Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||

ଗୃହ ବିଭାଗ ଉପସଚିବଙ୍କ କରୋନାରେ ମୃତ୍ୟୁ : ଏମ୍ସ ବାହାରେ ଫୁଟ୍‌ପାଥ୍‌ରେ ପଡି ଛଟପଟ ହେଉଥିବା ଭିଡିଓ ସେୟାର କରିଥିଲେ ତେଜସ୍ୱି ଯାଦବ

14/07/2020 at 5:06 PM

ପାଟଣା ୧୪/୦୭ : ବିହାର ଗୃହ ବିଭାଗ ପୂର୍ବତନ ଉପସଚିବ ଉମେଶ ରଜକ କରୋନା ଯୋଗୁଁ ପ୍ରାଣ ହରାଇଛନ୍ତି | ପାଟଣା ଏମ୍ସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି | ଚିକିତ୍ସା ପାଇଁ ତାଙ୍କୁ ୨୪ ଘଣ୍ଟା ହସ୍ପିଟାଲ ବାହାରେ ଭୂଇଁରେ ଅପେକ୍ଷା କରିବାକୁ ପଡିଥିଲା | ଏହାର ଭିଡିଓ ଭାଇରାଲ ହୋଇଛି | ଭିଡିଓ ଭାଇରାଲ ହେବାପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା | ଠିକ ସମୟରେ ତାଙ୍କର ଚିକିତ୍ସା ହୋଇନଥିବାରୁ ତାଙ୍କର ମୃତ୍ୟୁ ହୋଇଥିବା କୁହାଯାଉଛି | ମଙ୍ଗଳବାର ଦିନ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି | ରବିବାର ରାତିରେ ତାଙ୍କର କରୋନା ଯାଞ୍ଚ ରିପୋର୍ଟ ପଜିଟିଭ ଆସିଥିଲା | ଏହାପରେ ତାଙ୍କୁ ପାଟଣା ଏମ୍ସ ରେଫର କରାଯାଇଥିଲା |

ପରିବାର ସଦସ୍ୟ ତାଙ୍କୁ ରାତି ୧୧ଟା ସମୟରେ ନେଇ ଏମ୍ସରେ ପହଞ୍ଚିଥିଲେ | କିନ୍ତୁ ତାଙ୍କୁ ଭର୍ତ୍ତି କରାଯାଇନଥିଲା | ତାଙ୍କୁ ନିଶ୍ୱାସ ନେବାରେ ଅସୁବିଧା ହେଉଥିଲା | ଏହାପରେ ତାଙ୍କ ପତ୍ନୀ ହସ୍ପିଟାଲ ବାହାରେ ହଙ୍ଗାମା କରିଥିଲେ | ସେ ବାରମ୍ବାର କହୁଥିଲେ କରୋନା ପୀଡିତ ରୋଗୀ ଗୃହ ବିଭାଗର ପୂର୍ବତନ ଉପସଚିବ | କିନ୍ତୁ କେହି ତାଙ୍କ କଥା ଶୁଣିନଥିଲେ | ଡାକ୍ତର କହିଥିଲେ ହସ୍ପିଟାଲରେ ବେଡ଼ ଖାଲି ନାହିଁ |

ଏହି ଘଟଣାର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା | ଭିଡିଓ ଭାଇରାଲ ହେବାପରେ ଏମ୍ସ ପ୍ରଶାସନର ନିଦ ଭାଙ୍ଗିଥିଲା | ନୋଡାଲ ଅଫିସର ଡ.ସଂଜୀବ କୁମାର ସଫେଇ ଦେଇ କହିଛନ୍ତି ଯେ ରାତିରେ ଆସିଥିଲେ ଯଦି କାହାକୁ ଖବର ଦେବା ଉଚିତ | ସୂଚନା ପାଇବା ପରେ ତାଙ୍କୁ ଭର୍ତ୍ତି କରାଯାଇଥିଲା |

ଦିନେ ପୂର୍ବରୁ ବିହାର ବିରୋଧୀ ନେତା ତେଜସ୍ୱି ଯାଦବ ଏକ ଭିଡିଓ ସେୟାର କରିଥିଲେ | ଭିଡିଓରେ ସେ ଲେଖିଥିଲେ, ପାଟଣା ଏମ୍ସ ଫୁଟପାଥରେ ପଡିରହିଥିବା ବ୍ୟକ୍ତି ଜଣକ କରୋନା ସଂକ୍ରମିତ | ସରକାର, ପ୍ରଶାସନ, ହସ୍ପିଟାଲ କେହି ତାଙ୍କ କଥା ଶୁଣୁ ନାହାନ୍ତି | ବିହାରରେ କରୋନା ସ୍ଥିତି ଭୟାବହ ହୋଇଛି | ଆଗାମୀ ସମୟରେ ପରିସ୍ଥିତି ଆହୁରି ଖରାପ ହେବ | ସରକାର ଯାଞ୍ଚ କରୁନାହାନ୍ତି, ତଥ୍ୟ ମଧ୍ୟ ଲୁଚାଉଛନ୍ତି | ବିହାରକୁ ବର୍ତ୍ତମାନ ଭଗବାନ ହିଁ ରକ୍ଷା କରିବେ ବୋଲି ସେ ଲେଖିଥିଲେ |

   Related Posts