ବସନ୍ତରାୟ ୮/୨-ନିଜ ପରିବାରର ମାନସମ୍ମାନ ବଂଚାଇବାକୁ ଯାଇ ନିଜ ଝିଅକୁ ହତ୍ୟାକଲା ବାପା । ନଦୀପଠାରୁ ପୋଲିସ ଉଦ୍ଧାର କଲା ଶବ ।
ଏହିଭଳି ଘଟଣା ଘଟିଛି ଝାରଖଣ୍ଡର ବସନ୍ତରାୟ ଥାନା ଅଂଚଳରେ । ନୀଲୁ ନାମରେ ଜଣେ ଯୁବତୀ ସେହି ଗାଁର ସୁରଜ ନାମକ ଯୁବକଙ୍କୁ ଭଲ ପାଉଥିଲେ । କିନ୍ତୁ ପରିବାରଲୋକ ଏହି ବିବାହ ରେ ସମର୍ଥନ କରୁ ନଥିଲେ ।
ଘରେ ରାଜି ନଥିଲେ ବି ସୁରଜଙ୍କୁ ବିବାହ କରିଥିଲେ ନିଲୁ । ସେମାନେ ଘରଛାଡ଼ି ଚାଲିଯାଇଥିଲେ । ଘର ଛାଡ଼ି ଯିବାବେଳକୁ ନୀଲୁ ନାବାଳିକା ଥିବାରୁ ଏନେଇ ତାଙ୍କ ବାପା ସୁରଜଙ୍କ ନାଁରେ ଥାନାରେ ଅପହରଣ ମାମଲା ରୁଜୁ କରିଥିଲେ । ଏହି ଘଟଣାରେ ପୋଲିସ ସୁରଜ ଓ ନୀଲୁକୁ ପୋଲିସ ଧରିଆଣିଥିଲା । ନୀଲୁକୁ କୋର୍ଟ ଚାଲାଣ କରିବା ସହ ନୀଲୁକୁ ସୁଧାର ଗୃହକୁ ପଠାଇଦେଇଥିଲେ । ନୀଲୁ ଜେଲରେ ବାହାରିବା ପରେ ସେମାନେ ସାଙ୍ଗ ହୋଇ ରହିଥିଲେ ।
ଏହି ଘଟଣାରେ ନୀଲୁର ବାପା ଆହୁରି ଉତକ୍ଷିପ୍ତ ହୋଇ ପଡ଼ିଥିଲେ । ଫଳରେ ନୀଲୁର ବାପା, ଭାଇ ଓ ମାଆ ଦିନେ ନୀଲୁକୁ ଉଠାଇ ଆଣିଥିଲେ । ନୀଲୁକୁ ସେମାନେ କୋଦାଳରେ ହାଣି ହତ୍ୟା କଲାପରେ ଗେରୁଆ ନଦୀ ପଠାରେ ପକାଇଦେଇଥିଲେ । ଏପରିକି ମୁହଁକୁ କୁତ୍ସିତ କରି ମଧ୍ୟ ହାଣି ଦେଇଥିଲେ ।
ଏବାବଦରେ ଗାଁ ଲୋକ ପୋଲିସକୁ ଖବର ଦେଇଥିଲେ । ପୋଲିସ ଶବକୁ ଜବତ କରିବା ପରେ ଏହି ଘଟଣାରେ ସଂପୃକ୍ତ ଥିବା ମାଆ-ବାପା-ଭାଇଙ୍କୁ ଗିରଫ କରି କୋର୍ଟ ଚାଲାଣ କରିଛି ।