Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

ଗୃହ ମନ୍ତ୍ରଣାଳୟର ଦୃଢ କାର୍ଯ୍ୟାନୁଷ୍ଠାନ, ତବଲିଗି ଜମାତରେ ସାମିଲ ୯୬୦ ବିଦେଶୀ ବ୍ଲାକଲିଷ୍ଟ, ଭିସା ରଦ୍ଦ

2/04/2020 at 8:36 PM

ନୂଆଦିଲ୍ଲୀ ୦୨।୦୪: ଦେଶରେ କରୋନା ଭାଇରସ୍‌ ସଂକ୍ରମିତଙ୍କ ସଂଖ୍ୟା ବୃଦ୍ଧି ଘଟି ୨୦୦୦ରେ ପହଞ୍ଚିଛି। ସମଗ୍ର ଦେଶରେ ଦିଲ୍ଲୀର ନିଜାମୁଦ୍ଦିନରେ ତବଲିଗି ଜମାତର ମରକଜରେ ସାମିଲ ଲୋକଙ୍କ ମଧ୍ୟରୁ ୪୦୦ କରୋନା ପଜିଟିଭ୍ ଚିହ୍ନଟ ହେବା ପରେ କରୋନା ଭାଇରସ୍‌ ସଂକ୍ରମିତ ଲୋକଙ୍କ ସଂଖ୍ୟା ଅଚାନକ ବୃଦ୍ଧି ଘଟିଛି। ଏହି ଅବସ୍ଥାକୁ ଦୃଷ୍ଟିରେ ରଖି  କେନ୍ଦ୍ର ଗୃହ ମନ୍ତ୍ରଣାଳୟ ଦୃଢ କାର୍ଯ୍ୟାନୁଷ୍ଠାନ ନେଇ ତବଲିଗି ଧାର୍ମିକ ସମାରୋହରେ ସାମିଲ ପ୍ରାୟ ୯୫୦ ବିଦେଶୀଙ୍କୁ କଳାତାଲିକାଭୁକ୍ତ କରିଛି। ଗୃହ ମନ୍ତ୍ରଣାଳୟ ପକ୍ଷରୁ ଗୁରୁବାର ସୂଚନା ଦିଆଯାଇଛି ଯେ, ପର୍ଯ୍ୟଟକ ଭିସାରେ ତବଲିଗି ଗତିବିଧିରେ ଲିପ୍ତ ଥିବା କାରଣରୁ ୯୬୦ ବିଦେଶୀଙ୍କୁ କଳାତାଲିକା ଭୁକ୍ତ କରାଯାଇଛି ଏବଂ ସେମାନଙ୍କର ଭାରତୀୟ ଭିସା ମଧ୍ୟ ରଦ୍ଦ କରାଯାଇଛି।

ଗୃହ ମନ୍ତ୍ରଣାଳୟ ଦ୍ଵାରା ତବଲିଗି ଜମାତ, ନିଜାମୁଦ୍ଦିନର ମାମଲାରେ ଦିଲ୍ଲୀ ପୋଲିସ୍ ଓ ଅନ୍ୟ ସମ୍ବନ୍ଧିତ ରାଜ୍ୟ ପୋଲିସ୍ ମହା ନିର୍ଦ୍ଦେଶକଙ୍କୁ ବିଦେଶୀ ଅଧିନିୟମ, ୧୯୪୬ ଏବଂ ବିପର୍ଯ୍ୟୟ ପ୍ରବନ୍ଧନ ଅଧିନିୟମ, ୨୦୦୫ର ପ୍ରାବଧାନ ଉଲ୍ଲଂଘନ କରିଥିବା ୯୬୦ ବିଦେଶୀଙ୍କ ବିରୁଦ୍ଧରେ ଆବଶ୍ୟକୀୟ ଆଇନଗତ କାର୍ଯ୍ୟାନୁଷ୍ଠାନ ନେବାକୁ କୁହାଯାଇଛି।

୧୮୦୪ ଜଣ କ୍ଵାରେଣ୍ଟାଇନରେ

କେନ୍ଦ୍ର ଗୃହ ମନ୍ତ୍ରଣାଳୟରେ ଯୁଗ୍ମ ସଚିବ ପୁଣ୍ୟ ସଲିଲ ଶ୍ରୀବାସ୍ତବ ନିୟମିତ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଦିଲ୍ଲୀରେ ତବଲିଗି ଜମାତର ପ୍ରାୟ ୨୦୦୦ ସଦସ୍ୟ ମଧ୍ୟରୁ ୧୮୦୪ ଜଣଙ୍କୁ କ୍ଵାରେଣ୍ଟାଇନରେ ପଠାଯାଇଛି। କରୋନା ଲକ୍ଷଣ ଥିବା ୩୩୪ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଏହା ସହିତ ତବଲିଗି ଜମାତର ସଦସ୍ୟ ଏବଂ ସେମାନଙ୍କର ସଂସ୍ପର୍ଶରେ ଆସିଥିବା ପ୍ରାୟ ୯୦୦୦ ଲୋକଙ୍କୁ ଚିହ୍ନଟ କରି ବିଭିନ୍ନ ରାଜ୍ୟରେ କ୍ଵାରେଣ୍ଟାଇନରେ ରଖାଯାଇଛି। ଏମାନଙ୍କ ମଧ୍ୟରୁ ୧୩୦୬ ବିଦେଶୀ।

   Related Posts