Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • LICର ଏମ୍‌ଡି ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି, ଫେବୃଆରୀ ୧ରୁ ସମ୍ଭାଳିବେ ଦାୟିତ୍ବ
  • ||
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||

ହକି ବିଶ୍ବକପର ବିଭିନ୍ନ ଲିଗ୍ ପର୍ଯ୍ୟାୟରେ ଖେଳାଳିଙ୍କୁ ଦିଆଯିବ କଟକ ତାରକସୀ ଟ୍ରଫି : କାଫଲା ବଜାରରେ ୨୭୫ ଟି ଟ୍ରଫି ତିଆରିରେ ଲାଗିଛନ୍ତି କାରିଗର ପଙ୍କଜ ସାହୁ

9/11/2018 at 5:15 PM

କଟକ ୯|୧୧: ହକି ବିଶ୍ବକପ୍ ମାଧ୍ୟମରେ କଟକ ତାରକସୀ କାମ ପହଞ୍ଚିବ ବିଶ୍ବ ଦରବାରରେ । ବିଶ୍ବକପ୍ ହକିର ବିଭିନ୍ନ ଲିଗ୍ ପର୍ଯ୍ୟାୟ ମ୍ୟାଚ୍ ରେ ଖେଳାଳୀଙ୍କୁ ଦିଆଯିବ ତାରକସି ଟ୍ରଫି । ଯାହାକୁ ତିଆରି କରୁଛନ୍ତି କଟକରେ ଖ୍ୟାତନାମା ତାରକସୀ କାରିଗର ପଙ୍କଜ କୁମାର ସାହୁ ଓ ତାଙ୍କର ୧୫ ଜଣ ସହଯୋଗୀ । ଆସନ୍ତା ୨୦ ତାରିଖ ସୁଦ୍ଧା ୨୭୫ ଟି ଚାନ୍ଦି ଚ୍ରଫି ହସ୍ତକଳା ନିର୍ଦ୍ଦେଶକଙ୍କୁ ହସ୍ତାନ୍ତର କରିବେ ପଙ୍କଜ ।

ହକି ବିଶ୍ବକପର ବିଭିନ୍ନ ଲିଗ୍ ପର୍ଯ୍ୟାୟରେ ଖେଳାଳିଙ୍କୁ ଦିଆଯିବ ଟ୍ରଫି । ସେ ପୁଣି ତାରକସିର । ଟ୍ରଫି ତିଆରି ଦାୟିତ୍ବ ନେଇଛନ୍ତି ରାଷ୍ଟ୍ରପତି ପୁରସ୍କାର ପ୍ରାପ୍ତ କାରିଗର ପଙ୍କଜ ସାହୁ । ତାଙ୍କୁ ସହଯୋଗ କରୁଛନ୍ତି ୧୫ ଜଣ ସହଯୋଗୀ । କଟକ କାଫଲା ବଜାରରେ ଥିବା ଏକ ନୁଆଁଣିଆ ଚାଳ ଘରେ ଚାଲିଛି ଟ୍ରଫି ତିଆରି । ହକି ବିଶ୍ବକପ୍ ପାଇଁ ଆବଶ୍ୟକ ୨୭୫ ଟି ଟ୍ରଫି । ଆଉ ଏଗୁଡିକରେ ଦେଖିବାକୁ ମିଳିବ ପଙ୍କଜଙ୍କ ନିଖୁଣ କାରିଗରି । ଏଥିପାଇଁ ବେଶ୍ ଗର୍ବ ଅନୁଭବ କରନ୍ତି ପଙ୍କଜ । ଗୋଟିଏ ହାତ ନଥାଇ ବି ହସ୍ତକଳାରେ ମାହିର୍ ପଙ୍କଜ ।

କଟକର ତାରକସୀ କାମକୁ ହକି ବିଶ୍ବକପ୍ ମାଧ୍ୟମରେ ବିଶ୍ବ ବଜାରରେ ପହଞ୍ଚାଇବାକୁ ଏକ ସୁନ୍ଦର ପ୍ରୟାସ କରିଛନ୍ତି ରାଜ୍ୟ ସରକାର । ବିଭିନ୍ନ ଦେଶର ଖେଳାଳୀ ଓ ଅଫିସିଆଲ୍ ଦେଖିବେ କଟକ ତାରକସୀ କାମର ଝଲକ୍ । ଆଉ ଏହି କାରୁକାର୍ଯ୍ୟ ଶୋଭା ପାଇବ ବିଦେଶୀ ଖେଳାଳୀଙ୍କ ଡ୍ରଇଙ୍ଗ ରୁମ୍‌ରେ । ଏଥିସହ ଦରିଆପାରିରେ ପହଞ୍ଚିବ ତାରକସୀ । ବିଶ୍ବ ବଜାରରେ ତାରକସିକୁ ନୂଆ ପସରା ମଧ୍ୟ ମିଳିଯିବ ।

ବର୍ତ୍ତମାନ ସୁଦ୍ଧା ପଙ୍କଜ ଓ ତାଙ୍କ ସହଯୋଗୀମାନେ ୧୭୫ ଟି ଟ୍ରଫି ତିଆରି କରି ହସ୍ତକଳା ବିଭାଗକୁ ଦେଇ ସାରିଲେଣି ।ଆସନ୍ତା ୨୦ ତାରିଖ ସୁଦ୍ଧା ସବୁ ଟ୍ରଫି ଦିଆଯିବ । ତେବେ ୨୭୫ ଟି ଟ୍ରଫି ତିଆରି ପାଇଁ ପ୍ରାୟ ୨୦ କେଜି ଚାନ୍ଦି ଆବଶ୍ୟକ ପଡିବ । ଗୋଟିଏ ଟ୍ରଫିରେ ହାରାହାରି ୩ଶହ ଗ୍ରାମ ଚାନ୍ଦି ବ୍ୟବହାର ହେଉଛି ଯାହାର ଆନୁମାନିକ ମୂଲ୍ୟ ପ୍ରାୟ ୨୫ ହଜାର ଟଙ୍କା  

   Related Posts