Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଧାରଣ ଜନତାଙ୍କ ପାଇଁ ବଢ଼ିଲା ଚିନ୍ତା : ପିଆଜ କିଲୋ ୧୦୦ ଟଙ୍କା !
  • ||
  • ରାସ୍ତା ଝାଡୁମାରି ପ୍ରଶଂସା ସାଉଁଟିଥିବା ଟ୍ରାଫିକ୍ କନେଷ୍ଟବଳ ଲଳିତ ମୋହନ ରାଉତ ସମ୍ମାନୀତ
  • ||
  • ଲେମ୍ବୁ ପାଣିରେ ସନ୍ଧବ ଲୁଣ ମିଶାଇ ସେବନ କଲେ ନିୟନ୍ତ୍ରଣ ହୋଇଥାଏ ଓଜନ
  • ||
  • ଆକର୍ଷଣୀୟ ଚାକିରୀ: ବିସ୍କୁଟ୍ ଚାଖିବାକୁ ମିଳିବ ୪୦ ଲକ୍ଷ ଟଙ୍କା ଦରମା
  • ||
  • ଭକ୍ତଙ୍କ ପାଇଁ ଖୁସି ଖବର, ପୁରୀ ଶ୍ରୀମନ୍ଦିରରେ ମିଳିବ ମହାପ୍ରସାଦ ମିଳିବ
  • ||
  • ପୂଜା ପାଇଁ କଟକ ସହରରେ ମୁତୟନ ହେବେ ୩୦ପ୍ଲାଟୁନ ପୋଲିସ ଫୋର୍ସ
  • ||
  • ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ
  • ||
  • ଅପରାହ୍ନ ୪ଟାରେ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବୋଧନ
  • ||
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||

ଧାନବିକ୍ରି ପାଇଁ ଟୋକନ ବ୍ୟବସ୍ଥା ରହିବ ନା ହଟିବ – ଏହାକୁ ନେଇ ବିଧାନସଭାରେ ସରକାରଙ୍କୁ ଘେରିଲେ ବିରୋଧୀ

22/11/2019 at 9:05 PM

ଭୁବନେଶ୍ୱର ୨୨।୧୧ – ଧାନବିକ୍ରି ପାଇଁ ଟୋକନ ବ୍ୟବସ୍ଥା ରହିବ ନା ହଟିବ ? ଏହାକୁ ନେଇ ଜାରି ରହିଛି ସସପେନ୍ସ । କାରଣ ଖୋଦ୍ ଖାଦ୍ୟଯୋଗାଣ ଓ ସମବାୟ ମନ୍ତ୍ରୀ ଜାଣି ନାହାଁନ୍ତି ଟୋକନ ପ୍ରତ୍ୟାହାର ହୋଇଛି କି ନାହିଁ । ମୋ ପାଖରେ ଏନେଇ ସବିଶେଷ ତଥ୍ୟ ନାହିଁ, ସୋମବାର ମନ୍ତବ୍ୟ ରଖିବି ବୋଲି ମନ୍ତ୍ରୀ ଗୃହରେ କହିବା ପରେ ପ୍ରସଙ୍ଗ ଅଧିକ ଗୋଳମାଳିଆ ହୋଇଛି । କାରଣ ବିଧାନସଭାରେ  ମନ୍ତ୍ରୀ ସ୍ପଷ୍ଟଭାବେ କହିଥିଲେ ଯେ ଟୋକନ ବ୍ୟବସ୍ଥା ଏକ ସ୍ବଛ ବ୍ୟବସ୍ଥା,  ଏହା ପ୍ରତ୍ୟାହାର ହେବନି । ହେଲେ ଚାଷୀ ଆନ୍ଦୋଳନ ପ୍ରତ୍ୟାହୃତ କରିବାକୁ ଗୁରୁବାର ମନ୍ତ୍ରୀ ସୁଶାନ୍ତ ସିଂ ଓ ସରକାରୀ ଉପମୁଖ୍ୟ ସଚେତକ ରୋହିତ ପୂଜାରୀ ବରଗଡ ଓ ସମ୍ବଲପୁର ଚାଷୀଙ୍କୁ ପ୍ରତିଶୃତି ଦେଇଥିଲେ ଯେ ମଣ୍ଡିରେ ଧାନ ବିକିବାକୁ ଟୋକନ ଜରୁରୀ ନୁହେଁ । ଯାହାକୁ ନେଇ ଆଜି ବିଧାନସଭାରେ ବିରୋଧୀ ଘେରିଥିଲେ ସରକାରଙ୍କୁ । ସଠିକ୍ ତଥ୍ୟ ଦେଇନପାରିବାରୁ ବିଭାଗୀୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁଙ୍କ ଇସ୍ତଫା ଦାବି କରିଥିଲେ ।

ଟୋକନ ବ୍ୟବସ୍ଥା ପ୍ରତ୍ୟାହାର ପ୍ରତିଶ୍ରୁତି ପରେ ବରଗଡ ଓ ସମ୍ବଲପୁରରେ ଧାନ ବିକ୍ରି ସ୍ବାଭାବିକ ହୋଇଛି । ତେବେ ପ୍ରଶ୍ନ ହେଉଛି ଟୋକନ ବ୍ୟବସ୍ଥା ଲାଗୁ ହେବନି ବୋଲି ସୁଶାନ୍ତ ସିଂ ଓ ରୋହିତ ପୂଜାରୀ ଚାଷୀଙ୍କୁ ଯେଉଁ ପ୍ରତିଶ୍ରୁତି ଦେଇଛନ୍ତି ତାହା କେବଳ ବରଗଡ ଓ ସମ୍ବଲପୁର ପାଇଁ ନା ସାରା ରାଜ୍ୟ ପାଇଁ ଲାଗୁ ହେବ ? ଏହି ଦୁଇ ନେତା ସରକାରଙ୍କ ପ୍ରତିନିଧି ଭାବେ ଚାଷୀଙ୍କ ସହ ଆଲୋଚନା କରିଥିଲେ ନା ବିଜେଡି ପ୍ରତିନିଧି ଭାବେ ?  ଶୂନ୍ୟକାଳରେ ଏଭଲି ପ୍ରଶ୍ନ ବାଣରେ ସରକାରଙ୍କୁ ଘାଇଲା କରିଥିଲେ ବିରୋଧୀ ।

ଟୋକନ ବିବାଦ ତୁଟି ନଥିବା ବେଳେ ଧାନର ମାନକୁ ନେଇ ଉଠିଲାଣି ପ୍ରଶ୍ନ । ଚାଷୀ ଅମଳ କରୁଥିବା କୌଣସି ବି ଧାନ ଏ-ଗ୍ରେଡ ନୁହେଁ କହି ସେଇ ରେଟ୍ ରେ ଚାଷୀଙ୍କଠୁ ଧାନ କିଣାଯାଉନଥିବା ନେଇ ଗୃହରେ ପ୍ରଶ୍ନ ଉଠାଇଛନ୍ତି ବିରୋଧିଦଳ ନେତା ।

   Related Posts