Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||
  • ବ୍ରିସବେନ୍ ଟେଷ୍ଟ୍ : ପ୍ରଥମ ଦିନରେ ଲାବୁସେନଙ୍କ ଶତକ, କଙ୍ଗାରୁ ଟିମ୍ ୨୭୪/୫
  • ||
  • ଭୁବନେଶ୍ବର: ଗୁରୁତର-ଗର୍ଭବତୀ-ହସ୍ପିଟାଲରେ ଆଡମିଟ୍‌ ବ୍ୟକ୍ତିଙ୍କୁ ଦିଆଯିବ ନାହିଁ ଟିକା, ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ
  • ||
  • ଶ୍ରମିକମାନଙ୍କ ସହ ମିଶି ମାଟି ଖୋଳିଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ ଆଉ ଦୁଇ ଜଣ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୮ ଛୁଇଁଲା ମୃତକଙ୍କ ସଂଖ୍ୟା
  • ||
  • ଚିଲିକାରେ ଆରମ୍ଭ ହୋଇଛି ଫ୍ଲୋରା ଫୋନା ସର୍ଭେ
  • ||
  • ଯାଜପୁର ଶିଶୁ ନିଖୋଜ ଘଟଣା: ନିଖୋଜ ପିହୁ ପରିବାରକୁ ଭେଟିଲେ ଏସ୍‌ପି ରାହୁଲ ପି.ଆର
  • ||
  • ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ, ପୁଣି ଅପମିଶ୍ରିତ ଗୁଣ୍ଡି ଜବତ
  • ||
  • ଗଞ୍ଜାମ: ଅଜଣା ଜନ୍ତୁ ଆତଙ୍କ, ଭୟଭୀତ ଅବସ୍ଥାରେ ସ୍ଥାନୀୟ ଲୋକେ
  • ||

ଘର ଭଡା ନଦେବାରୁ ଘର ମାଲିକ ମହିଳାଙ୍କୁ କରୁଥିଲେ ଦୁଷ୍କର୍ମ ; ନିୟୋଜିତ କରିଥିଲେ ଦେହ ବ୍ୟବସାୟରେ

23/12/2018 at 11:49 AM

ନାଗପୁର ୨୩|୧୨: ଘରଭଡା ଦେବାକୁ ଅସମର୍ଥ ଥିବା ମହିଳାଙ୍କ ଦ୍ବାରା ବାରମ୍ବାର ଦୁଷ୍କର୍ମ କରିବା ଘଟଣା ନଜରକୁ ଆସିଛି । କେବଳ ଏତିକି ନୁହେଁ ଘର ମାଲିକ ଅନ୍ୟ ଜଣେ ମହିଳାଙ୍କ ସହଯୋଗରେ ପୀଡିତାଙ୍କୁ ଦେହ ବ୍ୟବସାୟ ଧନ୍ଦାରେ ମଧ୍ୟ ଭର୍ତ୍ତି କରିଥିଲା । ନାଗପୁର ଜରିପଟକା ଥାନା ଏନେଇ ମାମଲା ଦାୟର କରାଯାଇଛି । ଏହି ଘଟଣାରେ ପୋଲିସ ୫୩ବର୍ଷୀୟ ଅଭିଯୁକ୍ତ ମାଣିକ ଶେବାରେଙ୍କୁ ଗିରଫ କରିଛି । ୫୦ବର୍ଷୀୟ ଅଭିଯୁକ୍ତ ମହିଳା ଆଶା ଶର୍ମା ଫେରାର ହୋଇଯାଇଛନ୍ତି ।

ସୂଚନା ଅନୁସାରେ ପୀଡିତ ମହିଳା ଅଭିଯୁକ୍ତ ମାଣିକ ଶେବାରେଙ୍କ ଘରେ ତାଙ୍କ ସ୍ବାମୀ ଏବଂ ଦୁଇଜଣ ଛୁଆଙ୍କ ସହ ଭଡାରେ ରହୁଥିଲେ । ପୀଡିତାଙ୍କ ସ୍ବାମୀ ଦିନମଜୁରିଆ ଭାବେ କାମ କରୁଥିଲେ । ସୁବିଧା ନହେବାରୁ ଘରର ପରିସ୍ଥିତ ଠିକ୍ ନଥିବାରୁ ମହିଳାଙ୍କୁ ଘର ଭଡା ଦେବାରେ ବହୁତ ଅସୁବିଧା ହେଉଥିଲା । ଫଳରେ ମେ ୨୦୧୮ରେ ଘର ମାଲିକ ମାଣିକ ଶେବାର ପୀଡିତାଙ୍କ ଘରେ ପହଞ୍ଚିଥିଲେ ଏବଂ ଘର ଭଡା ମାଗିଥିଲେ । ସେହି ସମୟରେ ମହିଳାଙ୍କ ସ୍ବାମୀ କାମରେ ବାହାରକୁ ଯାଇଥିଲେ । ଛୁଆ ମଧ୍ୟ ବାହାରକୁ ଖେଳିବାକୁ ଯାଇଥିଲେ । ପୀଡିତା ମହିଳା ଘର ମାଲିକଙ୍କୁ କହିଥିଲେ ଯେ ତାଙ୍କ ପାଖରେ ଏବେ ପଇସା ନାହିଁ । ତେଣୁ ମହିଳା ଜଣଙ୍କ ତାଙ୍କୁ ଅନୁରୋଧ କରିଥିଲେ ଯେ ସେ ତାକୁ କିଛି ଦିନ ସମୟ ଦିଅନ୍ତୁ । ପୀଡ଼ିତାଙ୍କ ବାରମ୍ବାର ଅନୁରୋଧ ପରେ ମଧ୍ୟ ଘର ମାଲିକ ତାଙ୍କର କିଛି କଥା ଶୁଣିନଥିଲେ । ତାଙ୍କ ଘରେ ହିଁ ତାଙ୍କ ସହ ଜବରଦସ୍ତ ଦୁଷ୍କର୍ମ କରିଥିଲେ ।

ଏହାପରେ ଅଭିଯୁକ୍ତ ଜଣଙ୍କ ମହିଳାଙ୍କୁ ଧମକାଇଥିଲେ ଯଦି ସେ ଏକଥା କାହାରିକୁ କହିବେ ତେବେ ତାଙ୍କୁ ଘରୁ ବାହାରକରିଦେବେ । ଏହା ଫଳରେ ପୀଡିତା ଏ ସଂପର୍କରେ କାହାରିକୁ କିଛି କହନଥିଲେ । କିଛି ଦିନ ପରେ ଯେତେବେଳେ ମହିଳା ଜଣଙ୍କ ଘରର ଭଡା ଦେଇଦେବା ପରେ ମଧ୍ୟ ଘର ମାଲିକ ତାଙ୍କ ସହ ବାରମ୍ବାର ଦୁଷ୍କର୍ମ କରୁଥିଲେ ।

ଗୋଟିଏ ଦିନ ପୀଡିତା ମହିଳାଙ୍କ ସ୍ବାମୀ ଅସୁସ୍ଥ ହୋଇଗଲେ । ଫଳରେ ତାଙ୍କୁ ପଇସାର ଦରକାର ପଡିଲା । ସେହି ସମୟରେ ଘର ମାଲିକ ପୀଡିତାଙ୍କ ମହିଳାଙ୍କ ସହ ଆଶା ନାମକ ଅନ୍ୟ ଜଣେ ମହିଳାଙ୍କର ପରିଚୟ କରାଇଥିଲେ । ଆଶା ପୀଡିତାଙ୍କ ୨୫ହଜାର ଟଙ୍କା କରଜ ଦେଇଥିଲେ । ଏହାର କିଛି ଦିନ ପରେ ହିଁ ସେ କରଜ ଟଙ୍କା ମାଗିବାକୁ ଲାଗିଥିଲେ । ଯେତେବେଳେ ପୀଡିତା ମହିଳା କରଜ ଟଙ୍କା ଫେରସ୍ତ କରିବାକୁ ଅସମର୍ଥ ବୋଲି କହିଥିଲେ ସେତେବେଳେ ଆଶା ତାଙ୍କୁ ଜବରଦସ୍ତି ଦେହ ବ୍ୟବସାୟ କାମରେ ନିୟୋଜିତ କରିଥିଲେ । ଆଶା ଗ୍ରାହକମାନଙ୍କୁ ଆଣି ପୀଡିତା ମହିଳାଙ୍କ ନିକଟକୁ ପଠାଉଦେଉଥିଲେ । କିଛି ଦିନ ପରେ ଯେତେବେଳେ ପୀଡିତା ଅସୁସ୍ଥ ହୋଇପଡିଲେ ସେତେବେଳେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଡାକ୍ତର ତାଙ୍କୁ କହିଥିଲେ ଯେ ସେ ଗର୍ଭବତୀ ଅଛନ୍ତି । ରିପୋର୍ଟ ଦେଖି ମହିଳାଙ୍କ ସ୍ବାମୀ ଆଶ୍ଚର୍ଯ୍ୟ ହୋଇଯାଇଥିଲେ । ସେତେବେଳେ ମହିଳା ଜଣଙ୍କ ସହ ହୋଇଥିବା ଘଟଣା ସଂପର୍କରେ କହିଥିଲେ । ଘଟଣା ପଦାକୁ ଆସିବା ପରେ ଘର ମାଲିକ ଏବଂ ଆଶାଙ୍କ ବିରୋଧରେ ପୋଲିସ ମାମଲା ରୁଜୁ କରିଥିଲା ।

   Related Posts