ନୂଆଦିଲ୍ଲୀ୧୯|୭: ୨୦୧୯ ବିଶ୍ବକପ ଟୁର୍ଣ୍ଣାମେଣ୍ଟ ସରିବା ପରେ ପୂର୍ବତନ କ୍ରିକେଟର, କ୍ରିକେଟ ସମୀକ୍ଷକ ଓ କ୍ରିକେଟପ୍ରେମୀଙ୍କ ପକ୍ଷରୁ ବିଭିନ୍ନ ପ୍ରକାର ବିଭ୍ରାନ୍ତିକର ମନ୍ତବ୍ୟ ପଦାକୁ ଆସିଛି। ପୂର୍ବତନ କ୍ରିକେଟର ଗୌତମ ଗମ୍ଭୀର ଭାରତୀୟ ଟିମ​‌ର ପୂର୍ବତନ ଅଧିନାୟକ ଧୋନୀଙ୍କ ଉପରେ ଦୋଷ ଲଗାଇଛନ୍ତି। ଧୋନୀଙ୍କୁ ଦଳରୁ ବାହାର କରି ନୂଆ ଖେଳାଳିଙ୍କୁ ସୁଯୋଗ ଦେବା ଉପରେ ସେ ଯୋର ଦେଉଛନ୍ତି । ଯା ମଧ୍ୟରେ ଧୋନୀ କ୍ୟାପଟେନଥିଲାବେଳେ କେମିତି ସଚ୍ଚିନ, ଗମ୍ବୀର ଓ ସେହେୱାଗଙ୍କୁ ନଖେଳାଇବା ଲାଗି ଯୋଜନା କରିଥିଲେ ତାର ଗୁମର ଖୋଲିଛନ୍ତି ଗମ୍ଭୀର ।

୨୦୧୫ ବିଶ୍ବକପରେ ସଚିନ ତେନ୍ଦୁକର, ବିରେନ୍ଦ୍ର ସେହଓ୍ବାଗ ଓ ଗମ୍ଭୀର ଖେଳିପାରିବେ ନାହିଁ ବୋଲି ଧୋନି ୨୦୧୧ ବିଶ୍ବକପ ପରେପରେ ସ୍ପଷ୍ଟଭାବେ କହିସାରିଥିଲେ। ଧୋନି କ୍ରିକେଟ ଖେଳରୁ ସନ୍ୟାସ ନେବେ ବୋଲି ତିନିଦିନ ଲଗାତର ମିଡିଆରେ ଚର୍ଚ୍ଚା ଲାଗିରହିଛି। ଏହି ସମୟରେ ​ଧୋନୀଙ୍କୁ ଦୋଷ ଦେଇଛନ୍ତି ପୂର୍ବତନ କ୍ରିକେଟର ଗୌତମ ଗମ୍ଭୀର।

ଗମ୍ଭୀର କହିଛନ୍ତି, ଧୋନୀ ୨୦୧୨ରେ ନିଷ୍ପତ୍ତି ନେଇଥିଲେ ଯେ ୨୦୧୫ ବିଶ୍ବକପରେ ସଚିନ, ସେହଓ୍ବାଗ ଓ ଗମ୍ଭୀର ଖେଳିପାରିବେ ନାହିଁ। ଏଥିସହ ଅଷ୍ଟ୍ରେଲିଆ ଗସ୍ତ ବେଳେ ଧୋନୀ କହିଥିଲେ, ୧୧ ଜଣ ଖେଳାଳୀଙ୍କ ମଧ୍ୟରେ ଗମ୍ଭୀର, ସଚିନ ଓ ସେହଓ୍ବାଗ ଏକା ସହ ରହିବେ ନାହିଁ।  ଏହି ତିନିଜଣଙ୍କୁ ୨୦୧୫ ବିଶ୍ବକପରେ ନଖେଳାଇବାର କାରଣ ସମ୍ପର୍କରେ ଧୋନୀ ଆହୁରି ସାଂଘାତିକ କଥା କହିଥିଲେ । ଏହି ତିନିଜଣ ଫିଲଡିଂରେ ଭଲ ପ୍ରଦର୍ଶନ କରିପାରୁ ନଥିବାରୁ ଏମାନଙ୍କୁ ବିଶ୍ବକପ ଖେଳାଯିବ ନାହିଁ ବୋଲି ଧୋନୀଙ୍କ ଯୁକ୍ତି ଥିଲା ।

ଯାହା ଏହି ଖେଲାଳିଙ୍କ ପାଇଁ ଅପମାନଜନକ ଥିଲା । ଏହି କଥା ଶୁଣିବା ପରେ ତାଙ୍କୁ ଶକ୍ତ ଝଟକା ଲାଗିଥିଲା ବୋଲି ଗମ୍ଭୀର କହିଛନ୍ତି। ତିନିଜଣଙ୍କୁ ୨୦୧୫ରେ ବିଶ୍ବକପ ଖେଲାଯିବ ନାହିଁ ବୋଲି ୨୦୧୨ରେ ଜଣେ କ୍ୟାପଟେନ କେମିତି କହିପାରିବ ବୋଲି ଗମ୍ଭୀର ପ୍ରଶ୍ନ କରିଛନ୍ତି । । ଯଦି କେହି ମ୍ୟାଚରେ ଭଲ ରନ ସଂଗ୍ରହ କ​‌ରେ ଓ ଭଲ ଫର୍ମରେ ଥାଏ ତେବେ ବୟସ କେବେ ମାପକାଠି ବା ଯୋଗ୍ୟତା ହୋଇପାରିବ ନହିଁ ବୋଲି ଗମ୍ଭୀର କହିଛନ୍ତି । ଗମ୍ବୀରଙ୍କ ମତରେ ବୟସ କେବଳ ଏକ ନମ୍ବର ମାତ୍ର।

ଧୋନୀଙ୍କ ଆଗାମୀ ଭବିଷ୍ୟତକୁ ଲକ୍ଷ୍ୟକରି ଗମ୍ଭୀର କହିଛନ୍ତି, ଧୋନୀଙ୍କ ସମୟ ଆସିସାରିଛି, ; ସେ ଅଧିପନାୟକ ଥିବା ସମୟରେ ମଧ୍ୟ କୌଣସି ଠିକ୍ ନିଷ୍ପତ୍ତି ନେବାରେ ସକ୍ଷମ ହୋଇନାହାନ୍ତି। ତେଣୁ ତାଙ୍କ ବଦଳା ରିଷଭ ପନ୍ତ , ସଞ୍ଜୁ ସାମସନ ଓ ଇଶାନ କିଶାନଙ୍କୁ କିପିଂ କରିବାରସୁଯୋଗ ଦେବା ଦର୍କାର ବୋଲି ଗମ୍ଭୀର ପରାମର୍ଶ ଦେଇଛନ୍ତି । ସେମାନଙ୍କୁ କ୍ରମାଗତଭାବେ ଖେଳିବାର ସୁଯୋଗ ମିଳିଲେ ସେମାନେ ନିଶ୍ଚିତ ଆଗକୁ ଯିବେ ବୋଲି ଗମ୍ଭୀର କହିଛନ୍ତି।