Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||
  • ଭୁବନେଶ୍ବର : ହୋଟେଲ୍ ଓ ରେଷ୍ଟୁରାଣ୍ଟକୁ BMCର କଡା ନିର୍ଦ୍ଦେଶ, ୭ ଦିନ ଭିତରେ ଦୋକାନ ସମ୍ମୁଖରେ ଲଗାଅ ଫୁଡ୍ ସେଫ୍ଟି ସାର୍ଟିଫିକେଟ୍
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୩ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୪୩ କୋଭିଡ୍ ସଂକ୍ରମିତ, ୩୩୩୮୬୬ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

କରୋନା ସଂକ୍ରମଣ ଚିନ୍ତା : ରାସ୍ତା କଡରେ ଶୋଉଥିବା ଲୋକଙ୍କୁ ପଞ୍ଚ ତାରକା ହୋଟେଲରେ ରଖିବ ଏହି ଦେଶ

31/03/2020 at 6:12 PM

କାନବେରା ୩୧।୩: ସାରା ବିଶ୍ବରେ କରୋନା ଭାଇରସ୍ ସଙ୍କଟ ଦେଖାଦେଇଛି । ପ୍ରତ୍ୟେକ ଦେଶ ନିଜ ନିଜ ପଦ୍ଧତିରେ କରୋନା ଭାଇରସ୍ ସଂକ୍ରମଣକୁ ହ୍ରାସ କରିବାକୁ ଚେଷ୍ଟା କରୁଛନ୍ତି । ଏଭଳି ପରିସ୍ଥିତିରେ ଏକ ଦେଶ ଏଭଳି ପ୍ରୋଜେକ୍ଟ ଆରମ୍ଭ କରିବାକୁ ଯାଉଛି ଯେଉଁଥିରେ ରାସ୍ତା କଡରେ ଶୋଉଥିବା ଲୋକଙ୍କୁ କରୋନା ଭାଇରସ୍ ସଂକ୍ରମଣରୁ ସୁରକ୍ଷା ଦେବା ପାଇଁ ପଞ୍ଚ ତାରକା ହୋଟେଲରେ ରଖାଯିବ ।

ଏହା ଅଷ୍ଟ୍ରେଲିଆର ପର୍ଥରେ ହେବାକୁ ଯାଉଛି । ରାସ୍ତା କଡରେ ଶୋଉଥିବା ଲୋକଙ୍କୁ ପ୍ରତି ରାତିକୁ ପ୍ରାୟ ୨୦,୦୦୦ ଟଙ୍କା ଭଡା ଥିବା ଏକ ହୋଟେଲକୁ ସ୍ଥାନାନ୍ତର କରାଯିବ । ପଶ୍ଚିମ ଅଷ୍ଟ୍ରେଲିଆ ସରକାର ଏହି ପ୍ରୋଜେକ୍ଟ ଆରମ୍ଭ କରିବାକୁ ପ୍ରସ୍ତୁତି ଚଳାଇଛନ୍ତି ।
ପ୍ରୋଜେକ୍ଟ ଅନୁଯାୟୀ ପ୍ରାୟ ମାସେ ପର୍ଯ୍ୟନ୍ତ ରାସ୍ତାରେ ଶୋଉଥିବା ଲୋକଙ୍କୁ ହୋଟେଲରେ ରଖାଯିବ । ପ୍ରାରମ୍ଭରେ ୨୦ ବାସହୀନ ଲୋକଙ୍କୁ ପ୍ୟାନ୍ ପାସିଫିକ୍ ହୋଟେଲରେ ରଖାଯିବା ପାଇଁ ବ୍ୟବସ୍ଥା କରାଯିବ ।

ଏହି ପ୍ରକଳ୍ପର ନାମ ‘ହୋଟେଲ୍ସ ଓ୍ବିଥ୍ ହାର୍ଟ’ ରଖାଯାଇଛି । ସରକାର ଏଭଳି ବାସହୀନ ଲୋକଙ୍କୁ ଚୟନ କରିବେ ଯେଉଁମାନେ ଏପର୍ଯ୍ୟନ୍ତ ନିଜକୁ ଆଇସୋଲେଟ୍ କରିବାରେ ବିଫଳ ହୋଇଛନ୍ତି । ପରେ ଏହି ପ୍ରୋଜେକ୍ଟରେ ଘରୋଇ ହିଂସାର ଶିକାର ହୋଇଥିବା ମହିଳା ଏବଂ ମାନସିକ ସ୍ବାସ୍ଥ୍ୟ ସହ ସଂଘର୍ଷ କରୁଥିବା ମହିଳାମାନଙ୍କୁ ମଧ୍ୟ ଅନ୍ତର୍ଭୁକ୍ତ କରାଯାଇପାରିବ | ଯଦି ପ୍ରକଳ୍ପ ସଫଳ ହୁଏ, ତେବେ ହୋଟେଲର ୧୨୦ ରୁମ୍ ବ୍ୟବହାର କରାଯାଇପାରିବ ।

ନୂଆ ପ୍ରୋଜେକ୍ଟ କଥା ସେତେବେଳେ ଉଠିଥିଲା ଯେତେବେଳେ ବାସହୀନ ଲୋକଙ୍କୁ କରୋନାରୁ ରକ୍ଷାକରିବା ପାଇଁ ଗତ ସପ୍ତାହରେ ଏକ ଟାସ୍କଫୋର୍ସ ଗଠନ କରାଯାଇଥିଲା । ସମ୍ପ୍ରଦାୟ ସେବା ମନ୍ତ୍ରୀ ସିମୋନ୍ ମେଗର୍କ କହିଛନ୍ତି ଯେ, ଏହି ପ୍ରୟାସ ଦ୍ବାରା ଆମେ ସ୍ବାସ୍ଥ୍ୟ ସେବା ଉପରେ ପଡିବାକୁ ଥିବା ଚାପକୁ ହ୍ରାସ କରିପାରିବା ।

   Related Posts