Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ହଙ୍ଗକଙ୍ଗରେ ଚୀନକୁ ଝଟକା, ଜିଲ୍ଲା ପରିଷଦ ନିର୍ବାଚନରେ ଗଣତନ୍ତ୍ରର ବଡ ଜିତ୍

25/11/2019 at 9:59 PM

ହଙ୍ଗକଙ୍ଗ: ଗଣତନ୍ତ୍ର ବିରୋଧୀ ଚୀନକୁ ହଙ୍ଗକଙ୍ଗରେ ଗଣତନ୍ତ୍ର ସମର୍ଥକଙ୍କ ବଡ ଝଟକା। ଗତ ୬ ମାସ ଧରି ବିରୋଧ ପ୍ରଦର୍ଶନ ପରେ ରବିବାର ଡିଷ୍ଟ୍ରିକ୍ଟ କାଉନସିଲ ନିର୍ବାଚନ ଲାଗି ମତଗ୍ରହଣ ହୋଇଥିଲା। ଏଥିରେ ୭୦ ପ୍ରତିଶତରୁ ବି ଅଧିକ ମତଦାନ ହୋଇଥିବା ବେଳେ ଡେମୋକ୍ରାଟ ବିପୁଳ ବିଜୟ ହାସଲ କରିଛନ୍ତି। ମତଦାନର ଏଭଳି ଫଳାଫଳକୁ ଗଣତାନ୍ତ୍ରିକ ସମୂହଙ୍କ ବଡ ଜିତ ବୋଲି ଏବେ କୁହାଯାଉଛି। ଅନ୍ୟପକ୍ଷରେ ଏହି ନିର୍ବାଚନକୁ ହଙ୍ଗକଙ୍ଗର ନେତା ତଥା ଚିଫ ଏକଜ୍ୟୁକୁଟିଭ କେରି ଲେମଙ୍କ ଲାଗି ଏବେ ଶକ୍ତି ପରୀକ୍ଷା ବିବେଚନା କରାଯାଉଛି।

ତେବେ ୬ମାସ ଧରି ହଙ୍ଗକଙ୍ଗରେ ଚାଲିଥିବା ବିରୋଧ ପ୍ରଦର୍ଶନ ପରେ ଅନୁଷ୍ଠିତ ହୋଇଥିବା ନିର୍ବାଚନ ନିଶ୍ଚିତ ସରକାରଙ୍କୁ ଏକ ବାର୍ତ୍ତା ଦେବ ବୋଲି ଗଣତନ୍ତ୍ର ସପକ୍ଷବାଦୀମାନେ ଆଶାବ୍ୟକ୍ତ କରିଛନ୍ତି। ବାଣିଜ୍ୟିକ ହବ୍ ଭାବେ ଜଣାସୁଣା ହଙ୍ଗକଙ୍ଗର ଗଣତନ୍ତ୍ର ସମର୍ଥକ ପ୍ରାର୍ଥୀମାନେ ପ୍ରଥମ ଥର ୪୫୨ ସଦସୀୟ ଡିଷ୍ଟ୍ରିକ୍ଟ କାଉନସିଲର ଅଧାରୁ ଅଧିକ ଆସନରେ ବିଜୟୀ ହୋଇଛନ୍ତି।  ମଧ୍ୟରାତ୍ର ପରେ ନିର୍ବାଚନ ଫଳାଫଳ ଆସିବା ପରେ ବେଜିଂ ସମର୍ଥକମାନେ ଡେମୋକ୍ରାଟଙ୍କ ବିଜୟକୁ ଦେଖି ବେଶ ଚିନ୍ତିତ ହୋଇପଡିଛନ୍ତି।

ନିର୍ବାଚନରେ ବିଜୟୀ ପ୍ରାର୍ଥୀମାନେ ଗଣତନ୍ତ୍ର ସମୂହର ଏହା ବିଜୟ ବୋଲି କହିଛନ୍ତି। ସେହିପରି ଏହି ନିର୍ବାଚନ ଫଳାଫଳ ଚିଫ ଏକଜ୍ୟୁକୁଟିଭ କେରି ଲେମଙ୍କ ଉପରେ ନିଶ୍ଚିତ ପ୍ରଭାବ ପକାଇବ ବୋଲି ବିଜୟୀପ୍ରାର୍ଥୀମାନେ ଆଶାବ୍ୟକ୍ତ କରିଛନ୍ତି। କେରି ଲେମ ଚୀନର ସମର୍ଥକ ହୋଇଥିବା ବେଳେ ତାଙ୍କ ଯୋଗୁ ହଙ୍ଗକଙ୍ଗ ଗତ ଏକ ଦଶକରୁ ଊର୍ଦ୍ଧ୍ୱକାଳ ହେଲା ହଙ୍ଗକଙ୍ଗ ଆନ୍ଦୋଳନ ଓ ବିକ୍ଷୋଭର କେନ୍ଦ୍ରସ୍ଥଳି ପାଲଟିଥିବା ଲୋକେ କହିଛନ୍ତି।  

   Related Posts