୋକ୍ୟ ପରିଡ଼ାଙ୍କୁ ମହାନଦୀରେ ଜଣେ ମହିଳା ପଡ଼ିଯାଇଥିବା ଖବର ମିଳିଥିଲା  । ସେ ତୁରନ୍ତ ଯାଇ ଘଟଣା ସ୍ଥଳରେ ପହଁଚିଲେ । ଠିକ୍‌ ଏହି ସମୟରେ ଧବଳେଶ୍ୱର ମନ୍ଦିର ଅଞ୍ଚଳର ଦୁଇ ଟ୍ରକ୍‌ ଡ୍ରାଇଭର ହାଡ଼ିବନ୍ଧୁ ଦଳେଇ ଓ ସୁନିଲ କୁମାର ରାଉତ କଟକରୁ କାମ ସାରି ଘରକୁ ଫେରୁଥିଲେ ।  ସେମାନେ ମଧୁସୂଦନ ବ୍ରିଜ୍‌ ଉପରେ ବହୁ ଲୋକ ରୁଣ୍ଡ ହୋଇଥିବା ଦେଖିବାକୁ ପାଇଥିଲେ । ଜଣେ ମହିଳା ପାଣିରେ ପଡ଼ିଯାଇଥିବା ସେମାନେ ଶୁଣିଥିଲେ । ତେଣୁ ସେମାନେ ନଦୀକୂଳିଆ ପିଲା ହୋଇଥିବାରୁ ନଦୀକୁ ଡେଇଁ ମହିଳାଙ୍କୁ ବଞ୍ଚାଇବା ପାଇଁ ଉଦ୍ୟମ କରିଥିଲେ।

ଏଭଳି ସ୍ଥିତିରେ ଏଏସ୍‌ଆଇ ପରିଡ଼ା ମଧ୍ୟ ପାଣିରେ ଡେଇଁବା ପାଇଁ ପ୍ରସ୍ତୁତ ହେଲେ । ଏହା ପରେ ତିନି ଜଣ ଏକ ସଙ୍ଗେ ପାଣିକୁ ଡିଆଁ ମାରି ଭୂମିକାଙ୍କ ପାଖରେ ପହଁଚିଥିଲେ । ତିନି ଜଣ ଭୂମିକାଙ୍କୁ ଉଦ୍ଧାର କରିଥିଲେ । ବ୍ରିଜ୍‌ ଉପରୁ ଅନ୍ୟ ପୁଲିସ କର୍ମଚାରୀ ଦଉଡ଼ି ପକାଇବା ପରେ ପ୍ରଥମେ ଭୂମିକାଙ୍କୁ ଉପରକୁ ପଠାଗଲା । ପରେ ଏଏସ୍‌ଆଇ ପରିଡ଼ା ଏବଂ ହାଡ଼ିବନ୍ଧୁ ଓ ସୁନିଲ ଜଣଙ୍କ ପରେ ଜଣେ ଉପରକୁ ଆସିଲେ । ଏହି ଉଦ୍ଧାର କରିବା ବିଷୟ ସ୍ଥାନୀୟ ଅଞ୍ଚଳରେ ପ୍ରଚାର ହେବା ପରେ ଚାରିଆଡ଼ୁ ପ୍ରଶଂସାର ସୂଅ ଛୁଟିଛି । ଜୀବନକୁ ବାଜି ଲଗାଇ ଜଣେ ମହିଳାଙ୍କୁ ବଞ୍ଚାଇବା ସାହସିକତା ଓ ମହାନତାର କାମ ବୋଲି ପ୍ରଶଂସା କରାଯାଉଛି ।

   Related Posts