Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ଆସିଲା ଐତିହାତିକ ରାୟ- ନିର୍ମାଣ ହେବ ରାମ ମନ୍ଦିର , ମସଜିଦ୍‌ ପାଇଁ ସୁନ୍ନି ଓ୍ୱାକଫ ବୋର୍ଡକୁ ଅଯୋଧ୍ୟାରେ ମିଳିବ ୫ ଏକର ଜମି

9/11/2019 at 7:21 PM

ନୂଆଦିଲ୍ଲୀ ୦୯।୧୧ – ଅଯୋଧ୍ୟା ମାମଲାରେ ଆସିଲା ଐତିହାତିକ ରାୟ । ୭୦ ବର୍ଷଧରି ଚାଲିଥିବା ଦେଶର ସବୁଠୁ ବଡ ବିବାଦୀୟ ନ୍ୟାୟିକ ମାମଲାରେ ସୁପ୍ରିମକୋର୍ଟ ଟାଣିଲେ ପୂର୍ଣ୍ଣଛେଦ । ସର୍ବୋଚ୍ଚ ଅଦାଲତ ସ୍ପଷ୍ଟ କରିଦେଲେ ଅଯୋଧ୍ୟା ହିଁ ଥିଲା ରାମଲାଲାଙ୍କ ଜନ୍ମସ୍ଥଳ । ହିନ୍ଦୁଙ୍କ ଏହି ବିଶ୍ବାସକୁ ବିବାଦିତ କରାଯାଇ ପାରିବ ନାହିଁ । ଯେଉଁସ୍ଥାନରେ ବିବାଦୀୟ ଜମି ଥିଲା ତାହା ଉପରେ ରାମମନ୍ଦିର ନିର୍ମାଣ କରିବାକୁ କେନ୍ଦ୍ର ସରକାର ୩ ମାସ ଭିତରେ ଟ୍ରଷ୍ଟ ଗଠନ କରି ପ୍ରକ୍ରିୟା ଆରମ୍ଭ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ।…

ବିବାଦୀୟ ସ୍ଥଳ ଅଯୋଧ୍ୟାରେ ହିଁ ତିଆରି ହେବ ରାମ ମନ୍ଦିର । ରାସ୍ତା ସଫା ହେଲା । ବର୍ଷ ବର୍ଷ ଧରି କୋର୍ଟ କଚେରୀରେ ଗଡ଼ି ଆସୁଥିବା ମାମଲାର ଆଜି ଆସିଲା ଫୈସଲା । କୋର୍ଟ ସ୍ପଷ୍ଟ କରିଛନ୍ତି  ଅଯୋଧ୍ୟାରେ ରାମମନ୍ଦିର ଥିଲା ଏବଂ ତା ଉପରେ ବାବରି ମସଜିଦ୍ ଗଠନ କରାଯାଇଥିଲା । ତେବେ ବାବରି ମସଜିଦ୍ ଏକ ଖାଲି ସ୍ଥାନରେ ନିର୍ମାଣ ହୋଇନଥିଲା । ଅଯୋଧ୍ୟାରେ ଥିବା ରାମ ମନ୍ଦିର ଢାଞ୍ଚା ଉପରେ ହିଁ ମସଜିଦ୍ ନିର୍ମାଣ ହୋଇଥିଲା । ପ୍ରତ୍ନତତ୍ବ ବିଭାଗର ତଥ୍ୟ ଆଧାରରେ ଏଭଳି ଟିପ୍ପଣୀ ଦେଇଛନ୍ତି ସୁପ୍ରିମ କୋର୍ଟ ।  କିନ୍ତୁ ରାମଙ୍କ ଜନ୍ମ ଅଯୋଧ୍ୟାରେ ହୋଇଥିଲା ବୋଲି ଲୋକଙ୍କ ଯେଉଁ ବିଶ୍ବାସ ରହିଛି ସେଥିରେ କୌଣସି ବିବାଦ କରାଯାଇ ପାରିବ ନାହିଁ । ସୁପ୍ରିମ କୋର୍ଟଙ୍କ ଏହି ଐତିହାସିକ ରାୟ ରାମଲାଲାଙ୍କ ସପକ୍ଷରେ ଯାଇଛି ।  ୩ ମାସ ଭିତରେ ଏଥିପାଇଁ ଏକ ଟ୍ରଷ୍ଟ ଗଠନ କରି ରାମ ମନ୍ଦିର ନିର୍ମାଣ ପ୍ରକ୍ରିୟା ଆରମ୍ଭ କରିବାକୁ । କୋର୍ଟ କେନ୍ଦ୍ର ସରକାରଙ୍କୁ ନିର୍ଦେଶ ଦେଇଛନ୍ତି,

ସର୍ବୋଚ ଅଦାଲତ ସ୍ପଷ୍ଟ କରିଛନ୍ତି ଯେ ବିବାଦିତ ୨ ଏକର ୭୭ ଡିସିମିଲ ଜମିରେ ମନ୍ଦିର ନିର୍ମାଣ ହୋଇପାରିବ । ବିବାଦିତ ଜମିକୁ ୩ ଭାଗରେ ବିଭକ୍ତ କରିବାକୁ ୨୦୧୦ ମସିହାରେ ଆଲ୍ଲାବାଦ ହାଇକୋର୍ଟ ଯେଉଁ ରାୟ ଦେଇଥିଲେ ତାକୁ କୋର୍ଟ ଖାରଜ କରିଦେଇଛନ୍ତି । ସେହିଭଳି ବିବାଦିତ ସ୍ଥାନ ନିର୍ମୋହି ଆଖାଡାର ଅଧିକାର ଭୁକ୍ତ ନୁହେଁ ଏବଂ ସେବାୟତ ଅଧିକାର ବି ଆଖଡାର ନାହିଁ ବୋଲି ସ୍ପଷ୍ଟ କରିଛନ୍ତି ।

ସେହିଭଳି ସିଆ ଓାକଫ ବୋର୍ଡର ଦାବିକୁ ମଧ୍ୟ କୋର୍ଟ ଖାରଜ କରିଦେଇଛନ୍ତି ।  ବିବାଦିତ ଜମି ହିନ୍ଦୁ ପକ୍ଷକୁ ମିଳିବାପରେ ମୁସଲିମ ପକ୍ଷକୁ ମସଜିଦ ନିର୍ମାଣ ପାଇଁ ୫ ଏକର ଜମି ଦେବାକୁ ସୁପ୍ରିମକୋର୍ଟ  ରାୟ ଶୁଣାଇଛନ୍ତି । ସେଇ ଅଯୋଧ୍ୟାରେ ହିଁ ୫ ଏକର ଜମି ସୁନି ଓ୍ବାକଫ ବୋର୍ଡ ତୁରନ୍ତ ହସ୍ତାନ୍ତର କରିବାକୁ କୋର୍ଟ ନିର୍ଦେଶ ଦେଇଛନ୍ତି

ରାମ ଜନ୍ମଭୂମି ନ୍ୟାସକୁ ବିବାଦୀୟ ଜମିର ଅଧିକାର ଦିଆଯାଇଥିଲେ ବି ମନ୍ଦିର ନିର୍ମାଣ ଅଧିକାର ରହିବ ନାହିଁ।  ଯେହେତୁ କେନ୍ଦ୍ର ସରକାର ଟ୍ରଷ୍ଟ ଗଠନ କରିବେ, ଟ୍ରଷ୍ଟ କହିବ କିଏ ଓ କିପରି ମନ୍ଦିର ନିର୍ମାଣ କରିବେ ।

   Related Posts